السلام عليكم ورحمة الله وبركاته
انا فتاة ابلغ من العمر 24 سنة حياتي كلها مشاكل
على طول عندى اكتئاب واتعالجت منه ولكنه لن يشفى ابدا وعندى قلق وخوف ووسواس قهرى فظيع مش بقدر انام باليل خالص من الخوف رغم اننا في منطقة راقية وامان الحمد لله لكنى عندى شك ان اى حد هيئذينا كلنا في البيت بخاف على اهلى خوف جنونى ورغم كده بئذيهم كتير
انا غير متزوجة حتى الان
ومريضه بمرض السكر منذ 12 سنة خلال الفترة ديه حدث ليا مس وانا في الحمام ده كان رأي شيخ بيعالج عندنا بالقرأن صاحب والدى شوفت بنت صغيرة شكلها غريب في الحمام واتكلمت معايا لكن انا خوفت جدا رحت جريت وراها وهى جريت على البلاعه روحت رميتها بميه سخنة من الدش وبعدها فضلت احلم باحلام غريبة وعلى طول عندى صداع وتعبانه وارهاق فظيع وفى مرة جالى ناس كتيرة في الحلم شكلهم غريب ويخوف ناس كتيرة اوى منهم واحده كلمتنى وقالتلى انا جاية اخد حق بنتى اللى انتى حرقتيها وراحت رشت عليا ميه ببخاخه كانت معاها ساعيتها قومت من النوم بصرخ جامد وبرتعش ومن يومها وانا على طول اقل مجهود يتعبني عندى على طول صداع
وبعدها جالى مرض السكر روحت لشيوخ كتيرة ولكن كل واحد يقول لابي ان علاجى صعب وانا كنت برفض انى استمر في العلاج ده وكنت كل ما حد يعطى امى ماء عليها قران أروح وأرميها حتى لو أمى مخبياها في مكان انا مش اعرفه بعدها الاقى نفسي رايحه المكان ده وفعلا الاقى زجاجه الماء اللى عليه القرأن وارميه على طول
وكنت بكذب كل كلام اهلى وبقول انى سليمة تماما وكنت لما اروح لشيخ أفضل اغنى في سري علشان مسمعش القرأن عمرى ما ظهر عليا اعراض المس انى اصرخ مثلا اثناء القرأة او انى اعمل اى حاجة غريبة لابالعكس ببقى طبيعية تماما
المهم اهلى زهقوا منى وسابونى كام سنة بسبب رفضى المستمر انى اتعالج ولكن من فترة روحنا لشيخ تانى قال لامى ان موضوعى كبير جدا وخطير هذا الشيخ مصخر جااااان وقال لامى ان السكر بسببهم لكن مش هينفع اخف منه خلاص وقال لامى ان الجان فعلا حاول انه يأخد حق الجانه اللى انا حرقتها وان فيه عشيق من الجن عندى وان في جن على الرحم عندى وفى اخر فقرات ظهرى
وانهم هيمنعونى عن الزواج وان علاجى طويل جدا
طبعا انا رفض الكلام ده وقولت انه هبل فعلا وسيبته وروحنا لغيره وقالوا نفس الكلام وايضا شيخه بتعالج عندنا قالت نفس الكلام بعد فترة امى استعملت ماء عليه قران لترقى اختى الكبيرة قبل زواجها ورشته في اركان البيت كله
بعدها بدات انا احس انى فعلا ممسوسه وبدات اصدق كل كلام اهلى القديم من غير ما يحصل اى شيء جديد يخليني اصدق
المهم انا عايزه اتعالج لو فيا شيء فعلا وخايفه جدا ليكون في شيء يمنعي عن الزواج لانى فعلا محتاجه الزواج فأنا اعانى من مشاكل كتيرة كالاحتلام على طول ومرة شوفت رجل غريب جدا معايا فعلا في حجرتى بس انا بجد كنت عاملة زى ما اكون متخدرة ومش عارفه اي اللى بيحصلي المهم عمل حاجات كتيرة بعدها لما دخلت اختى عليا الغرفة مرة واحده لقيت الرجل ده بيقوم من جنبي وبيبص عليا جامد عينه كانت عنين قطه وكل جسمه فرو اسود بعدها قومت كأنى فعلا متخدرة لقيت نفسي بفتح باب الشقة عندنا والله العظيم لقيته قطة سوداء بنفس شكل عنية امام الباب
وعلى طول احلم برجاله معايا وللا سف بمارس العادة بالحمام رغم انى والله مش عايزاها لكن بحس انى مخنوقه والله العظيم انا من بيت ملتزم بفضل الله والله لكن معرفش ليه بعمل كده
انا تعبت والله من حياتى كلها انا بحب ربنا وبحب الصلاة وقراة القران لكن لا اصلى ولا بقرأ قران ممكن اسمع القران من على النت بس
بالله عليك ساعدنى وقولى فيا ايه لانى والله تعبت من حياتى كلها وزهقت
لكن انا عايزه اسأل هو فيه فعلا سحر اسمه سحر للتهيج
ارجو الرد عليا بسرعه
وجزاكم الله كل خير
انا فتاة أعاني من اكتئاب وقد تعالجت منه ولكن لم يكتب الله لي الشفاء حتى الآن ؟؟؟
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
،،،،،،
