يوم السبت الماضى 27 -5 جبنا شيخ ثقه يقرى علينا قلت يمكن اللى فيه ولدى عين
المهم كلمنا الشيخ وقال ما يقرا على الاطفال بس يعطيهم ماء وزيت مقرى واسقيهم من الماء واغسلهم مرة وحده وادهنهم 7 ايام اذا ما تحسن معناها مشكلته طبيه مو ******ه يعنى خلال ال7 ايام يطلع منهم اى حسد او عين او سحر
المهم واشارت على اخت الله يبارك فيها انى اقرى على سدر واحطه فى بانيو واخلى العيال يقعدو فيه حتى لو ساعه
وبعد القراءة احجمته فى الكاهل ما طلع منه دم كثير
واليوم اخر جلسه ف ى السدر ولدى ما تحسن بالعكس احس اعراضه زادت زادت حركته وشيطانته وصار يضرب فى اخته طول الوقت مسكينه صاير عصبى وعنيف يضربنى ويضرب ابوه . 3 مرات سواها على نفسه ومرة ثالثه سواها وهو نايم رغم انه ابد ما سواها قبل ما شاء الله تبارك الله طلعت حساسيه فى وجهه وجسمه بالكامل حب صغير رغم انه صارله اشهر كثيرة موقفه منه الحساسيه صار يهز راسه كثير يضرب الاطفال بيت اهلى ويسويلى مشاكل ولا زال اكله قليل احس كل العمارة تسمع فى صراخى وصراخه ما ارتاح دقيقه الا الاقيه مخربلى شئ
من لما حجمته ساءت حالته مانى عارفه ايش السبب يوم الخميس كان عندى زيارة وبعدين قلت خلينى اسهر بيت اهلى وانا بالعاده اروحلهم الجمعه ما تهنيت بالسهرة كل الوقت وهو يضرب فى عيال اختى واخوانى الصغار وكل ةواحد يضربه يجى يرد فيه الضربه يعنى فى الدقيقه ينضرب 50 مرة ههههههه المهم كلمت زوجى بعد ساعه وقلتله يرجع بينا البيت ويوم الجمعه ما رحت بيت اهلى واخذناه للمزرعه من لما عطل من الروضه يعنى هو عطل يوم السبت وفى نفس اليوم فى الليل جانا الشيخ وبعدها بيوم حجمنا
المشكله حجمت معاه بس فى اكثر من مكان وصرت يومين اتالم ولا اتحمل المس مكان الحجامه وهو عادى بكى شوى لما حجمته بعدين خلاص ولا كان فيه شئ دايم احسه ما يتالم وما يحس يعنى يبكى اول مرة بعدين خلاص ..امس لما رحنا للمزرعه دخل ابوه للبقاله وهو معاه وما ادرى كيف فتح الباب وهو خلفه الباب جرح اصبع ولدى ونزل دم وجانى يبكى واششوف الدم وهو يبكى ويقولى ضربتنى يا ماما سياره كف على وجهى ااااااااااااه ويبكى
حكالى قصه مختلفه تماما والمشكله مصدقها فهل هذا طبيعى
ونسيت اقوللك انه مرتين فى يومين مختلفين يفتح الباب ويهج وياخذ وجهه مرة لقاه ولد اختى عند عيال كانو راح يودوه للجامع يسالو عنه
والمرة الثانيه لقيناه فى خيمه فرح جنب بيت اهلى المشكله كل طلعاته فى الليل بعد اذان العشاء وهو يخاف من الليل والظلام ما نى مستوعبه كيف يطلع والمشكله من زماااااااااااان بطلها هالعادة واصلا ماكانت عنده كثير والكارثه انى ابد ما فقدته فى المرتين لانى مو متعوده على طلعته
وهو من لما عطل من الروضه وهو كل يوم يروح مع ابوه للمزرعه او للسوبر ماركت يعنى يخرج باستمرار لحتى ما يمل بس ما عرفنا قصته
وبالنسبه لى بدا فى القراءة وكل ما يقرا يسالنى ايش اللى احس بيه وهكذا وكل الايات كانت ايات رقيه شرعيه موجوده فى رقيتك يا شيخ وانا من كثر ما استمع للرقيه حتى انى احفظها ورردتها معه المهم قالى هل انتى كنت تتعالجى او هل كنتى عامله ورد وبرنامج لعلاج السحر قلتله اى قالى كان عندك سحر والله اعلم وشفيتى منه بس عندى حسد وواضح جدا اعطانى ماء وزيت قرا فيهن الرقيه امامى والزيت والماء منى جهزته له وهو بس قرا عليها بصوت مسموع وكلها ايات رقيه وقالى علاجك فى سورة الفلق ردديها باستمرار وكثرى شرب الماء المقرى 7 لتر فى اليوم والدهن بالزيت والاغتسال بالماء مرة باليوم ولما بديت فيه جانى اسهال شديد وادرار بالبول لكن الاسهال يوم واحد بس وتوقف "اكرمك الله" وبعدها بيوم احتجمت على الكاهل والاخدعين واسفل الكتفين وما طلع منا دم كثير واحسست بدوخه شديده اثناء الحجامه ورغبه فى القئ وتتاوبت كثيرا وبعد الحجامه اصبحت عينى اليسرى ترف فى اليوم ترف مرتين او 3 فهل فى هذا تفسير
علما انى وولدى نعانى من النحافة واول مرة نحجم
وطحنت سدر وقريت عليه الرقيه كامله العين والسحر والحسد والانزال والاخراج وصرت احطه على شعرى 7 ايام 4 ساعات مع قراءه رقيه الانزال والاخراج والطبطبه على الراس ما حسيت بشئ بس حكه بالشعر شديده لما يكون السدر على راسى ولما اغسله تروح
احتجمت انا وولدى ولكن؟
