هلا وغلا اختي ام شهـــــــــــــد
لا تتروعين من الثـألول لهاي الدرجة وانا اختج
وعن اذن استاذنا الكبير بوسراقة
والاستاذ الفاضل عبد الله بن كرم
اولا :
انا اتكلم عن تجربه شخصية ومجربتنها بنفسي وانا اختج
بنتي في يديها ورجولها ثألول كبيره .... وكانت دوم تقولي امي شوفي ايدني مب حلوة وتصيح ...
ويوم ايجي العيد مقدر احنيها لانه اصلا تكره يديها .... وما ترضى!!
وانا حزنت وااايد ... لاني ما حاولت اعالجها وكان على بالي انه بيروح بروحه
ولكنه انتشر في ديها ورجولها .
فأستشرت العيايز اللي عندنا
وقالت لي ابشري وانا امج ... عندي العلاج وطبعا هالعلاج يعني معروف بالنسبة لاهل الامارات وخاصة البدو
وانا بقولج على الطرقتين
اول طريقة
تاخذي قماش بس ما يكون حرير او نايلون ( تعرفين قماش الخيمة) نفسه / او تعرفين الشيلة الخاصة بالصلاة / اليلال
وعقب تشعلين في طرفه نار .. بغرض ان يستوي دخان مب لهب (انتبهي )
وادخنين ايدين المصاب (يعني بس تعرضه للدخان )
وعقب سبحان الله يطيح بروحه .... اذا اصاب كبيرهم او اول واحد نبت يطيح الثالولات الباقية وحده 3 ايام
مثال الصبع اللي فيها ثاألول تركزين عليها الدخان )
لان تعرفين انتي راح تشعلين ناار في قماش صغير طول الاصبع او طول المعلقة الصغيرة (لانج لازم تبرمين قطعة القماش )
وتعرضي الثألول لدخنه بانفراد
الطريقة الثانية وهذي جابت فائدة قوية وهي
تأخذ خصلة من الشعر المصاب نفسه وتبرمين بيدج حتى يستوى نفس الخيط القوي الدقيق وعقب تربطين عكر الثألول منه( بس انتبهي لا تحكمينه او تشدين) بس مربوط بشرط ما يكون خفيف ولا يكون شديد
وتتركينه بهالحالة وكلما تمر ساعة ترجعين وتوثقينه واذا طاح ..,,, تعودين المحاولة (ونفس الشيء انتبهي على اول ثاألول نبت ) لان لو اصبتيه راح يروح الثألولات الثانية بروحهن
والحمد الله ما مر اسبوع ونص والا يديني بنتي خالي من الثألول
وللعلم كنت اقراء على يديها المعوذات والادعية التحصين
والسموحة *_*