السلام عليكم ورحمه الله وبركاته
والصلاه والسلام على اشرف خلق الله نبينا وحبيبنا سيدنا محمد صلى الله عليه وسلم وعلى اله وصحبه اجمعين
انا سيده متزوجه من عشر سنين وربنا رزقنى بمولوده تبارك الله فيما خلق
وزوجى على خلق عال وملتزم ومحبوب من الجميع وعلاقتى بزوجى واهل زوجى طيبه والحمد لله
بعد ولدتى لبنتى بثلاث سنوات حدث ان الدوره تأخرت ثم نزيف لمده ثلاث شهور فى الفتره دى غيرت الدكتور المتابع لحالتى لتشخيصه الخاطىء بانها اضطراب فى الهرمونات وبعد فتره وعمل تحليل دم اكتشفت انى حامل والحمل خارج الرحم وعملت عمليه وتكررت العمليات ومناظير
وعملت حقن مجهرى مرتين لان التشخيص كان انسداد فى الانابيب
ذهب زوجى عند شيخ مع بنت عمه وعمه بسبب تعب ركبتها وكان الشيخ راقى بيقرأ القران فقط ولا يسأل عن اسم الام او الاب ولا ينفرد بالمريض ولا يلمسه وطلب زوجى من الشيخ ان يقرأ عليه القرآن ولكن زوجى كان سليم والحمد لله ولكن طلب من زوجى احضارى لاننى انا المصابه وبالفعل ذهبت اليه وقرأ على وقال انى عليه جان عاشق وهو ساكن فى الرحم وبدات فى الاستحمام بالنبق ثم اخذت الترياق وبعدين الزعفران وكمان عملت الحجامه اكثر من مره
فى الفتره دى حلمت باحلام على فترات مره انى مع زوجى وبنتى ماشين فى شارع مظلم وواسع وفى الشارع كلب اسود ينبح على الناس اللى ماشين فى الشارع فخفت وحبيت ارجع وكان فى ناس ماشيه جنبنا ولقيت الكلب ساب الناس وعضنى فى كعبى وصحيت
مره تانيه حلمت انى ماشيه مع زميلاتى فى الشارع وفجأه وجدنا حمار هائج بيجرى فى الشارع وقفنا فى جنب حتى يمشى بعيد عننا ولكن لقيته رجع تانى ولكن فى صوره انسان دميم جدا ومادد يده امامه
وساعات بحلم انى فى امتحانات ومش عارفه اجاوب بس
المشكله ان الشيخ قال لى ان السبب فى فشل موضوع الحقن هو وجود الجن العاشق فى الرحم
على فكره بشهاده الدكاتره ان المشكلع عندى هى بس الانابيب غير كده كل شيىء ممتاز والحمد لله
وخايفه اعمل الحقن تانى
ملحوظه انا وزوجى وبنتى موضع حسد بالنسبه للناس وبالاخص للناس اللى كنا عايشين معاهم فى البيت وهم اقارب زوجى وان بقرأ سوره البقره بحس بالم فى معدتى وبزهق وكان الشيخ عمل كام خلسه اختناق وكنت بشعر بتنميل جامد فى جسمى وعصر فى بطنى ولكن الشيخ اوقف الجلسات بس
فبالله عليك تنصحنى هل راى الشيخ صح وهل وجود الجن ده هو سبب فى فشل الحقن وبلاش عملها دلوقتى
وجزاك الله خيرا وعذرا لاطاله
تفسير لحالتى بالله عليك
