بسم الله الرحمن الرحيم
كثيرا ما يأتى على احدنا اوقات يبحث فيها عن طريق يسلكه الى الله حسب نية كل منا وارادة الله تعالى تقع تحت قدميه اول الطريق وفى يده الخريطة .
وكل واحد ونيته فاما الى الخير واما الى الاخرى فليس كل ما يلمع ذهب
وهذا ما حدث معى فانى رأيت الذهب ولكن عندما طرقته بشدة اسفر عن حقيقته وهى الحديد وياليته حديد سليم ولكن حديد اكله الصدأ
ففى ذات يوم عندما كنت فى الدراسة ابان الغزو الغاشم على الكويت وكانت هناك اجازة اجباريه للجامعات نزلت من المحافظة الى قريتى
واذ بى فى المسجد وتحت المنبر التقيت باحد الذين يطلق عليهم شيخ وهم لا يحملون من الكلمة الا حروفها فبادرنى بقوله عامل ايه يا دكتور......؟ وذكر اسمى ولم يرانى من قبل .
قلت معلهش من الممكن من فرط شهرة العبد لله احدهم كلمه عنى
وفاجئنى بالسؤال الثانى عامل ايه مع القران انت واقف عند سورة كذا الاية كذا انت بتحفظ ولا بترتل ؟
فتحت المصحف فوجدت كلامه صحيح ؟ قلت عديها اليومين دول المخابرات على ودنه يمكن هو شغال تبعهم وهمه عرفين كل حاجة؟
مرت الايام وعرفت انه شيخ صوفى قلت مدد - عفوا -ربنا ينفعنا ببركاتهم
المهم ظننت ان كل ما قاله هو فتوحات - عفوا -فحبيت ان اجرب ودى مصيبة الكثير منا حب التجريب الذى وصل الى الدين
او قل مبدئ هو انا هخسر حاجه هجرب المهم يلا تعالى خد العهد رحت خدت العهد والعهد على ايه مش عارف من اصله
لكن ما لفت انتباهى هو اصراره على طاعتى له ولمشايخه كما لو كنت هبايع المصطفى صلى الله عليه وسلم
قلت مش مهم مهى طاعه فى الخير همه مش برضه اعلم منى وعارفين الطريق صح يا واد طيع وامشى وهنشوف فى النهاية
وبس انا حطيت رجلى فى اول الطريق وعينى ما شافت الا النور نور اسود مظلم اوله لا تعترض فتنطرد او من اعترض طرد
يعنى بالعربى الشيخ الجنة واذا اعترضت فانت ابليس المهم قلت عديها همه اكبر منك ويعرفوا اكتر منك
ومشيت فى الطريق لقيت الطريق بيزداد فى الاشراق ولكن اشراق من المغرب باشعة سوداء تعمى الناظري
واتخبطت فى اول مطب وبصيت عليه لقيته مطب اذا ناداك ابوك وناداك الشيخ فاجب شيخك واترك ابوك
حاولت افرك عينى وابعدها عن النور الاسود وقلت ليه ياشيخ ازاى يا شيخ ربنا قرن شكره بشكر الوالدين وانت تقول كلام ذى ده اكيد انت بتضحك ولا بتقول كذبة ابريل -عفوا -
قال لا ده صحيح لان ابوك بينده عليك علشان الدنيا وشيخك بينده عليك علشان الاخرة
كما لو كان الاب هامان او فرعون واخينا هو النبى المهم قلت يمكن ده من كثرة غفلة الوالدين
وفعلا مفيش اليومين دول اب بيربى ابنه صح هو لو اتربينا صح كنا مشينا فى الطريق ده من اصله
قلت يا واد كبر دماغك وامشى معاه لغايت النهاية
فعلا مرت الايام واعطانى كتاب الاوراد وما ادراك كتاب الاوراد صدقونى لو قلت ان الكتاب الاخضر ارحم منه ولو إنى ماشفتش الكتاب الاخضر
ولكن لا يمكن القذافى هيلخبط ذى ما لخبطوا اخوانا على الاقل القذافى معه عذره فهو لا يقول انى شيخ
المهم اخذت الكتاب واول مره فى حياتى اشوف كتاب يجب ان يشرح لك طريقة استخدامه كما لو كنت هتعمل طبخه
واهم شى المحاذير يا جماعه ممنوع اى واحد ينتقل الى الاسام الاعلى - اى المرتبة الاعلى - الا بعد ان يرقيه الشيخ
بالعربى العمليه فيها خيار وكوسه ومش عيزين حد يلخبط العمليه والشيخ قال انا حذرتكم وانتم حرين انا مش مسؤول عن اى شخص يقرأ ورد اعلى منه
قلت يمكن الورد ده فيه طاقات او تيار عالى يختلف من ورد لورد والراجل خايف علينا نتكهرب
المهم مرت الايام وزارنى هذا الشيخ وقال لى انا شايف انك بتتفلسف كتير ممكن اشوف المكتبه عندك قلت على الرحب والسعة
المهم جاء وصعق عندما شاهد كتب للامام محمد بن عبد الوهاب ولابن تيمية وابن القيم وغيرهم
وقلى لم يا شيخ لم بلا قرف واحرق الكتب دى
قلت فى عقلى هى دى كتب نصارى ولا يهود عندها قررت انى اراجع هذه الكتب واشوف ليه هو عايزنى احرقه
وفعلا توصلت الى ان هؤلاء ذى الواطاويط مينفعش يعيشوا فى الضوء تحت شمس النهار
وان محمد بن عبد الوهاب وابن تيميه وغيرهم شموس تحرقهم ان اقتربوا منهم
المهم قررت ان اقرأ كتابهم اللى مش معفن واللى لا يستحق الحرق قررت ان اقرأه من الالف الى الياء
وجدت البهوات طبعا بيخلطوا السم بالعسل
ففى البدايه ما اجمل الورد تسبيح وحمد وتهليل وانت عايز ايه اكتر من كده لكن الطين وره فى الاخر
كل ما تتقدم تجد العجب العجاب اسماء سرياليه ، وذكر بطريقه معينه فى اجواء معينه
المهم حملت الكتاب تحت ابطى وصدق على المثل تأبط شرا وذهبت الى الشيخ وبادرته ايه ده يا شيخ انا مش فاهم حاجه من الطلاسم دى ؟
قلى اى طلاسم قلتله دى وفتحت له الكتاب فصعق ايه يا منيل مين اللى قلك اقرا هنا انت فى الورد الاول
قلت يا عمى مش مشكله مش ربنا ادانا القران ومقلناش اننا نقراه وحده وحده بل قال اقروه من الفاتحة الى سورة الناس يعنى كتابكم اهم واقوى من القران ؟
بصلى باستغراب وقلى انت لم يحدث لك شئ انت مشفتش شئ قلت لا الحمد لله هو ايه الموضوع ؟
قلى مفيش حاجه قلتله ايه الاسامى الغريبه دى
قلى دى اسماء الله واسماء خدام السور لكن بالسريالية؟
قلتله وليه بالسرياليه يعنى ربنا ينزل القران بالعربى وانت تقلى اذكره بالسريالى ؟
طبعا انتم عارفين الرد من اعترض طرد واتبعد
وايه حكاية خدام الايات دى وانا عايزهم فى ايه ما انا معاى الله وكفايه قللى من اعترض طرد وانت كده بتشكك يعنى مش هتتقدم ولا خطوه
عندها قلت لا سلام عليكم ولا رحمة من الله ولا بركاته وتركته بعد ان علمت ان كل ما بهرنى به فى المسجد من معرفة اسمى واين انتهيت فى مصحفى يعرفه عن طريق الجن
ثم يطلقون عليه كشوفات وفتوحات فتركته بعد ان تبت الى الله من داء التجريب
ولكنه لم يتركنى وهاتك يا تهديد انت هترسب فى الامتحان انت هتحصلك حاجات كثير
ارجع والا ...والا....
وابشروا الحمد لله نجحت بافضل تقدير وكل من كانوا معه هم الذين رسبوا
انا حبيت افضفض معكم بعد ان علمت ان مثل هذه الاسماء ما هى الا ابتهالات وصلوات ودعوات لاستحضار الجن
ومثل هذه الاسماء توجد فى ايدى المشعوذين ولكن للاسف الساحر والمشعوذ يقول انا مشعوذ ...يقول ان ما يفعلونه سحر
ولكن اصحاب التصوف يقولون انهم مشايخ وما يفعلونه هو فتوحات وكشوفات رغم ان السلعه واحدة والبضاعه مزجاة
فلنحترس اخوتى من التصوف واهله ولنرجع الى امام الزهد المصطفى والصحابة فانهم ائمة التصوف هذا ان صح الاسم
وشكرا على سعة صدركم
( && أنا والصوفى && ) !!!
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
