( && أي مساعدة ... انا حاضر ... برامج واستشارات && ) !!!

[الصــابر]

تبشر بالجنه ان شاء الله يعجبني الرد السريع منك ويعطيك الف عافيه يا الغلا انا طلبت منك الموقع لان ابي انزل منه برنامج النود كل ما نزلته من المنتديات الثانيه يصير برنامج تجريبي وقلت انزله من موقعه افضل واحسن واجدد بعد :>

[الصــابر]

اخوي ابو تركي انا دخلت علي الموقع بس ما اقدر انزل منه الحمايه انا احسبنه مثل موثع الكاسبر علي طول اضغط دوان لود وانزله بس هذا مادري شلون صااير موقعه ياليت تقولي شلون انزل الحمايه من موقعهاا ؟

وعندي سؤال يا الغالي ااذا نزلت برنامج نود وانا مثبت الكاسبر عادي او يعلق البراامج وشكر وانا اسف اني ازعجتك

[أبو فهد]

بسم الله الرحمن الرحيم

السلام عليكم ورحمة الله وبركاته

بارك الله فيكم وجزاكم خيرا
وننتظر معكم عودة أخونا الحبيب
أبو تركي

والسلام عليكم ورحمة الله وبركاته .

[طارق2007]

أعاني من كثرة المواقع المحجوبة بدون داعي أو يبدو بالخطأ وتعطل أعمالي وتفسد علي مشاركاتي
أرجو المساعدة

[أبو تركي]

السلام علكيم ورحمة الله
وكل عام وانتم بخير بعد الزحمه
واسف على التأخير بس ظروف طارئه

بالمناسبه .. اكبر غلط هو انك تحمل برنامجين حمايه على نفس الجهاز
احتمال كبير يتعطل النظام عندك وتضطر وقتها انك تفرمت الجهاز ..
وراح تخسر كثير من الملفات اكيد
لكن اذا حبيت تجرب برنامج حمايه .. احذف الموجود عندك اول وبعدين ركب الثاني ..
وبكذا تكون تجاوزت مرحلة الخطر ..

اخوي طارق 2007
هلا بك يالغالي ونورت الموقع واسف على الرد المتأخر
لكن بالنسبه للمواقع المحجوبه .. هذي مالك حل الا انك تفتحها عن طريق برامج كسر البروكسي ..
وبكذى راح تفتح معاك..
وفي برامج كثير تخدم في هالمجال منها المجاني ومنها الي سعر معين ..
وموجوده عندي لكن يالغالي مقدر ادلك عليها ..
مثلك عارف .. المواقع المخله راح تكون مفتوحه .. وبكذا اخاف احمل نفسي اثم ماني قده ..
لذلك يالغالي استخدم عقلك .. ولاتنسى .. استخدم هالبرامج في مايرضي الله ..

وفقك الله اخي الكريم ..

[chabab]

أخي الكريم أبو تركي أشكرك على جودك وسعة صدرك لنا
مشكلتي يا أخي أني كلما أردت استعمال أحد مكونات office مثل الوورد أو بويربوانت مثلا عندما أضغط علي ملف ديابوراما تظهر أولا ******s installer وبعدها أنتظرقليلا ثم يأتي ما أطلبهوهذا ممل خاصة عند فتح ملفات الواحد بعد الاخر.أتسءل ربما هي قضيةconiguration تخص الاوفيس الذي بحوزتي. رجاء المساعدة

[أبو تركي]

السلام عليكم ..

اخوي chabab
العفو يالغالي هذا واجب المسلم لاخوه المسلم

بالنسبه لمشكلتك هي سهله بإذن الله
احذف برنامج الاوفيس الي موجود حاليا
وعيد تنصيبه من جديد وراح تنحل معاك باذن الله
لانو واضح انه ناقص بكونه طلب منك تنصيب


موفق اخوي .

[بوراشد]

يا مرحبا ألف مليون ترحيبه
.......جانا بوتركي جميل الشمايل

يساعد الملهوف ويرشد الحيران
.....ويقدم المعروف ويحل المشاكل

أسير كان اسمه وحنا ترانا اليوم
......أسرى لأخلاقه وحسن التعامل

""""""

هدية لأخي بوتركي بمناسبة العيد السعيد ...
مع الاعتذار للشعراء الشعبين لتطفلنا على موائدهم .

[أبو تركي]

اقتباس: يا مرحبا ألف مليون ترحيبه .......جانا بوتركي جميل الشمايل يساعد الملهوف ويرشد الحيران .....ويقدم المعروف ويحل المشاكل أسير كان اسمه وحنا ترانا اليوم ......أسرى لأخلاقه وحسن التعامل """""" هدية لأخي بوتركي بمناسبة العيد السعيد ... مع الاعتذار للشعراء الشعبين لتطفلنا على موائدهم .

بو راشد اخوي . . لك مكانه عاليه في نفسي .
واحلى هديه من اطيب قلب .. تسلم وبارك الله فيك يالغالي ولو اني جيت متأخر
لكن الهديه هي الوحيده الي ماتعترف بالوقت .

وربي من زمان عنكم .. واشكرك من كل قلبي على الاهداء الرائع
وادري اني مقصر في حق المنتدى لكن الظروف ماهي مثل اول
مسؤوليه وشغل وتعب
الواحد يالله يقدر يفكر ..
اشكر كل الاخوان في المنتدى واتمنى لكم التوفيق

[إسلامية]

وفقكم الله جميعا لما يحبه ويرضاه