السلام عليكم ورحمة الله وبركاته
اولا ما نقدر نقول الا الحمدلله على كل حال
بدت الحاله مع الوالده بعد ما رجعنا من سفر دام 10 شهور خارج الدوله هي كانت تعاني من حساسية من الغبار رجعت البيت وكانت في حالة صعبة كان يصعب عليها تمسك كاس الماء وكانت تسعل بشكل مو طبيعي .. بعد كذا راحت عند اهلها فالسعوديه والله العظيم كأن الي صار كذب كانت طبيعيه وصار خالي يقرا عليها
ثم رجعنا البيت ورجعت الحالة الى ان الله من عليها وتشافت بعدين صارت تقوم من النوم واحد اطرافها وغالبا ما يكون يدها يألمها بشكل فضيع لدرجة انها ما تقدر تحركه وصارت ترتجف حتى ان كاس الماي ما تقدر تمسكه والغريب فالموضوع انها تصحى من النوم في اليوم الثاني تحرك يدها ابد ما تعورهاا وانتقل الالم لمكان ثاني ويوم تقرر انها تروح للطبيب تتشافى تماما وكأنه حلم الى ان وصل الالم لرجلها وصارت تعري وتجر رجلها وكانت رجلها وارمه راحت للطبيب بعد ما لاحظت الورم صار مو طبيعي الدكتور توقع انها جلطه لكن التحاليل تقول "لا شيء"صادف وصارت عطله وطلعنا برع البلاد صحيح انها كانت تعري لكنها تمشي لمسافات طويلة بدون شكوى من رجلها وبعد الرجوع تعبت زياده وزياده لدرجة انها ما تمشي بالامس جا شيخ يقرا عليها وقال الشيخ انه مو مس طلعت من عند الشيخ ورجلينها تعبانين وايدها من عند المفصل تعورها والى الان ما تقدر تمشي
الي ابي اعرفه ليش لا طلعت من البيت تتشافى وليش الالم يتنقل والورم بدون سبب
السموحه على الاطالة ولكم جزيل الشكر
والدتي كانت تعاني من حساسية من الغبار رجعت البيت وكانت في حالة صعبة أرجو التوجيه ؟؟؟
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
،،،،،،
