السلام عليكم ورحمة الله وبركاته:
أخوتي في الله أنا ودي استشيركم بلي يصير لي ماأعرف هل هو حسد رح أحكيلكم قصتي من البداية:
أول شي أنا اول مادخلت الجامعة خطبوني ثلاثة شباب كلهم تقريبا في وقت واحد واخترت من بينهم قريبي واستمرت الخطبة سنتين وخلال السنتين هو مزاجي مرة يريدني ومرة يريد يفك الخطبة.وبعد السنتين ملكناوسوينا حفلة والله ماأراد أنا نتوفق فيها في نص الحفلة كهربة البيت اختربت ولا رضت تتصلح يعني ضاعت الحفلة.واستمرينا سنتين مالكين وبعدين حددنا وقت العرس بعد ماجهزنا للعرس في ليلة العرس واحنا ننتظر ذاك اليوم الله كتب ان واحد من اقرب الناس إلنا يموت يعني ماشي عرس اصرينا انا ويا انا نسافر في موعد السفر وبدون حفلة عرست طبعا واجهتني صعوبات كثيره معاه في بداية علاقتنا الزوجية كثيرة الحمدلله كملت سنه وشهرين تقريبا والله مارزقنا بالعيال معنا سوينا الفحوصات وطلعت النتيجة إجابية. الحمدلله يعني كلما نقول بنفرح يصير شي ولا تم الفرحة الحمدلله طبعا.
وانا دايما تتكرر عندي احلام ان قطة سودة تبي تيجي عندي واقرى القران لكن في البداية اقرى بصعوبه وماكون خايفة منها لأني اقرى القرأن في الحلم. ومرة حلمت قبل الزواج حلمت اني ادخل أول ماادخل بيت زوجي تلدغني عقربة.