هلا وغلا فيج اختي غرووب
الله يشفيج الشفاء العاجل ويحفظج من كل سؤ
السموحة منج على ما سببه اسمي
اممم احب اقولج شيء ... هاتي اذنج عشان ما حد يسمع *_^
كنت قبل اخاف من ظلي ... لا انام لا ليل و لا نهار
واذا نمت ما فكيت عيوني مع اني صاحية ... بس من الخوف ما ابطل عيوني لين اسمع احد من الاهل عندي
واذا مشيت ما التفت ... لا يسار ولا يمين... ومن سابع المستحيلات تلقني بروحي
سبحان الله ... كيف تغير حالي ؟؟
طبعا بعد ما استهزاء في خالي ... وضحك اخواني واخواتي علي ... وبكيت لين طلع الصبح ذاك اليوم لان ما صارت حالة
وقررت اني معاد اخاف ... فاذا جاني شعور ان ما هناك يتربصلي ... اقوم اروح لينه
اذا تخيلت احد ورى الستارة اقوم واطالع وراها يوم ارقد ويجني ذاك الهاجس ان اذا ما فتحت عيني سأجد امامي شيء مخيف ... اقوم ابطل عيوني
وكذا تلغبت على خوفي ...
قلت بخاطري مهما يكن الشيء اللي يتربصبي ... مقدر يأخذني بعيد عن الله .... الله عزوجل بيشفوني وبيساعدني
حتى لو بموت ... اكيد مرجعي لله عزوجل ...
واجهي الخوف ولا تخلينه يغلبج .....
وخافي من الله عزوجل فقـــــط
اما السحر ووالشيطين ومن كان على شاكلتهم ضعفاء
وبذكرج بالحديث الشريف اللي قريته
أن الشيطان يعظم سلطانه إذا ما عُظم من شأنه ويضعف كيده إذا ما حُقر شأنه روى أبي داود عَنْ أَبِي الْمَلِيحِ عَنْ رَجُلٍ قَالَ كُنْتُ رَدِيفَ النَّبِيِّ صلى الله عليه وسلم فَعَثَرَتْ دَابَّةٌ فَقُلْتُ تَعِسَ الشَّيْطَانُ فَقَالَ لا تَقلْ تَعِسَ الشَّيْطَانُ فَإِنَّكَ إِذَا قُلْتَ ذَلِكَ تَعَاظَمَ حَتَّى يَكُونَ مِثْلَ الْبَيْتِ وَيَقُولُ بِقُوَّتِي وَلَكِنْ قُلْ بِسْمِ اللَّهِ فَإِنَّكَ إِذَا قُلْتَ ذَلِكَ تَصَاغَرَ حَتَّى يَكُونَ مِثْلَ الذُّبَابِ .
/
/
/
اي اانه بذكر الله يضعف الشيطان ومنكان على شاكلته
بعدين سويت نفس طريقة الشيخ الكاتبة بماء الزعفران وقريت وطبقت العلاج
والحمد الله حالتي وايد متحسنة.... بس لازم اداومي على التحصين
لانهم مثل الحرامي يدورن الباب المفتوح
وانتي بابج التحصين
سكري بابج عدل *_*
والسموحة منج مرة ثانية والمعذرة
وفقج الله وشفاااج من كل مرض ومكيده