يارب دائماً تضحكي ومبسوطة
ههههه أضحتني الرجل المحفظوظ ولا تنسي كمان حتى بالإجازات الأمومة والإجازات السنوية الراتب مستمر ( راتب حكومي وكل سنة يزيد نسبة الراتب )
حيرتاح من طلباتهــا + الإستفادة منهــا مادياً
مو بس الرجل يفقد الكينونه حتى الزوجة تتعب نفسياً .. أنا أختي إتزوجت مصلحة
هو زوجها من قرايبنا اتزوجها عشان وظيفة لأنو بابا منصب وحيجبلوا وظيفة وبابا غصب أختي توافق وجلس يبكي قدامها عشان تتزوج ويرتاح من هم البنات وجلس يخوف أختي من الدنيا ومن العنوسة ويقلها لو أنا مت ما راح تلاقي حد في الحياة وشوية دموع والله إلا الآن فاكرة المواقف دا .. واختي وافقت و زوجها للأسف اتحول 180 درجة كان يشتغل مع بابا من هوا صغير كان يتيم الأب وبابا كان واثق فيه بس الآن للأسف شخص تاني وأختي خلاص رضيت بالأمر الواقع وإستسلمت للدنيا وعندها بنت الله يخليها ويحفظها ليها ... حتى بعد الزواج إكتشفت انو عيوني زايغة وبيطل على النساء وماما كل شوي تخوفها حيروح يتجوز عليكي ويرميكي في الشارع والله عذاب نفسي شديد لدرجة إنها كانت تدخل الغرفة عندي بش عشان تبكي ومحد يشوفها تبكي وكل شوي تجي زيارة عندنا بالبيت عشان مو طايقة زوجهـــا .. يعني بابا رماها عشان ظروف الحياة وماما تخوفها بذمتك دي حياة !!!
واختي التانية العكس زوجها تقدملها عشان حافظة القرآن الكريم وبتصلي كويس والحمدلله مبسوطة
بشوف فرق شاســــــــع بين الإتنين وفي النهاية انا اللي أختار مو بابا
وتقريباً بابا عارف تفكيري إنو هدفي الحب في الله والإستقرار ولمة اطفال وزوج يصلي ويخاف الله وأخـــلاق ... يعني لو حاول الضغط علي بكلام يخوف ويقفل في وجهي ما راح أضعف إن شاء الله ...
الله يبعدني عن المشروع التجاري الفاشل ...
ومتأكدة انو بابا حيعمل معي نفس الكلام وحيضرب على الوتر الحساس وحيذكرني بكل المشاكل اللي صارت معي بالبيت وغيرها من المشاكل وإرتاحي من المشاكل وإمشي شوفي حياتك هههههههههههه
الله المستعان بــس
والله يا فاديا أنا صحبة مصلحة في الحياة أتعب منهم نفسياً وما أتحمل أبداً الحياة معاهم أجــل كيف زوج معاكي طول العمر وفي وجهك 24 ساعة
حتكون حياة بشعة .... واللي شاف يحس وأختي مثال على هــــذا
معليش طولت عليكي بالكلام بس حبيت أقول اللي في بالي
والحملة المسعورة ما راح تتوقف مستمرة في كل البدان وكل الجنسيات
جزاك الله خيراً