إخواني بس حبيت أنقل لكم مشكلة بنتي عمرها خمس سنوات ونص هي الحين صف أول ابتدائي بنتي تفهم وتحفظ بس ما تركز وقت المذاكرة عقلها يتشتت ما أدري شو يستوي فيها أكتب لها مثلا رقم خمسة وهاذيك الساعة تعرف أن رقم خمسة بس آتي بعد خمس دقايق أسألها شو هالرقم ما تعرف أو حتى أقولها اكتبي رقم خمسة لا تعرف مليت منها ووديتها معاهد ويبت لها مدرسين خصوصيين قلت يمكن ما تفهم علي بس ما شي فايدة النسيان معاها لاعب دور على فكرة بنتي هاذي تكلمت من وقت يعني عمرها تسع شهور ما شاءالله عليها تكلمت بس كملت سنتين تغيرت فجأة صارت ساكتة ولا تحب تلعب مع الاطفال اللي في سنها ومن يوم كانت صغيرة كل الناس قاموا يقولوا تكلمت بسرعة مشت بسرعة بس من كملت سنتين ما أدري شو ياها والله خاطري تكون مثل إخوانها اجتماعية وتحب الناس لو شئ دعاء أو شئ تقدروا تنصحوني فيه لا تبخلوا علي الله يخليكم