أخي [ بو البراء ] تكفى أبي شورك ، والله إني قد تعبت من العين ؟؟؟

[بحرينية88]

السلام عليكم ورحمه الله وبركاته ..

في البدايه اشكركم على هالمنتدى الحلو والمميز ويعطيكم الف عافيه ..

عندي استفسار واتمنى من الشيخ ابو البراء انه يساعدني ..

انا من قبل 4 سنين اغمى علي وانتو بكرامه بالحمام .. والسبب ان جسمي صار له جفاف لأن كان فيني اسهال قوي .. بعدها تنومت بالمستشفى .. وعقبها بديت امرض وايد ، يعني بدت معاي المعده والقولون .. ورحت لشيخ يقرى عليي والحمدلله صرت احسن ..

بس المشكله مو في هذا .. المشكله اني في اولى ثنوي (عقب ما مرضت بـ 3 شهور) كنت وايد اغيب عن المدرسه بسبب المرض بس الحمدلله يبت معدل زين (94.6) والبنات قعدو يقولون لي انتي كله غايبه ومريضه اشلون اتييبين هالمعدل .. ومن عقبها الشيخ وانا اكره الدراسه واهملت وايد وزدت بالمرض .. لي ما تخرجت من الثنويه ومعدلي 88 ..

عن المعده رحت تعالجت عنها والحمدلله وايد احسن ، بس الدراسه.. الشيخ لحين اكرها، صج اني هالايام صرت ادرس عشان ابي اييب معدل بالجامعه بس مو مثل اول .. حتى مادر افهم الي ادرسه ولا اقدر احفظ ، مع اني اول بس اقرا الكتاب وافهم ، يعني كنت اييب معدل 97 حتى بدون ما ادرس، وكنت معروفه بالحفظ والفهم بسرعه .. بس الشيخ الحين مو قادره لا افهم ولا احفظ
غير هذا ان دايما ايام الامتحانات امرض ويفوتني امتحان او اثنين

رحت حق شيخ وعطاني ماي وزيت بس انا الصراحه ما انتظمت عليه ..

وحتى عن عيني الشيخ، دايما يحسدوني عليها ، لأن الحمدلله واسعه ورموش ولأن سوادة عيني كبيره، يعني لما البس عدسات طبيه مايصدقون لأن حدود العدسه ماتبين لأن صايره نفس حجم سوادة عيني .. وعيني صارت دايما تلتهب وتتنفخ ، ولي ما الحين صايره وحده الي كانت تلتهب اكثر صايره اصغر من الثانيه شوي


والشي الثاني عن علاقتي بربي
اول كنت ما افوت صلاه وحتى برمضان صلاة التراويح ما افوتها حتى لما كنت مريضه وتعبانه ، وكنت اختم القرآن كل شهر وماتمر جمعه بدون ما اقرى الكهف .. بس الحين كل هذا تغير
كانو الكل حاط باله علي اني مريضه وحتى لما تعبانه ما اترك صلاتي ولا القرآن، ويقولونها لي (انتي تعبانه ومريضه اشلون قادره انج تواصلين بدراستج والعبادات .. والله الشيخ اني الحين صج اني صرت احسن وكل اعراض المعده راحت عني .. بس ديني ودراستي اهملت فيهم ..

استغفر الله صار بس ايي وقت الصلاه اييني تعب واتكيسل اني اصلي ، اقول بصليها عقب وبعدين ما اصليها ، والدراسه هم نفس الشي بس اشوف الكتاب اتضايق واحاول اسوي اي شي ثاني عشان انشغل وما ادرس ..

والشي الثالث (اعذروني اذا كنت صريحه شوي) .. مره كنت رايحه عرس قبل سنه ونص تقريبا ، وكنت لابسه ملابس تفصل جسدي ( ماكنت متعمده هالشي ) وكان اللباس ملفت للنظر مع اني متغطيه تماماً .. ووحده اول ماشافتني ذكرت اطراء منطقة معينة ، انا قلت لها ذكري الله بس اهيا اسكتت وقعدت كل ماتشوفني تضحك وتسال نفس السؤال ..
الشيخ من عقبها وانا أتألم من هذه المنطقة ، ماقدر اهني اتكلم بتفاصيل بس صار فيه تغير 360 درجة
يعني تغير بالمنطقة نفسها وآلام ونغزات اتييني فيها ، حتى رحت سويت فحص قلت يمكن في شي بس النتايج كلها طبيعيه ومافي اي شي ..

وقبل يومين وحده قالت لي روحي حق شيخ يقرى عليج ويعطيج زيت مقري فيه تدهنين فيه المنطقة ، بس انا استحي اروح حق شيخ اقوله هالمشكله .. ف قالت لي انتي بروحج اخذي ماي وزيت واقري فيهم الرقيه الشرعيه واغتسلي بالماي ودهني صدرج بالزيت ..

ف انا ابي اعرف عادي ان انا اقرى الرقيه بالماي والزيت ؟ او احسن اروح حق شيخ ؟

وشي ثاني .. شنو رايك الشيخ في اني اقول حق البنت الي قلت لك عنها بالعرس اني ابي وضوءها عان اغتسل فيه ؟؟ انا اخاف انها تزعل مني مع انها تقرب لي، يعني اهيا بنت عمتي ..

واذا عادي انا اقرى الرقيه ابي اعرف الآيات الثابته للرقيه والآيات الثانيه الي ممكن اقراها، وطريقه القراءه ومرات الاغتسال في الماي ..
وطريقه اغتسال البنت الي اخذ منها ماء وضوءها ..

ويعطيك الف عافيه يالشيخ ومسامحه طولت عليكم ..

[أبو البراء]

الأخت الفاضلة ( بحرينية ) حفظها الله ورعاها

لا يليق بنا إلا أن نحتفل بقدومكم وانضمامكم لأسرة المنتدى ، فنقول :

بكم في منتداكم ( منتدى الرقية الشرعية )

احدى الصروح الرائدة المتواضعة في عالم المنتديات الصاعدة

والتي تزهو بالعلم الشرعي والمعرفة والفكر والثقافة

ونتمنى لكم فيها قضاء أسعد الأوقات وأطيبها

ونحن بانتظار إسهاماتكم ومشاركاتكم النافعة وحضوركم وتفاعلكم المثمر .

ونتمنى أن تتسع صفحات منتدانا لحروف قلمكم ووميض عطائكم.

وفقكم الله لما يحبه ويرضاه ، وجنبكم مايبغضه ويأباه .

مع أمنياتي لكم بالتوفيق

أما بخصوص علاقتك مع الله عز و جل فهي مقطوعة ، فالحبل المتين بين العبد وخالقه الصلاة ، ولمزيد من التفاصيل أحيلكم إلى الرابط التالي :

( && ما حكم تارك الصلاة ، وهل تبقى زوجته على ذمته && )

أما بخصوص ما ذكر من اعراض فغلبة الظن أنكم تعانون من الإصابة بداء العين أو الحسد ، وأحيلكم إلى الرابط التالي الذي يبين كيفية الغسل للعين :

( && الطريقة الصحيحة لأخذ وضوء العائن في علاج الإصابة بالعين && )

وتجدون أسفل الموضوع كيفية التصرف دون أن تحصل عداوة أو لبس للعائن 0

ويمكنكم من اتباع البرنامج العلاجي التالي :

( && -- البرنامج العلاجي للإصابة بداء العين أو الحسد -- && )

كما أنصحكم بالنسبة للإسقاط من استخدام التالي :

1)- يوضع كمية بسيطة من الزعفران في فنجان قهوة ويضاف إلى نصف الفنجان ماء 0

2)- يترك ذلك لمدة نصف ساعة حتى يحل الزعفران 0

3)- تحضر قلم سائل وتقوم بسحب بعض ماء الزغفران 0

4)- تكتب الآيات التالية على ورقة طاهرة نظيفة :

- الفاتحة 0

- أول خمسة آيات من سورة البقرة 0

- آية الكرسي 0

- أواخر سورة البقرة من ( آمن الرسول 00000 ) 0

- سورة الطارق 0

- سورة الكافرون 0

- المعوذتين 0

- الإخلاص 0

5)- توضع الورقة أو الأوراق في جركن ( 20 لتر ) لمدة أربعة وعشرون ساعة 0

6)- يتم إخراج الورقة بعد المدة المحددة 0

7)- تعبأ خمسة غراش ( قناني ) ماء وتوضع في الثلاجة ويشرب منها يومياً كوب صغير على الريق 0

8)- يومياً ولمدة سبعة أيام يتم الاغتسال بالماء المذكور ( ماء الزعفران ) 0

9)- بعد الانتهاء يتم أخذ دوش ماء فاتر وينشف الجسم جيداً ثم يوضع مسك أسود وبخاصة على منطقة البطن والصدر ومقدمة الرأس 0

وكوني معنا أخيتي الفاضلة ( بحرينية ) على تواصل عبر صفحات المنتدى لمتابعة حالتكم الكريمة ، بارك الله فيكم أخيتي الفاضلة ، وزادكم الله من فضله ومنه وكرمه ، مع تمنياتي لكم بالصحة والسلامة والعافية :

أخوكم / أبو البراء أسامة بن ياسين المعاني 0

[بحرينية88]

شكرا اخي على ردك .. بس شنو المقصود بـ ( داخل ازاره ) ؟؟

[أبو البراء]

بارك الله فيكم أخيتي الفاضلة ( بحرينية ) ، قال الشيخ محمد بن صالح العثيمين - رحمه الله - ( داخله إزاره ) : ما بين اللباس الداخلي واللحم ، وقال غيره ( مذاكيره ) ، زادكم الله من فضله ومنه وكرمه ، مع تمنياتي لكم بالصحة والسلامة والعافية :

أخوكم / أبو البراء أسامة بن ياسين المعاني 0