بسم الله الرحمن الرحيم..
السلام عليكم ورحمة الله وبركاتة..
والله العظيم ماسجلت بالمنتدى الا عشان هالحاله .. وابغى حل يريحني..
ربي يسعدكم..
==
نحنا 3 أخوات.. ( كبيرة _ ووسطى _ وصغيرة.. ) طبعا انا صابرين.. الصغيره فيهم..
بتكلم عن حالة اختي الوسطى.. هذه الوسطى أجملنا وأطولنا شعر وأكثرنا خطاب
ماشاء الله تبارك الرحمن.. المهم نحنا مستحيل نزوج الصغيرة قبل الكبيرة.. ( عادات وتقاليد )
الحاصل ان اختي الكبيرة تزوجت قبل سنتين ومن قبل لاتتزوج كانوا أغلب الخطاب لأختي الوسطى..
فلمن تزوجت الكبيرة.. الكل واثق ان اختي الوسطى راح تتزوج على طول والكل ينتظر خبر خطوبتها
سواء أهلي او جماعتنا,,
من بعد ماتزوجت اختي بسرد عليكم تفاصيل ماحدث خلال السنتين الماضيتين.. واتمنى الاقي الحل عندكم من بعد الله..
بعد ماتزوجت اختي جاء أول خطيب ولم نوافق عليه لاننا وجدنا فيه عيب كبير..
ثاني واحد هو بنفسه انسحب لانه يبغى يتزوج من خارج العائله..
ثالث خطيب.. وحده من جماعتنا قالت لاتخطبون البنت الوسطى لإني انا باخذها لولدي..
بعد فترة هذي الحرمه قالت لأمي انا بخطب لولدي بنت فلان..يعني ماعاد لها رغبه في اختي..!!
==
وحده من جماعتنا عندها ولدين متزوجين..والاثنين بينهم مشاكل مع زوجاتهم.. ولدها الكبير له تقريبا 7 سنين لم تنجب زوجته..
والصغير عنده طفل واحد.. وزوجاتهم عند أهلهم.. وام الازواج تخطب لهم وتبغى لهم حريم غير حريمهم اللي عندهم..
حقيقة كأي فتاة بيتقدم لها احدى هالزوجين حتمآ ستختار الكبير لإن ماعنده اطفال وارتباطات اخرى
وغير كذا وظيفته أفضل من الصغير..
المهم في رمضان 1429هـ تقابلت امي مع ام الولدين وقالت هالحرمه لأمي : ولدي الكبير ودي ازوجه بنتك الوسطى
ورفعت يدها للسماء وقالت ياعسى حظ ولدي يكون عند بنتك.. قالت امي : آآآآآآآمين
لإن امي تتمناة..
بعد فتره انصدمنا انها خطبت له وحده ثم اتصلت على امي تقول ابغى بنتك لولدي الصغير
طبعا امي على طول قالت لها الله يرزقكم ويرزقنا.. يعني ردت عليها امي بالرفض...
++
بعد هالخطيب.. جاتنا حرمة مرسوله من وحده عندها ولدين شباب تبغاني انا واختي لأولادها الأثنين..
طبعآ فرحنا وانبسطنا وماتوقعت يكون زواجي وزواج اختي اللي اتمناها من قلبي تتزوج.. بيكون في ليلة وحده..
وسألنا عنهم والكل مدحهم وخلاص قلنا بنوافق عليهم..لكن المرسوله ماعاد اتصلت علينا ولا جابت طاري للسالفه
المهم ام العريسين تركت المرسوله الاولى..واتصلت على بنتها المتزوجه في منطقه ثانيه
والبنت كلمت خالتي اللي عندهم بنفس المنطقه وخالتي كلمت امي.. وامي ردت على خالتي بالموافقه..
لمن ردت خالتي للبنت المرسوله.. خلاص نحنا بدورنا ننتظرهم يجوننا للخطبه وهذا الكلام كان بشهر 4 اللي فات..
لكن جاتنا الصدمه الكبيرة جدآ وهي ان ام العريسين ( ماتت ) الكل تفاجأ من وفاتها الله يرحمها وكانت وفاتها صدمة للجميع
بصراحه انصدمنا - انقهرنا - تحطمنا - لكن مايأسنا..!!
==
بشهر 5 كلمت عجوز امي تسألها إذا لنا رغبة في ولد فلان بن فلان..؟
لإنه يدور على عروس..؟؟ قالت أمي بنسأل عنه..واسألي عنه وبنشوف..
لكن انصدمنا بوفاة ام العريس..؟؟!!!
( انتهى )
==
انا بصراحه مصدومه جدا من الاحداث اللي تصير وايقنت ان هناك شي ما..!
وفي قرارة نفسي اقول هذا مكتوب ومقدر..
وبنفس الوقت قلت يمكن مع اختي عين.. او مس..؟! انا ماني عارفه شي لكن توكلت على الله وحملت رابط للرقية الشرعيه
من النت وارسلته على جوال اختي.. وارسلت في زيت مقرؤء فيه + ماء مقري فيه..
وقلت لأختي الوسطى شكل معاك عين.. طبعا ماجبت طاري المس لإنها خوافه.. ولإني ماني متأكده معها مس والا لا..؟!
وقلت لها استمعي للرقيه كل يوم بعد صلاة الفجر.. واي الم تحسين فيه دهني المكان بالزيت
واذا جاك نعاس غسلي وجهك بالماء واشربي من هالمويه وربي يكتب لك الشفاء..
طبعا هذي كلها خطتي وقلت لها لا احد يدري بهالبيت انك تستعملين الرقيه الا انا وانتي
طبعا اختي هذي ملتزمه جدا..ودائما تقراء القرآن وماتترك قيام الليل.. ونحنا ولله الحمد عائلة ملتزمه
واغلب الأيام القرآن مشغل في بيتنا ومانسمع اغاني ولانشوف مسلسلات..
(( بإختصار انا محتارة مدري ايش اللي فيه بالضبط..؟ ))
==
طبعآ أول مااستمعت للرقيه تقول حسيت بألم في رجلي اليسار من خلف ركبتي واسفل قدمي ومن جانب الفخذ..
وتحس بتنمل وقشعريرة بالراس - انتفاخ بالبطن - تحس مثل الكورة ترتفع في حلقها لدرجة تروح الله يكرمكم تبغى تستفرغ لكن ماتقدر..
وتحس بضيقه شديده <<< وهذا اغلب الايام حتى من قبل الرقيه..
والاسبوع هذا اذا انتهى يكمل لها شهر من استماعها للرقيه.. وأخر شي حست به رجفة خفيفه من داخل الفخذ اليسار
وتصير على كامل الرجل..
ماهذا وماالحل..؟
انا بصراحه خاااااااااايفه جدا لإني ماني عارفه كيف اكمل معها مراحل العلاج..
وماني عارفه ايش معها بالضبط مس ام حسد..؟؟
==
ادري طولت عليكم لكن والله ماتدرون شلون انا جد قلقانه على اختي ومدري ايش اسوي معها..