السلام عليكم
جزاك الله خيراخي ابو البراء على مجهودك وتعبك بالمنتدى ووسعة صدرك مع
مشاكل الاعضاء بالمنتدى وعسى الله يجعله في موازين اعمالك
اخي.. عندي مشكلة مورقتني جدا
ومن زمان ابي اطرحها بالمنتدى ويمنعني اني
من المتابعين من وراء الكواليس وسجلت حتى اتمكن من المشاركه
مشكلتي تتلخص بالاتي /
من اكثر من 15 سنه وانا اعاني من مشكلة اثرت بنفسيتي ونفسية
اخواني وخواتي وامي وهي انه ابوي من صغرنا وهو دكاتوري ومتسلط
وله ماضي وحاضره حافل بسوء الاعمال والاخلاق من شرب مسكرات وخيانه لامي مع ساقطات وسفر بأستمرار فهو شهر عندنا وشهور بالخارج يعيش نزاوته ومغامراته بحرية على مزاجه وبالنهايه كملها من 10 سنوات خذ له بيت وعاش فيه بروحه وهجرنا بالكامل اللهم انه يرسل لنا مصروف شهري بالمناسبات والمواسم ..
والمشكلة مو هذي .. بس حبيت اعطيك ملخص لمجمل حياتنا مع الوالد الكريم الى مؤرق حياتنا
المشكلة ان البيت ليل ونهار نار وشرار وفي حالة هياج
مستمر من نصبح لين نمسى دائما نتهاوش ويقوم الصراخ والزعل بينا وكل واحد نفسه براس خشمه زي المكتوم ويحس بضيقة مستمره
نحس بعدم الراحه والهم والغم على طول وتوتر دائم يسود البيت
كل واحد فينا زي القنبلة المؤقوته مايصدق احد يكلمه وينفجر فيه مع انه قلوبنا على بعض ونحب بعضنا وكل واحد فينا بسم الله على اخواني وخواتي مافيه احن ولا اطيب من قلوبهم وكل واحد ماخذ دورة بالبيت وملتزم ومتحمل المسئولية كامله
خاصه اخواني مع صغر اعمارهم الا انهم ماعاشو مراهقتهم وشبابهم زي باقي شباب العشرينات عسى الله يحفظهم لنا ويعوضهم خير بدنياهم واخرتهم ومحنا عارفين ايش سبب جو هالتوتر والضيقة الي فينا
هل هو حسد او نتيجة لضغوط نفسية متراكمه لحال ابوي والجو الاسري الي مفتقدينه ؟؟؟
محتاجة حل تكفون ابي يسود جو كله راحة بال وهدوء واستقرار واحساس بالامان فينا وفي البيت كله
ايش برأيكم يكون السبب وايش هو الحل تكفون محتاجتكم
ابي تنصحوني وترشدوني
كثير ناس يقولون لامي ولي ان الي فيكم نتيجة حسد وعين
ووضعكم غير طبيعي وبعد ابوكم وقساوة قلبة هذا كله امر غريب
ولازم تشوفون لكم حل لوضعكم ومحنا عارفين ايش نسوي وكيف نتصرف نبي نحاول نصلح ابوي ونحنن قلبة علينا ونرجعه للبيت
نبي نحس بالامان والاستقرار الاسري الي مفتقدينه اخواني وخواتي
بالبيت خاصه ان فينا الي توه صغير وماحس بقيمة وجود الاب في البيت
ومفتقد هالشئ وحاس بالنقص لحرمانه من وجوده معنا
نبي نحس براحة البال والهدوء والسكينه بجو البيت وترتسم البسمة
بشكل دائم على وجوه اهلي كلهم نفسسسسسسسسسسسسسسسسسسسسي بكثير وكثير بس احس اني مكتفة ومابيدي شئ اسوية غير الدعاء للصلاح لابوي وامي واخواني وخواتي بكل وقت وبكل صلاة وان الله يطمن قلوبنا ويريحنا
انتظر رايكم تكفون ونصايحكم وارشاداتكم