بسم الله الرحمن الرحيم
أخي عمر أخي أبو ريان
السلام عليكم ورحمه الله وبركاته
أنا امرأة متزوجه من ثماني سنوات قبل زواجي تقريبا بسنه تعبت أختي الكبرى وكنا نوديها للرقيه وكنت أروح معاها و أساعد العاملات مع الشيخ في تغطية النساء واقف عند الباب لان بعض النساء يحاولن الهرب كل هذا كنت اسويه بدون أي خوف بعد زواجي انتقلت ل(الخبر) مع زوجي وما كنت اعرف فيها أحد وكان في اغلب الأوقات يخرج من البيت و أكون لوحدي وكان يسير لي أشياء مخيفة مثلا اسمع الباب انفتح واسمع صوت المفاتيح والباب ينقفل واسمع صوت الستارة إلي عند سيب المدخل تهتز و كنت اقول اكيد ان زوجي رجع ولما اقوم ما القى في احد واحيانا اسمع احد خلف اذني يتنهد واحيانا اسمع زوجي يناديني وبصوت واضح وعالي ولما اجيه يقول ما ناديتك هذا وغيره كثير لا يتسع لها المجال المهم هذا كله وكنت ما اخاف0 بعد سنتان رجعت الى نفس مدينتي (جده) لان عمل زوجي أعطاه إلحاق سنتان وكنت لما ارجع للبيت ألقى ماء منكب على الباب من الداخل للخارج واسمي وادخل ولا اهتم مع أني أخاف من ان تكون زوجه ابويه قاعدة تسوي لي سحر بسبب كثرة مشاكلها معي وهي إنسانه لا تنكر تعاملها به 0ومره كنت في بيت اهل زوجي واستلمتني كوابيس مخيفه جدا جدا صحيت وحسيت ان في شئ حولي في الغرفه فرقيت نفسي انا وولدي ورجعة نمت وانا خايفه بعدها لقيت اخت زوجي دخلت علي وقالت عووووو بصوت مخيف جدا جدا فحسيت ان كهرباء مشت من اخر ظهري الى فوق فرفعت راسي وقلت لها حرام عليك كانت قاعده تجيني كوابيس وكنت ميته خوف بعدها حسيت ان كل جسمي ثقيل فعرفت اني مازلت في كابوس فقرأت المعوذات والكرسي حتى فك عني بعدها دخل علي زوجي حكيته بلي صار وانا خايفه حتى منه هو وخايفه اني ما زلت في كابوس ومن يومها بداءت اخاف0 وبعد نهاية الإلحاق رجعت إلى الخبر في بيت ثاني بعد سنه نزلت جده للولادة و بعد رجعتي سرت اتعب اولا: كل الشجاعة الي كانت عندي صارت خوف ورعب شديد جدا لا يوصف لدرجة اني اخاف حتى وانا وسط اهلي في البيت ثانيا:مره صحيت ارضع بنتي في الليل وغفيت شوي وبعدين فتحت عيني وانا احط حلمتي في عين بنتي واقاوم ما ابغا اسوي كذا وماني قادره مو انا الي اتحكم في جسمي وبنتي تطالع فيني واتكرر الموقف مرتان او ثلاث في نفس الجلسه0 ثالثا: دايم احلم ان احد يشيلني واكني اطير في الغرفه واكون شايفه الي حولي وهم نايمين ومره حسيت ان احد يغرس اضافره في رجلي ويسحبني رابعا: واحلم ببنت وامها من جماعتنا معروفين من سنين طويله بانهم فيهم جن ،احلم فيهم يخوفوني والام تقول البنت هذه فيها شئ خامسا:0 شعري كل سنه شهر3 يتساقط وتطلعلي حبوب وقمل ويتعقد مره اكنه مغراء في بعضه وهذا الحال من 3 سنوات 0 حاليا ومن سنه كل هذه الاعراض خفت لاكن ترجع من وقت لاخر وتروح
هل تدل هذه الأمور على اني أشكو من مرض روحي وخاصة الخوف الشديد أو قد يكون مرض نفسي؟
ريما
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
أشعر بالخوف الشديد ، وأخاف جداً من الذهاب للرقيه ، أرجو التوجيه ؟؟؟
