[ابووخالد]

اسال الله العظيم رب العرش العظيم ان يشفيك

اختي الكريمه . اهلا بك

- اعقلي الموضوع برأسك وطبقيه افتحي القرآن واقري لو بك مس او سحر سوف يظهر اعراضه لان المسحور شبه المجنون والله يكفينا الشر ومايحب القرآن والاذان واالمس كذلك اما العين ذكرها رسول الله صلى الله عليه وسلم (العين تدخل الرجل القبر وتدخل الجمل القدر).
والمقصد تدخل الرجل القبر ان العين يا تموت الواحد او تسبب له مرض عضوي خطير بدون اسباب
وفي عين خفيفه ولكن اعراضها غير الى نعاني منها كلنا .

اما قصتي تجي من قبل سنه ونص كنت مسوي حادث والحمدلله ماصار فيني شي بس اصبت بحالة رعب وخوف وبعدها صرت عادي بس كل ما اسوق السياره ما اسرع واخفف بعدين تأقلمت على الجو .
وبعدها رزقني الله بمولود والحمدلله وكانت زوجتي بأنفاس 40 يوم عند اهلها وانا باول اسبوع تدهورت حالتي الصحيه . اول نوبه جتني كنت سهران وابي انام وحسيت بصداع قوي ودوران ودقات قلبي تزداد وضيق بالتنفس مادري شسوي المهم كلمت واحد من اصدقائي ووداني المستشفى وسويت جميع الفحوصات من الى . وطلعت من المستشفى بنفس اليوم وصارات معاناتي من مستشفى الى مستشفى من دكتور الى دكتور ومن تخصص الى تخصص وكل دكتور يشخص حالتي بكيفه الى يقول غده درقيه والى يقول جيوب انفيه والى يقول قرحه والى يقول قولون عصبي و و و و دخلت بدوامة الدكاتره وعملت فحوصات من جديد وقلت يمكن اعصاب سويت تخطيط اعصاب والحمدلله كل الفحوصات سليمه.
بعدها قالو اخواني يمكن الى فيك فري (الشقيقه) وفعلاً رحت لعجوز تداوي بالطب الشعب وقاست راسي وقالت فيني 6 اصابع وكل هذي اعراض الشقيقه اول شي ارتحت وقعدت اسبوع وانا مرتاح ولكن بعدها رجعت نفس الحاله ورحت لعجوز ثانيه وقالت عندك فري 6 اصابع بعد ورحت لست عجايز بعدهم .

وبعدها قالو ان جايتني عين علشان الحاله جتني يوم رزقني الله بولد وقلت هذا الاكيد لان الحاله صارت لي من اول ماولدت زوجتي وقعدت افكر اني صغير وصدقائي كلهم مارزقو باطفال الى تزوجو قبلي قلت اكيد عين قويه .
وقعدت ارقي نفسي ومن شيخ الى شيخ الى مدت شهرين وكل شيخ يقولي انت فيك عين قويه والثاني يقول انت مسحور والثالث يقول انت فيك مس وو و و و وو

طلعت من دوامة الدكاتره دخلت دوامت الطب الشعبي والعجايز وبعدها دوامت المشايخه وانا مثل تكرمون البهيمه الى تمشي على دون نيه كل ماقالو كذا رحت .

الين جاني والله الله يجزاه خير وكانت فيه الحاله هذي ونفس الى سويته سواه قبلي ونصحني لمدة يومين متواصلين والى هذا اليوم واهو يومياً يتصل فيني ويتطن على حالتي وحسبتها وعقلتها براسي
ان الحاله الى انا فيها هي حاله نفسيه وهي الخوف والاكتئأب .
والخوف صار لي يوم الحادث مع مرور الايام ومع التفكير والسهر اثر على وصارت الحاله

صدقوني وكلامي ان شالله يريح الكثير منكم فكرو باي شي كان يخوفكم بالماضي سواء وانت صغير او غيره لانه الخوف مايبين الا مع مرور السنين ويتجمع ويأثر على هرمون الادريالين مع التفكير .

واى شي تبيون تعرفونه وانا حاظر عيوني لكم لان انا الى افهم حالتكم وتفكون لاتدخلون نفسكم بدوامه مالها نهايه

وللعلم انا رحت العمره وكانت فيني هذي الحاله ويوم رحت انا وزوجتي بالحرم ماقدرت امشي زوجتي قالت اكيد مسحور او فيك مس او جايتك عين وماتعمرت الا بدراجه وقعدت اربع ايام بمكه ماصليت فيها ولا صلاة مع اني ساكن بهيلتون مكه .

الكثير يقول انا شجاع ولا اخاف انا كذلك يا اخوان ماكنت اخاف ولا شي والخوف مو الى ببالكم اني اخاف من رجل يضرني او التفكير السلبي
ولكن الخوف له نوبات تأتي شبة يومياً والنوبه من 30ثانيه الى 30دقيقه وتنتهي وتأتي النوبه بصداع ودوران وتسارع بدقات القلب وضيق بالصدر وارهقاق وعدم التركيز وطنين وزغلله بالعين وتعرق والاحساس بالاغماء

واخر كلامنا الحمدلله رب العالمين