السلام عليكم ورحمة الله وبركاته
شحالكم عساكم بخير ..
جزاكم خير على هذا الموقع .. وعساه في ميزان حسناتكم ..
......
ما اعرف كيف ابدا ..
انا مخطوبة صار لي 7 شهور تقريبا ً .. وكانت اموري ولله الحمد زينة .. وما كنت اعاني من شيء .. ولكن من فترة شهرين تقريبا .. خطيبي متغير كثير ..
قلة الاتصالات .. دائما يشتكي من ضيقة .. ضعف كثير .. نقص 9 كيلو خلال شهر واحد .. يحلم أحلام مزعجة .. ويقول يواجه صعوبة في الصلاة .. مرات يصلي ومرات تروح عليه من غير ما يحس .. ويوم اساله عن صلاته كيف .. يقولي ما احس اني اصلي ..
وانا بنفس الفترة أحلم .. بالجن والعياذ بالله .. ولكن بأشكال ناس احيانا اكون اعرفهم واحيانا لا .. ما يخلوني اقرب من خطيبي .. واخر مرة حلمت بصراصير وذباب .. واحلم عندما اكثر الدعاء للخطيبي ..
على الرغم اني انام على وضوء .. واقول أذكار قبل النوم .. واسعى اني اقرا سورة البقرة واذا ما قدرت اكتفي بسماعها .. تقريبا كل يومين ..
طلبت منه ان يذهب لشيخ يقرا عليه .. راح وقالي انه يصارخ بشكل مب طبيعي في الليل .. وطلب منه الشيخ امور يسويها ولكن خطيبي رفض يقولي بس قالي انه مب مقتنع حيث طلب منه الشيخ ان يعتزل النساء . فقلت له اذا قصدك انا .. نبتعد فترة لو فيه علاج لك قالي لا لازم اعتزل النساء جميعا ( خطيبي يقدم دورات ومحاضرات ) يعني مصدر رزق صعب يتركه ..
والمشكلة خطيبي ساكن مع صديق له .. يعني مب عند اهله .. مب عارفة شو اسوي وكيف اتصرف انا مستمره على الدعاء بس حابة اساعده قبل ما يتعب اكثر .. يعني هو مستوعب ان فيه شيء متغير .. ويقولي هذا اكيد حسد ..
وحبيت اقول ان اخته محسوده ( تحلم بالجن كثير ) ويكلمونها في الليل وتصير معاها قصص كثيره مع الجن .. واخر زيارة لخطيبي عند اهله تعرض جروح من الجن .. كثيره في صدره واليد والظهر ..
وفي نفس الوقت اخته حلمت انهم يقولون لها تريدين نسوي لك مثل اخوك ولا غير ..
والعياذ بالله منهم ..
حاولت اشرح لك كل التفاصيل ..
وحاب اساعده كثير ..
ما اريده يترك الصلاة .. ولا الدعاء .. اريده يرجع طبيعي ..
ارجوا ان تتم مساعدتي
ولكم جزيل الشكر ..