[صلو على النبي وآله]

بسم الله الرحمن الرحيم


السلام عليكم ورحمة الله وبركاته

انه فتاة عمري 26 سنة من البحرين
غير متزوجه

المهم اللي اعاني منه الخوف والاحلام والكوابيس دايما احلم بالجن وعفاريت واصحى ميته من الخوف

وهذا الحلم وايد وايد يتكرر وطبعا احلم بحيوانات وبالذات الزواحف

واخاف وايد وايد

واللي اخس وادمر ان احس ان بعض الاحيان احد يلمسني

اخر مرة حلمت بهالشي او ماكنت احلم كنت صاحيه وحسيت ان شي يمشي على ريلي ونمت وانه خايفة صحيت من النوم لقت بقعه خضرا على زرقة في ريلي

وبعد استغفر الله ربي اخاف اقرا القران وبالذات سورة البقرة مدري ليش احس ان اذا قريتها بطلعون لي

ووووالحين وانه اكتب لك احس بان والله العظيم احد ماسك في ريلي وفي يدي ورقبتي بقوووة

وكلما احد يجيب سيرة اهل الارض احس بهالشي واحس بصداع في راسي

وطبعا استغفر الله ربي

انه مب متوفقه ولا في شي

لا دراسة قدرت اكملها يعني وصلت الجامعه بس ماقدرت اكمل سبحان الله اوقات الامتحانات لازم اطيح مريضة لازم

ولاشغل مب لاقية ولا تزوجت ولاشي بس الحمدلله على كل حال

بس اهم شي ابيه الخوف يروح مني حتى وصلت لاني ارقد مع الوالده من الخوف وانه مراة شكبري بس شسوي

شنو تشخيصك لحالتي وشنو العلاج المناسب واذا ممكن رقم شيخ يقرا في البحرين


للعلم اني باذن واحد احد بروح الحج ان شاء الله

ارجو مساعدتي بسسسسسسسسسرعه لان تعبت والله تعبت من الخوف وابي اقرا القران ماقدر ارجوكم
ارجوكم

وسامحوني على رداءة الاسلوب لان زين ان قدرت اكتب والله العظيم للحين ماسكين فيني في يدي ورجلي وفي راسي ورقبتي لاحول ولاقوة الا بالله

والحمدلله رب العالمين

واي سؤال انه حاضرة اذا كنت تبي اسمي اسم امي

اي شي

ولكم جزيل الشكر والله يجزيكم كل الخير ان شاء الله



مع السلامه