** أكـرم عليها **

[إسلامية]

(( شـــاب يــرثــي أمـــه ))


خايف عليها من الثرى غطاهـا:::::
و الا الحصى حافيه اخاف اذاهـا
اكرم عليها بالكفـن يـا مطـوع
بالبيت ظل فراشهـا وغطاهـا
اكرم عليها بالكفـن هـذي امـي
و اشهد عليها في ما عطت يمناها
هذي الضحى واليـل يتحرونهـا
هذي السماء و نجومـه تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
ابكي عليها مـو نهـار وليلـه
و لا سنه تمشي وعـد قضاهـا
ابكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثرالنجوم و كثر من يرعاهـا
ابكي عليها من القهر يـا دنيـا
مـن لـي انـا من لي عقـب فرقاهـا
من فتحت عينـي و لاخلتنـي
و شوفوا ولدها بالقبـر خلاهـا
هل التراب بوجهـا مـا قصـر
شفتوا ولدها كيف هـو جازاهـا
لو انهـا مكانـي مـا سوتهـا
لاكـن اعـز عيالهـا سـواهـا
يا دود يا دود شفها ذابله جنبها
انا ولدهـا و حاضـر وأفداهـا
قطعني هاك الي تبي من جسمـي
بس الكريمـه لا تجـي حذاهـا
و واصيك امانه قل لها تعذرنـي
و تكفى تروح تحب لي ماطاهـا
ابيها تغفر لي مثـل مـا كانـت
كل خمله مني بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق ارجـع وما القاهـا
وشلون اجي غرفتها ما هي فيها
وش عذري لسبحتها و مصلاهـا
وش اقـول انـا لدولابهـا وشنطتها
واذا سالني مشطها وحنها وعباتهـا
ومي زمزم ومصحفها والمبخـره
ورشـوشـهــا ودواهــــا
الكـل فـي غرفتهـا مفتقدهـا
حتى الجدار متفطـر و يرجاهـا
الكـل يبكيهـا مهـو ناسيـهـا
يالله صبرني و شلـون انساهـا
ياليتهـا مـاراحـت وخلتـنـي
او وسعت لـي بالقبـر وياهـا

[***]

بارك الله فيكم

[إسلامية]

اقتباس: المشاركة الأصلية كتبت بواسطة رضا**    بارك الله فيكم

وفيكم بارك الله أخي الكريم

[عبدالكريم الوادعي]

بارك الله فيك وجزاك الله خيرا

[إسلامية]

اقتباس: المشاركة الأصلية كتبت بواسطة عبدالكريم الوادعي    بارك الله فيك وجزاك الله خيرا

وإياكم أخي الكريم ... بارك الله فيكم

[إسلامية]

تلمس أطرافك ايديني ...
واحضن أفراحك بعيني ...

نذكر الدنيا نرجعها زمان, زمان,زمان ...
نجمع العطر المسافر في المكان...

سامحك ربي تعال ,,,

أمك اللي في حناجرها الحنين ...
ما وقف إلا على باب السنين ...

كل ما طيفك على جفني يسافر ...
سال ملح الدم في جوفي خناجر ...

سامحك ربي تعال ,,,

قبل ما توقف على رملي مثل ظل غريب ...
وانت مهما طال بك عمرك تظل طفلي الحبيب ...

تلمس أطرافك ايديني ...
واحضن أفراحك بعيني ...

سامحك ربي وقلبي ...
سامحك ربي وقلبي ...

يااللي هاجرني تعااااااال ,,,

للاستماع والتحميل
http://www.4shared.com/file/74784113/8cb7499d/___online.html?dirPwdVerified=b0b06462

[أسامي عابرة]

بسم الله الرحمن الرحيم

السلام عليكم ورحمة الله وبركاته

بارك الله فيكِ أخيتي الكريمة إسلامية

أحسنتِ أحسن الله إليكِ

كلمات عطرة و أختيار موفق

نفع الله بها ونفعكِ وزادكِ من فضله وعلمه وكرمه

في رعاية الله وحفظه

[البلسم*]

بارك الله فيكم,,,