السلام عليكم ورحمة الله وبركاته
اخواني واحبابي في الله
انا اخوكم في الله (( ن - ح - الحربي ))
ابلغ من العمر 28 عاماً اسكن في مكه المكرمه
واجهتني اعراض في جسمي منها الام في البطن وغازات وعدم الرغبه في الاكل و الم اسفل الظهر وتكسل وغثيان اعزكم الله
صرت ابي اكون لوحدي صرت ما احب اللمات وكثرة الناس ولمن اروح المسجد بالذات في القرات الجهريه
احس الم في البطن ودوخات و تكسل (( يعني حيلي مهدود )) اسجد في الركعه الاولى ما عاد اقدر اقوم من شدة الخمول
المهم وصرت اهرج من راس خشمي بالذات مع امي مع انه مو من طبعي
كنت فلاوي على قولتهم
رحت مستشفيات واجريت فحوصات
الحمد كله سليم ولله الحمد
كل مره اروح للدكتور اقول بطني يا دكتور يقلي يا ابني مافيك شي انت موسوس
المهم كنت جالس ذاك اليوم لوحدي
جاني واحد من الشباب الله يجزاه خير
وقلي وش فيك انت مو طبيعي وعلى فكره الهرجه هذي اسمعها كثير من الشباب كل مره واحد ينط في حلقي
ويقول وش فيك انت مو طبيعي
المهم
قال ياخي روح لشيخ خله يقرا عليك
قلت له أن شاء الله
المهم تركت الهرجه فتره بسيطه
قلت يا ولد وش فيك ماتروح لشيخ جرب منت خسران شي
المهم اصريت على نفسي وروحت لشيخ
جلسني جنبه ومسك كاسه فيها زمزم المهم بدا يقرا القران يقرا وينفث على وينفث في الزمزم
المهم انا عرقت من جنبي الايسر يعني (( يسار القلب ))
المهم
ما كان فيه لا تخبط ولى تشنج ولى شي اللهم ضام يديني في بعض وارفك فيها
المهم
بعد ما خلص الشيخ قال سم بالله واشرب
انا مسكت الكاسه وجلست اناظر فيها مالي نفس اشرب
غير الشيخ جبرني الله يجزاه خير
المهم بعد ما شربت الزمزم حسيت بشوية دوخه مو شديده مره
وغثيان شديد
المهم طلعت من عند الشيخ رحت السياره
وقف الغثيان مشيت شوي بالسياره رجع الغثيان ثاني وصارت عيوني حمراء شديدة الحمره وتدمع بشده كان عندي رغبه بالاستفراغ بس مو راضي يطلع شي
المهم تكررت مع الحاله هذي تقريبا مسافة 4 كيلو وقف الغثيان تماما
وصلت جنب البيت وقفت السياره فكيت الباب على اساس اني بنزل من السياره رجع الغثيان ثاني
المهم استفرغت ونزلت ماده بيضاء اللون ثم رجعت واستفرغت كمان ثاني بنفس اللون
ماده بيضاء غريبه (( للمعلوميه )) تراني مفطر والي مستغربه ما نزل من الاكل شي
يعني الي نزل الماده بيضاء اللون بدون اي اكل
هل هذا سحر وهل تم ابطاله .؟؟
افيدونا بارك الله فيكم
بارك الله فيكم