السلام عليكم
انا ابي عايش في الخارج
طول عمره بيقاطعني بالشعور ومن وانا معاه في نفس البلد بسبب او بدون
ممكن يكون السبب انه مره جايه اضرب اخي فخبطته وحاجات زي كدا
وهو مسافر حاليا بيجي شهر في السنه
انا كبرت في السن وانا منتقبه وربنا كلمني بوظيفه كويسه
كل ما يجي عريس يثقل عليه الطلب او يعامله بطريقه مش كويسه فيمشي
فضلت سنين امارس العامه السريه وبعدها تبت منها
زميلاتي ربنا يبارك لهم في رزقهم عندهم اطفال في مدارس
قلبي بيتقطع لما اشوف طفل وانا ببرك لما اشوف أطفالهم ربنا يحفظهم
بقيت احضن مخدتي وانا نايمه وادعي انه ربنا يخليني استغنى عن كل حاجه حرام
حفظت سمعت البيت واللي بيكون عايز يتقدم يجي البيت ومش بكلم ولا بمشي مع حد
عايز لو حد جيه تقدم يعمل الخطوبه والفرح في الشهر اللي هوا قاعد فيه فقط غير كدا ما مش بيحبه ومش عايزه يحضر فرح بنته
عمره من وانا صغيره ما حضني ولا باسمي ولا حتى سلم عليه ودا خلاني قاسيه الشعور ناحيته جدا ..وانا فعلا يكرهه بقلبي جدا بس بحاول احترمت والله لكن القلب لا
شايف اني مادام شغاله في مكان كويس انا كدا تكبرت عليه
كنا بنلبس هدوم الصدقات رغم انه معه مال
بيشتم امي وعلى طول يهينها لانه أهلها طيبين ومش بيدافعوا عنها وطبعا مقاطعهم
بيرمي ودانه للناس وخلاص زميله قاله لو دي بنتي وصرفت عليها واتنقبت كدا ولسه مش متزوجه كان زماني اتشليت..طبعا جه البيت ثار علينا وقعد يزعق وكلمتي تمشي وانتوا لازم تقلعوا النقاب عشان تتجوزوا مع انه اقسم بالله ربنا موسع رزقنا في العرسان بفضله ومنته واول ما يوصلوا ليه يمشوا حتى لو كانوا متمسكين بشخصيتي
قلتله مش عقلع النقاب وانتوا اللي كنتوا بتمشوا الناس
زميله قاله اتخانق معاهم وشد عليهم وسيب البيت وفعلا عمل كدا
واتهمني اني عاقه
رحت وراه وقبلت رأسه يومين ورا بعض وبعتله رسايل وكلمته وهوا لسه على موقفه
اعمل ايه ؟؟
انا راضيته بس هوا مش رضي
أبي عقدني
