طلبتكم ساعدوني

[أم أشجان]

اريد مستشفى يعمل حجامة بالدمام....تعبت وانا بس ادق على السنترال واسأل المستشفيات والاجابة تكون لا


ابغا غير مستشفى سعد لاني كلمتهم اليوم وقالوا الطبيبة باجازة لمدة شهر وانا ابغى اسويها عند طبيبة مش طبيب وفي هذا الشهر في 17 او 19 او 21 طبعا بيوافق تاريخ 17 الاثنين وماعندي مجال و21 الجمهة اتوقع المستشفى مافيه عيادة بهذا اليوم وانسبهم بيكون لي الاربعاء على الاقل اقدر بمشيئة الرحمن اوفر المواصلات.

[ام النورين1]

الله يوفقك اختي وان شاء الله تحصلين احد يفيدك

[أم أشجان]

جزاك الرحمن خيرا وأثابك

[أم أشجان]

معقولة مافيه احد يرد على سؤالي....


تكفون ياجماعة الخير والله تفرجون عني كربة أبغا مستشفى للحجامة بالدمام....طبعا المواساة والمانع كلمت ومافيه ومستشفى السعد بإجازة الطبيبة وأنا ما أبغا طبيب....

الله يجزاكم الجنة ليت احد يرد ودي اكلم المستشفى واحجز وادبر اموري حسب ما سمعت بان الحجامة تفطر وودي اسويها هذا الشهر قبل رمضان وما ابغا أأجل تعبت من التأجيل..

[أم أشجان]

سبحان الله كلما نويت اتحجم وعزمت واخذت بالأسباب ماتتيسر لي...

الشهر الماضي حجزت بالمستشفى ولكن صادف بالأيام المفضلة للحجامة 17 و19 و21 كان لدي عذر شرعي وحسب ماقرأت بالمنتديات انها لاتنفع وقت الدورة الشهرية....حبيت استفسر منكم عن هذه النقطة هل هي لا تنفع بوقت الدورة؟؟؟اذا على كذا ماراح اتحجم هالشهر واللي بعده وووو والله اني ضايق صدري لالقيت مستشفى بالدمام فيه طبيبة لاني ما ابغا طبيب ولا انا عارفة هل الكلام بان الحجامة لاتنفع وقت الدورة صحيح او لا فالبعض يذكر انه اجراها بوقت الدورة ولم يستفد شيئا؟؟؟؟وحين فعلها بغير هذا الوقت استفاد منها؟؟؟

ايضا بغيت اسأل هل التركيز بافضل الايام على التواريخ ام الايام لاني استغربت من سؤال اخت باحدى المنتديات قائلة هل يجوز ان احتجم يوم الاربعاء؟؟؟اتمنى الرد الاجل على هذه الاسئلة والله اني ضايقة

[د.عبدالله]

لا تقلقي ولا تيأسي يا أختنا الفاضلة ، فوالله لو كنت من المملكة لبحثت لك عن مبتغاك ، ولكنني أجهل ما يكون هناك ولم أسمع عن إمرأة تجري الحجامة في المملكة ، ولا تستعجلي أخيتي فلربما يساعدك بعض الأخوة أو الأخوات هنا .

أما عن مسألة عمل الحجامة أثناء الدورة الشهرية فلا ننصح بها ، ويمكنك عملها بعد الدورة باسبوع ان شاء الله .

أما بخصوص الأيام المستحبة والتي اوصى بها الرسول صلى الله عليه وسلم فهي الأثنين والثلاثاء والخميس ، أما التواريخ العربية فهي 17 و 19 و 21 ، وتجرى فيها الحجامة لغرض الوقاية وبعض الآلام المستقرة أي الخفيفة مثل آلام الظهر والمفاصل والخمول والكسل والأرق ، أما إذا كانت الحاجة ملحة وضرورية فإنها تعمل في أي وقت وفي أي ساعة ( مثل الضغط العالي جدا ، صداع الشقيقة والذي لا يحتمل ، الجلطات ، ولزيادة الكولسترول ، ارتفاع مستوى السكر .. وغيرها من الأمراض الخطيرة ) إلخ .........

وفقنا الله وإياكم لما يحب ويرضى اللهم آمين .

[أم أشجان]

الله يجزاك الجنة ويفرج عنك اخي الكريم...


بس هل يجوز ان احتجم عند طبيب لاني تعبت ادور طبيبة؟؟؟؟حاليا ببدأ بسنة الرسول علية الصلاة والسلام بالاخدعين والكاهل وسأترك امر المواضع الاخرى المرة القادمة؟؟؟غير كذا فيه نقطه ياليت توضحها لي مافهمتها هل معنى كلامك اني استطيع ان احتجم الاثنين اوالثلاثاء او الخميس من اي شهر لان الايام المفضلة وهي 17 او 19 او21 سيكون بها عذر شرعي لدي وفكرت اخذ حبوب يأخرها بس خفت لان اول ماجتني العين انقطعت الدورة سنة وتعبت علاجات وفحوصات والان شبه انتظمت وما ابغا الخبط علما باني لست متزوجة؟؟؟


ايضا باحدى المنتديات قرات بان الحجامة لاتنفع الا بهذه التواريخ المذكورة والا لافائدة فما صحة هذا الكلام؟؟؟ومعنى هذا لو كان صحيح ماقدر اعملها بكون معذورة؟؟؟

ارجوا افادتي فان كان يجوز الاحتجام عند طبيب وتحديدا بالاخدعين والكاهل وان كان الاثنين والثلاثاء والخميس عادي من اي شهر بحجز اليوم واعملها الخميس ان تيسرت لي؟؟بيكون التاريخ 6 من هذا الشهر وقدر الله وما شاء فعل؟؟؟


تكفى يا اخوي رد علي اليوم عاجلا عشان اقدر احجز وجزاك الله خير وشكرا؟؟؟