السلام عليكم ورحمه الله وبركاته
شخباركم أخواني إن شاء الله بخير
وعندي مشكله وإن شاء الله اقدر استفيد منكم
قصتي هي ::.
آنه بنت ابلغ من العمر 24 سنة تقدم لي واحد عنطريق صديقة امي
وصارت العلاقه بينا شبه رسميه يعني قابلت هله واهو قابل هلي
وذي الايام قاعده اكلمه وكلم اخته عن طريق التلفون وامس وصلني اتصال من اخته وقاعده تكلمني عنه وعن أخته اللي من امهم وهي ساكنه في عمان ..
وأخته اللي من أمه صارت معاهم مشاكل وهي الحين ماتسكن معاهم لان ذي زارتهم لازم قبل ماتروح ديرتها تخرب بينهم واهو وااااااايد متعلق فيها لدرجه انه أي شىء تقول له يسويه حتي لو كان يزعل امه وخواته عشانها .
واهو الحين مايكلم أمه وكله يصارخ عليها وهي مريضه وما يراعي شعورها ولا شعور خواته اللي من أمه وبوه .
وأمس لين كلمتني أخته قالت لي احاول اساعدهم نمنعه من الاتصال أو التقرب من أخته اللي من أمه .
وقالت لي بعد انها تقول له يعطيها معلومات عني وأي شىء يصير معاه لازم يقول لها كنها ساحرته
وفي مرة أخذته معاها لمكان فيه شعوذه عشان يشوف ذي الخرابيط . مع العلم أن سمعة أخته اللي من أمه مو زينه .
وإذا احد نصحه من أهله يزعل ويعصب وما يعطيهم وجه فأخته لجأت لي آنه تقول لي يمكن يسمع كلامي خصوصاً تونا مخطوبين
اخواني ابي منكم نصائح او توجيهات لي قبل ما انتقل معاه لمرحله زواج .
ملاحظه ::. أخته اللي من أمه قدرت انها تخلي كل اخوانه مع خطيبي لصوبها ماعدا 3 اشخاص ماقدرت عليهم لهم >> امها وأختها اللي كلمتني عن الموضوع مع أخوهم البكر .
وقالت لي عن واحد من أخوانها انه كان يحب مرته ومرته تحبه ولين سافر مع مرته عمان وقابل أخته اللي في عمان وبعد ماردو من عمان
صارت مرته تكرهه وتطلب منه الطلاق وصارت المشاكل ما تفارقهم .
فبلييييييييز لا تبخلون علي بنصائحكم ولكم مني جزيل الشكر .
أختكم شامخه ::.