بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير
في الحقيقه مدري من وين ابتدي
انا معاي مشكله من ويوم وانا صغير ..كنت طفل في هذاك الوقت وفجاه معاد قمت امشي
كاني متحرول من مستشفى الى مستشفى بس بدون فايده
المهم ودوني حق مطوع المهم قراء علي والحمد الله تحسنت وقمة امشي
والمطوع هذا طلع كاهن والله اعلم لنه سألني عن اسم امي
وقال حق امي ولدك هذا معه نفسه امراه سمرا
وبعده صارت الامور بشكلها الطبيعي
وبدها دخلت سن المراهق يمكن 3 او 4 مرات كنت احس فيها بيضق في النفس
وبعدها صار كل شي من احسن مايكون
وبعدها تزوجت ورزقني
وبعد الزواج تم يجيني ضيق في النفس +خوف شديد+احس اني راح اموت+تزايد نبضات القلب+
وبعده رحت من مطوع الى مطوع كلهم يقلون فيك عين ومس
والا فيه فايد ونصحني احد المطاوعه اللي قراء علي ان اعرض على حالتي على دكتور نفسي
وذهب الى الدكتور وقل هذا اكتئاب المهم صرف لي علاج حبه الصبح وحبه قبل النوم
المهم ستمريت على هذا العلاج 2 شهرين تقريبًا وصارت حياتي جميله جدا ًوعقبه قطعت
العلاج وتميت اخذه وقت لازم فقط كنت اكل حبه وحده فقط والي هي اتركسات وبعدها قطعت العلاج نهائيًا
هذا الكلام سنة 2006
وقبل شهر قمت احس بضيقه والخوف وضيق في النفس والام في المعده
فقدان الشهيه ورحت عند احد المشايخ وقراء على جزاه الله خير قمة احس بالخوف او احس ظهري حار يتصابب منه العرق
والا حد الحين وهو يقراء علي دائمًا اذا قراء علي احس بنفس الكوره في جسمي تتحرك
يمين وشمالا ً وايدي تنام او احس مثل النمل يمشي في جسمي
ومرات احس بضيق قبل لافطار ومرات احس بضيق في النفس
ياليت لو تساعدوني او تفيديونني
واهل في احد مر في نفس حالتي
جزاك الله خير
علما ً باني اقراء الاذكار الصباح والمساء ومحافظ على صلاتي
وصوما ً مقبولا ً