[حايره]

السلام عليكم ياشيخ
الله يجزاك خير كثر ماتساعدنا وتتعب معانا
.
.
انا بعد مانصحتني بالرقية مابدأت بطريقتك
بدأت بقراءة سورة البقرة يوميا وكنت احس وانا اقراها
اني غصب اغمض عيوني
وفي اليوم الرابع بعد القراءه جلست اسمع قناة الحقيقة
وكنت مغمضة عيوني
ولمل قال اخرج ياشيطان العين
صرت اصيح وابكي واصرخ وانا مغمضه عيوني مااقدر افتحها
وصرت اقول انا فيني شيطان وسبيته
(كنت مقدر اوقف على رجولي ابدا كنت منهاااره اهلي شالوني)
بعدها صاروا اهلي يتكلمون معي وانا اقول باطلع بس شوي شوي علي
(طبعا كل هالكلام اقوله غصب عني اسمع نفسي بس مقدر اتحكم بكلامي)
استمرت لمدة ثلاث ساعات مع العلم ان كل الكلام اللي قلته هو كلامي انا
واتكلم عن كل اللي بخاطري مو كلام غريب عني واتكلم عن القرآن
بكلام زين لكن الغريب اني عند بعض الآيات كنت اعصصصب مدري ليه
خصوصا اذا قرأت آيات العذاب اعصب واقول انا مسكين والله مابيعذبني وراح اتوب
وأسب اللي شغله
مع اني انا اللي أطلبهم يشغلون سورة البقره
بعدها حطت علي عمتي زيت مقري عليه وتكلمت عليها بكلام ماله داعي
وعصبت بعد فتره نمت
اليوم الثاني بعد ما صحيت بساعه رجعت لي الحاله واستمرت
لمدة سبع ساعات وطبعا مقدر اتحرك وماقدرت اصلي المغرب جمعتها مع العشاء
لما صحيت من الحاله
وخلال السبع ساعات كل الكلام كلامي انا وافكاري انا واسمع كل شي ومتذكره
كل شي كنت اقول اني انا اللي مسبب لها الروماتويد
واللي حسدها ولد عمها وبالوقت نفسه كنت ادافع عنه
يعني مثلي بالواقع
(الشي الغريب اللي مدري من وين جبته اني قلت ان عمري14 سنه)
طبعا على لسان الشخص مو انا
هذي المعلومه الوحيده الغريبه
وكنت اتكلم واذا نادوني اهلي باسمي اقول انا مو بنتكم
انا شخص ثاني
جاني شيخ مايعرفني وقالوله اهلي الظاهر فيها مس واعطوه القصه
قال هذا وهم
وقرا علي واخرج ياشيطان في الاخير مافيه فايده
المهم طلع وقال هذا وهم
بعدها جاني الشيخ اللي دائما يقرا علي
كنت وقتها واعيه واعطيته قصتي قال هذا العقل الباطن وانتي مافيك
الا حسد ماعندك مس
قرأ علي وتعبت مررررره ونفث بعيوني مثل النار
تعبت مره مره مره
وقال لو جاتك الحاله مره ثانيه قاومي نفسك
او قال لأهلي يقراون المعوذات وينفثون بعيني لو طالت معي الحاله
بعدها الحمدلله نمت واليوم الثاني اول ماصحيت شربت ماء
مقري عليه ورجعت لي الحاله
لكن اهلي نبهوني وحاولوا فيني ماأستسلم وفعلا قدرت اقاوم
استمر معي الشيخ بالقراءه طلب مني ينفث بعيني
بس رفضت رفض قاطع لأني تعبت مره
وماكنت أتأثر الا بآيات الحسد
خلال هالايام كان يجيني بالحلم
الشي اللي يوجب الغسل(اول مره يصير لي بالحلم)
والله آآآآآآسفه على هالكلام
تكرر علي يومين وماقلت لأحد
وقرا علي اربع أيام متواصله وبآخر يوم ماتاثرت
فقال خلاص انشالله مافيك الا العافية
ومن يومها وانا بخير
صارلي شهر من آخر قراءه
.
.
.
لكن من قبل هالسالفه بشهرين صار يطلع بأفخاذي كدمات
وبعد آخر قراءه صار يطلع بكثره تقريبا كل ثلاث أيام
وشكلها ملفت
وحلمت ان الشيخ اللي يجيني
كان يقرأ علي وبترتيل كأنها آيه (والعاااشقين والعاشقااات)
وكأني تأثرت لما قرأها وقلت إيه أحب نفسي
وكأنه هو مستانس لأنه عرف وش فيني
.
.
.
ياشيخ انا مقتنعه ان اللي فيني وهم وماابي ارجع للشيوخ
لكن هالقصه قلتها لشيخ آخر للرقيه
قال انتي لازلتي مصابه ولازم تراجعين عند احد الشيوخ
الله يجزاك الجنه قول لي وش السالفه
وش اسوي اسمع كلام مين
حتى اني رحت لآخصائيه نفسية وقالت هذي أشياء نفسية
بالله أسمع كلام ميييييين؟
ساعدني
انا من بعد آخر قراءه و3جلسات مع الآخصائية
ونفسيتي مره حلوه ومستانسه ماأحس انو لسى فيني شي
كل مافي الموضوع الكدمات اللي زادت وحلم (العاشقين والعاشقات)
مدري وش سالفتهم
وترى عملت الطريقه اللي قلت عليها لمدة4ايام
.
.
وبس
آآآآسفه على الاطاله الاسلوب اللي ماله داعي وشكرا