بسم الله الرحمن الرحيم
انا فتاه ابلغ من العمر21 عاما ولله الحمد فيه كل مقومات الزوجه الصالحه وبشهادة الجميع ولكن كل اللي يبغون يتقدموا لي فيه شي يردهم ويبطلون بدون سبب يذكر المهم اني الهمني الله اني اروح لشيخ ورحت والحمد لله وشخص حالتي وقالي اني مسحوره واعطاني زيت.وعسل وسدر وماء وغيره ومرتين رحت وكل مره كيلو عسل وبعدين قريت عن اشياء في النت مثل السنا وجوزة القيء وجربتها والحمد لله خفيت بس انا تعبت مررره حتى الزعفران وماء الورد استعملته مع الدعاء والقران والتحصين والاغتسال بماء مقروء عليه بس صدقني تعبت هو قالي انه راح في الصدر لانه كان في البطن لانه ماكول ومشروب بس انا ابي اتاكد هو راح ولا لا لانه الشيخ في المره الاخيره كان غريب مو راضي يقولي هو راح ولا لا ولما سالته كيف اعرف اذا كان راح ولا لا قال: تتيسر امورك مع العلم انا مسحوره وهذا قول الشيخ انه في كل شي من ناحية الزواج والدراسه وغيررررررررره بالرغم انه ذحين متقدم لي واحد بس بالكلام لاكنه مو راضي يجي وهذا على ايش يدل؟؟؟؟
وانا ذحين لما اقرأالرقيه او اسمعها ماحس باي شي لا ضيقه ولا غيره وهذا كمان على ايش يدل؟
وقالي اعملي حجامه يوم21 وانا خايفه منها بس اذا الحجامه تنفع صح قولي وهل بعد الحجامه يرجع كل شي زي ماكان وتتيسر اموري ولا يكون باقي اثر للسحر؟
هل الحجامه تبطل السحر نهائي وميصير له وجود؟
هو قال اعملي3 في اسفل البطن و3 اسفل الظهر
الله يسعدك دلني ايش اعمل والله والله والله مليت وتعبت واسوي الحجامه ولا لا؟
لاتواخذني على طول الرساله وجعل الله كل خير تعمله في ميزان حسناتك ووفقك الله
امانه ادعي لي الله يشافيني ويخلصني ويشافي كل مبتلي ومسحور ويرزقني الزوج الصالح عاجلا غير اجل
أنا فتاة في مقتبل العمر،أعاني من مشكلة نفور الخطاب،وقيل أني مسحورة،أرجو التوجيه ؟؟؟
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
