لا اعلم اذا كان موضوعي في المكان الصحيح او لا لكني لم اعرف اين اضعه وسا اسرد لكم مشكلتي واعتذر مقدما ،،،،
السلام عليكم ورحمة الله وبركاته
اولا انا اشتركت وهذي اول مشاركه لي لاني ابي اقول لاي احد الي فيني وما يضحك او يستسخف السالفه
انا ماادري الي فيني اكتئاب او قلق او ماادري ايش بالضبط
بدآ كل شي وانا تقريبا عمري 12سنه صرت شخص من الممكن انو يتخلي عن حياته بسهوله مع انو صغيره حاولت انتحر بحبوب وكليت كميه كبيره الي اذكره كليتها وبعده صحيت ما ادري اغمى علي او ايش او انو نمت لاني تعبت من البكي!! وتقريبا بيتنا كان وقتها محد يدري عن احد فا عشان كذا محد لاحظ انو اختفيت وفكرت قلت خلاص ربي مب كاتبلي ومرت جا بعدها بسنه حلمت حلم مخيف جدا شفت مومياء عند شباك مجلس الحريم حقنا وكانت هالمومياء بالنسبه لي شيطان وكان يسحب اخواني لهالمجلس وكنت اصيح مابيه ياخذهم ومن بعد هالحلم صار عندي خوف مب طبيعي من الوحده اخاف من الظلام واخاف من كل شي وصرت اشوف خيال اشخاص بالظلام وطبعا كل هالشي محد يدري حتى الوالده والوالده طبيعتها كانت قاسيه من برا وحنونه من جوا ما كانت تبين اهتمامها ولا تعطينا اي اهتمام اتجاه الشي لو اقولها راح تستسخفه او تضحك او تسفه فما كنت اقول اي شي واحتفظ فيه لنفسي دخلت اولى متوسط تعديت هالخوف
وبديت اعيش حياه طبيعيه هادئه وبعده دخلت ثاني متوسط كانت هي وثالث متوسط من اصعب واسوا مراحل حياتي كنت حزينه وعصبيه طول الوقت ومااحب احد ولا احب اهلي واكره كل شي واحس بالضيقه بشكل واحس اني اقل عن الناس
ورجعت فكرة الانتحار مرا ثانيه حاولت بسكين وخفت وحاولت بغاز وحاولت بحبوب مرا ثانيه سويت كل شي اهم شي ارتاح خلاص مابي اعيش مممرررا ماكنت ابي اعيشش وكل مرا تفشل ولا تفيد ابكي طول الوقت واجلس مع نفسي كثير
والوالده لاحظت بس تفكيرها كان انو يمكن طايحه على حبوب او احد لاعب علي وصارت تحقق معاي وانا كل السالفه نفسيتي تعبانه ورحت لاولى ثانوي وهدت اوضاعي رحت لثاني ثانوي رجعت مرا ثانيه كنت نحيفه وشعري طويل وكان كل احد يسالني انتي وش تسوين بجسمك علمينا كيف وكان يسالون ناس عني عشان يخطبون *شكلي كان اكبر من عمري على فكره*بعدها لعبت بشعري وصرت اقصقصه وسمنت وصرت احب الاكل بشراهه واذا ضاق صدري اكل مااقدر اوقف اكل سمنت بسنه وحده تقريبا 13 كيلو طولي 170 وكان وزني 71 والحين انا ادرس سنه تحضيريه ووزني 109 كرهت نفسي وماصرت اشتري اي شي ماصار لاي شي متعه ما كاني وحده عمرها 20 كل الي يشوفني انتي ليش ما تنحفين حرام وجهك وطولك حلو ما يدرون عن اي شي الناس بس تتكلم ولا تدري عن شي والحين صار عندي شي جديد الي هو الخوف
خايفه من كل شي وقلقانه طول الوقت بدون سبب واحاول ادور السبب ما الاقي واحس في شي راح يصير مب زين من قوة الخوف ابي استفرغ ينزل علي بطني التوتر ماعاد اتحمله لين اصيح مممرا يضيق علي وقلبي يعورني
ابي استانس مب قادره اذا جيت اضحك اخاف ويضيق صدري مدري ليش واحس اني فاشله ومب قادره اسوي شي وانو كل الي حوليني ناجحين وانا لا تعبت نفسيتي ماادري فكرت اروح لطبيب نفسي وخفت ادخل بدوامه مالها اول ولا اخر وتزيد اعراضي وجاني تقريبا 3 مرات الجاثوم وانا نايمه واخاف من الاماكن الضيقه يجيني ضيق تنفس واذا احد جا ضمني بقوه او شي مااتحمل اشياء غريبه تحسسني انا مب طبيعيه والشي الاخير انا مااقدر اشرب موية زمزم بمجرد التفكير فيها يجيني استفراغ مااقدر انزلها لمعدتي تنشب فوق لما رحنا مكه ناخذ عمره عطشت مممررا وابوي قالي اشربي من هنا و رفضت قلت ماراح اقدر بستفرغ هنا علطول وعصب علي يحسبني اتدلع وابوي طبعه عصبي محد يتفاهم معاه دمه حار صرخ علي وراح وجلست عطشانه وحلقي ناشف لين طلعنا وانا ضايق صدري والله ليش انو اطهر مويه مااقدر اشربها مع العلم بالابتدائي اذكر كنت اشربها عادي ،،،، وبس تقريبا اخذت مقتطفات من الاشياء الي تصيرلي لانو لو اقولها كلها ماراح اخلص وانا ابي اشكي لاحد ابي احد يسمعني ابي احد يعرف الي فيني ايش ابي احد ينصحني اروح لطبيب نفسي ولا ارقي نفسي ماادري شسوي واعتذر على الكلام مب مرتب ..