السلام عليكم ورحمه الله وبركاته
انا اعاني من الصرع يجي فجأه وبمقدمات سريعه ...
واللي يحصل لي اثناء الصرع هو ..
صعوبة في التنفس واحساس بالاختناق
احساس غريب في الرأس مثل الدوخه
اشوف كل شي بس بشكل مظلم
افهم الكلام اللي يتوجه لي بس ما اقدر ارد
صراخ وبكاء بدون ما اقدر اسيطر على نفسي
تشنج بالاطراف مع رجفه بكامل الجسم
دايما يحصل والزوج موجود
واذا قرأ المعوذات تروح الاعراض بعد فتره تقريبا ربع الى ثلث ساعه
بس في المره الاخيره قرأ علي آيه الكرسي
فزادت الحاله من صراخ ورجفة واستمرت لمدة ساعه
واثناء القراءه كنت اقول بس وقف حرام عليك .. بموت .. خلاص وقف
بس ماني عارفه اذا هالكلام يصدر مني والا من العارض
وصرخت بعدها بقوة وشد جسمي فوق ورجلي اهتزت بشكل غريب
وطحت من التعب .. وبعدها بدأت اشوف بشكل سليم وصرت طبيعيه
وحسيت براحه .. بس استمرت لدقيقه او ثنتين وبعدها حسيت بالبرد الشديد وتنميل خفيف بالاطراف
ورجفه خفيفه .. حاولت اخفيها عن زوجي عشان ما يقرا علي مره ثانيه
اللي حصل لي هو صرع من الشيطان والا ايش ؟
واذا هو صرع من الشيطان هل هو خرج بالصرع الاخير ورجع ؟
والا هو موجود وما خرج اساسا ؟
والكلام اللي قلته كان غريب وماني فاهمه ليش انا قلته
فهل ممكن يكون العارض هو اللي يتكلم على لساني والا ايش؟
والله انا احترت .. وخايفه اكون اضحك على نفسي .. ويكون الموضوع كله حاله نفسيه
ساعدوني بارك الله فيكم