فأنا فكرت في حاجات أساسية ومبدئية نتكلم فيها هم ست نصائح اللي هيفهمهم هيبقى إنسان ناجح جدًا _بإذن الله_: أول نصيحة وأول حاجة: كل إنسان قلبه له أربع مداخل؛ في أربع مواضيع لو كلمت أي واحد عنها كلام _بإذن الله_ كلام كويس.. كلام طيب.. ربنا رزقك فيه كلام طيب هتدخل قلبه علطول _إن شاء الله_:
رقم1: معرفـة الله: إنك تكلمه عن ربنا؛ خشية ربنا، حب ربنا، الثقة في ربنا.
تاني مدخل: هـم الآخـرة: إنك تكلمه عن الجنة، عن النار، عن القبر، عن الموت، عن القيامة، عن الصراط، عن الميزان. المدخل التالت: اليقين عن الأثر الدنيوي للدين: إنك تكلمه ربنا هيديك إيه لو انت جيت، ربنا هيكرمك قد إيه لو انت جيت.
رابع مدخل: هـــم الديــن.
النصيحة التانية:عدم الاصطدام: نكلمهم في الإيمانيات قبل ما نكلمهم في الحلال والحرام وما تجادلش حد. وتالت حاجة: أحسِن أسلوب العرض: خلي كلامك كده ينشرح ليه الصدر.
في فكرة عايزين نبدأ نعملها يا جماعة بالذات الناس اللي نفسها تدعو صحابها، أو نفسها تدعو إلى الله فكرة اسمها↓
كراسة الشرايط:
هتجيب كشكول كبير كل ما تسمع حاجة حلوة اكتبها في الكشكول ده لما إنت تيجي بعد فترة تقرأ الكلام ده هتلاقي عندك زاد كبير جدًا في الدعوة.