السلام عليكم ورحمة الله وبركاته ..
الله يجزاكم الله خير على جهودكم
أنا ياشيخ كنت متابعه مع شيخ في منتدى الشيخ عبدالله الخليفه وقال انه فيني مرض روحي في الرحم بس ماقال ايش بالضبط
انا متزوجه من سنه ونص بدأت معاناتي قبل 11شهر بالضبط .. انا كنت حامل وسقطت في الاسبوع 16 الحمدلله على قضاء الله
ماكان فيه سبب بس الدكتوره قالت لي قضاء وقدر وحملك الجاي لازم تسوي ربط لعنق الرحم حفاظا على الجنين
خلصت النفاس ورجعت بيتي واول دوره كانت طبيعيه الحمدلله ومن ثاني شهر انقلب كياني مااعرف ايش الللي صار ..
جاتني حراره من تحت موطبيعيه والدوره مانزلت ورحت الدكتوره اعطتني دواء تنزلها ولما نزلت ماوقفت ورجعت لها واعطتني حبوب وقفتها
(من وانا بنت عندي لخبطة بالدوره وتكيس والدوره ماتنتطم الا بحبوب ومااقدر اوقفها )
وصرت احس بحراره من تحت ماتحتمل رحت لدكتوره وكشفت عليا وسوت لي مزرعه وقالت لي التهابات شديده جدا واعطتني حبوب وتحاميل
وماخلصت الكورس الا رجعت لي الالتهابات مره ثانيه
واستمريت على هذا الحال من شهر شعبان الماضي حتى شهر صفر كل اسبوع مضاد وتحاميل وربي تعبت من هالحال الحمدلله
ومرات تصير علاقه بيني وبين زوجي ومرات مايصير بس اذا صار ترجع لي الالتهابات بزياده مررره ومرات من غير علاقه ترجع لي ..
حتى شهر محرم رحت عند شيخ واعطاني تمر عجوه وعسل وزيت زيون عالريق تعبت اول اسبوع وبعدين استفرغت شي مل الرغوه البيضاء
وحسيت بغصه كانه شي واقف لي بين صدري استمريت عالكورس شهرين بدون أي تحسن في وضعي والشيخ قال هذا حسد ..
رحت عند دكتوره ثانيه قالت لاتستخدمي أي علاج وخليك عالفيتامينات وسوت مزرعه لعنق الرحم وقالت سليمه مافيها شي ..
وزوجي حلل السائل المنوي يمكن هو اللي عنده الالتهاب حلل مايه التهاب بس طلع العدد عنده 5000000 مع اني اول مره حملت طبيعي الجمدلله ماادري ايش سبب هالنقص المفاجئ ..
زوجي له فتره يشتكي من الم اسفل ظهره وفترات يحس بالم في الخصيه اليسار وتجيني الالتهابات او تزيد من بعد العلاقه ( ماادري اذا العدد لع علاقه باللي يحس فيه )
رحت عند شيخ ثاني وقرأ علي ماتأثرت لابآيات السحر ولا المس بس آيات العين داني الم اسفل كتوفي الاثنين والم نص ظهري ورعشه خفيفه واطرافي بارده ولما رجعت البيت نزلت مني افرازات صفراء تشبه المناديل كثيره تشبه المناديل وبعدها جاني اسهال وانت بكرامه وتحسنت اسبوع ورجعت لي الحراره مره ثانيه والشيخ قال هذا حسد شديد وعين بالرحم وحسد بيني وبين زوجي ..
والى الآن احس بحراره وتزيد من وقت لوقت واحس بإلتهابات المهبل وخصوصا من بعد العلاقه ..والى الآ لم احمل واعاني من آلام مستمره بأسفل الظهر والم بالمبيض اليسار وغالباً الم باسفل البطن ودايماً متضايقه ونفسيت تبانه وبس ابكي والم بجسمي وكسل وتعب وارهاق وصداع وملاات نفور من زوجي ..
هذي عاناتي قرابه 11 شهر وماادري ايش التشخيص الصحيح لوضعي وحالتي وبالذات الحراره الشديده في المهبل وعدم الارتياح ..
ماادر اكثف الرقيه ولاارجع استخدم الادويه .. للعلم لي 3 شهور مااستخدمت أي دواء طبي خفت انه يتعارض مع الرقيه واحلم احلام تفسيرها اني اعاني من حسد شديد ..
الله يجزاكم خير ايش تكون والعلاج ..
وآسفه ان طولت عليكم بس شرحت حالتي بالتفصيل ..
وقالي اسمع الرقيه لأسبوع واكتب الاعراض اللي احس فيها ماكلمت 5 ايام الا نزل بني وسائل اسود لمدة 5 ايام .. وبعد اسبوع قالي اقرأ كل يوم 100 صفحه من القرآن واصلي قيام الليل بسورة البقره
والحمدلله تحسنت عن اول وخفت الحراره بس الالتهابات باقي موجوده ..
بس المنتدى ماادري ايش صار فيه وانحذف من قوقل ..
الله يجزاكم خير على متابعتكم لحالتي ..