يالي بثوب البخل وارى طروفه
تراه من كامل اللبس عريان
ظاهر لكل الناس عيوبه مكشوفه
وصبح مبين القوم واطي ومنهان
إذ كان اصله زين وناسه معروفه
قالوا حشا والله ماخلف افلان
ويعيش عبد الفلس من كثر خوفه
اذا اصرفه في يوم يبات سهران
ولين حاولك تبرد اصابع اكفوفه
خائف يقول اقرب وتكون عطشان
ولين فارقك فحسن مسرة تشوفه
يضحك مقاصي السن ويكون فرحان
وذا لمسته فحاجتن لك لهوفه
يبدي العذر وشكيلك الحال حزنان
يصبح ابد منبوذ وناسه تعوفه
يصبح خلي الكف من غير خلان
والناس عند موته ماهي محسوفه
لاعاش في الدنيا ولاكان له شان
هذا البخيل الي ذكرته بوصوفه
اذا مانسيت الزود ميكون نقصان