[واحه]

السلام عليكم ورحمة الله وبركاته
انا كنت بدخل المنتدى الرائع مجرد زائره اقرأ واكتسب معلومات ومكنتش ابدا متخيله ان هيجى يوم وابقى محتاره كده
انا فى امس الحاجه لمساعدتكم ليا
يارب يجعل تعبكم معانا جميعا فى ميزان حسناتكم
انا اسفه لانى هكتب الموضوع مفصل وفى تفاصيل كتير بين السطور احتمال تفيدكم فى التشخيص

انا متزوجه من9 سنوات
من بعد شهر واحد بس حماتى جت وقعدت معانا فنفس الشقه
مع العلم انها لها اكتر من بيت لكن هى صممت انها تقعد بالتبادل بينى وبين سلفتى ولما كنا نشتكى من سوء معاملتها كانو يجو علينا اوى ويزعقو معانا وكنا نستحمل ونسكت
بعد الجواز ب 6 شهور ربنا من عليا بالحمل لكن مكملش
وبعدها اجهضت 3 مرات تانى
سبحان الله فى الحمل الخامس معالج بالاعشاب قالى ادعى
ادعيه بخصوص الحمل والحفظ وهى ادعية من كتاب الله
وحسيت براحه شديده والحمل اكتمل بفضل الله لكن بصعوبه
ومرت السنين وانا فى مشاكل كتير لغاية لما تركت البيت لغاية لما تقعد فبيتها
وبالفعل قعدوها فى شقتها وهى امام شقتى بنفس الدور
ومن يومها وانا فى مشاكل اكتر ومش طايقه البيت ولا طايقه زوجى وعالطول مريضه اصريت على الطلاق بس جوزى موافقش وماما قالتلى الاطفال ملهمش ذنب ورجعت بيتى تانى
وبصراحه مع انى مش طايقه جوزى كنت بحاول ارضى ربنا على اد مقدر فقلت امسك الاوضه واوضبها واعطرها ابتسم واكون طبيعيه
اليوم دا انا غيرت فرش الاوضه وفرشت ملايه نضيفه وفرشت كوفرته ومفيش فتلة فى الاوضه
فجوزى جه تعبان اليوم دا نام على السرير وساعدته غير هدومه وحماتى جت دخلتاوضة النوم عشان تطمن عليه انا عادى سبتهم ودخلت المطبخ اعمله حاجه سخنهوحماتى مشيت وفات كام ساعه وجوزى فاق شويه
وقالى هدخل اخد دش دخل وانا رتبت السرير تانى ورميت الكوفرته على كل السريروطلع من التواليت ومدد على السرير وانا جنبه بنتكلم فبفرد رجلى تحتالكوفرته حسيت حاجه اتبرمت تحت رجلى
فبشوف ايه دى لاقيتها مجموعه خيوط ومربوطه بطريقه غريبه ومعقده فى بعض
قلتله ايه دى قالى معرفش انا لسه بشوفها دلوقتى قلتله اتشبكت فهدومك يمكنقالى هتتشبك ازاى انا متاكد
المهم انا شيلتها بس قلقتنى وقلت اشوفها لما ينزل تانى يوم الشغل وفعلاتانى يوم مسكتها وببص فيها كويس افتكرت الكارثه ان فى نفس الفتله دى فىاوضة الولاد والفتله دى بقالها بتاع سنتين مشبوكه فى درفة الازاز
كانت تحت السجاده والسجاده لازم احركها عشان افتح الازاز ففيوم حركتهاوفتحت الازاز وانا بقفله الدرفه عصلجت لانها اتحشرت فطرف السجاده فزقتهاجامد لقيت فتلة اتشبكت فيها وحاولت افكها معرفتش سيبتها
اكتر من سنه احاول كل كام يوم اسلك الفتلة من الدرفه مش عارفه كل دا عداعليا شريط فثوانى قمت جريت على الاوضه وقعدت اسمى الله متتقطعش وانا بحاولاسلكها وفعلا الحمد لله سلكتها وفكيتها
لقيتها فتل كتير اوى ومعقده عقد دقيقه وكتير اوى فوق بعض ماما كانت عندى وورتهوملها قالتلى توكلى على الله
متحطيش فى بالك الحاجات دى
قعدت شهر وانا بموت من رجلى وضهرى ومش قادره اتحرك انا كده بقالى فترة بس مستحمله
الوقت دا زاد اوى بقى فوق الاحتمال وبقا كل جسمى روحت للدكتور وكتبلى علاج ومعملش حاجه
القولون مموتنى والانتفاخ مش قادرة ومفيش علاج جايب نتيجه
الدوره الشهرية بقالى سنتين مشفتهاش الا مرة او اتنين وعلى هيئة نقاط خفيفه وقبل السنتين كانت بتتاخر بس اكترها 15 يوم والدكتور قالى انها صدمة من وفاة ابى رحمه الله
لكن الصدمه تخليها سنتين متنزلش

كنت مخنوقه اوى وفى شيخ جارنا انا بستريحله روحتله وقلتله انى تعبانه وقعدت اعيط كتير وحكيتله اللى بحس بيه من امراض وبعدى عن الدين وانى مش طايقه البيت ولاجوزى وانى خايفه اموت ربنا غاضب عليا
وحكيتله على مشاريعى اللى كل حاجه بتثبت نجاحهم بفضل الله عليا ومفيش شهور والاقى المشروع خسر ومفيش اى فلوس مع انه شغال كويس اوى واكره الشغل واصفيه والكلام دا كان فى رمضان وسط الشهر
فقالى دى عين انا هقرالك على ميا ولازم تشربيها كلها من الفطار للسحور وهديقى ادعيه وايات قرأنيه
تتحصنى بيها كل يوم وقالى متزعليش والحسد مذكور وكده للعلم هو مش بياخد اى اجر
تانى يوم قبل ما انزل اجيب منه العلاج افتكرت الفتل والحمد لله ان بعد ما رميتهم فى الزباله حاجه قلقتنى
ففضيت الزباله تانى ودورت عليهم وشيلتهم
وقالى هاتيهم اشوفهم ولما وديتهم قالى دا سحر وانا اكدت ان حماتى هى اللى دخلت الاوضه بتاعت النوم ومتاكده من السحر التانى لكن الاول اللى هو معقد كتير اوى انا مشفتش ولا اخدت بالى انه سحر الا لما شوفت اللى حطتهولى فاوضة النوم هو اكدلى انه فكهم عقدة عقدة وكان بينفث فيهم بسورة الفلق
واعطانى الادعية دى

* أعوذ بكلمات الله التامة منكل شيطان وهامة ومن كل عين لامة( 3 مرات

* بسم الله ارقى مما يؤذى والله يشفى( 3 مرات

* أمنت بالله وكفرتبالجبت والطاغوت واستمسكت بالعروة الوثقى لاانفصام لها والله سميع عليماعوذ بالله السميع العليم من الشيطان الرجيم من همزه ونفخه ونفثه (مره واحده

* اعوذ بعزة الله وقدرته من شر ما اجد واحاذر( 7 مرات

* أعوذ بكلمات الله التامات التيلا يجاوزهن بر ولا فاجر من شر ماينزل من السماء ومايعرج فيها ومن شر ما ذرأ في الأرض وما يخرج منهاومن شر فتن الليل والنهارومن شر طوارق الليل والنهار الا طارقيطرق بخير يارحمن ( مرة واحده

* حسبي الله لاإلهإلا هوعليه توكلت وهو رب العرش العظيم (7 مرات

* اية الكرسى والمعوذتين وقل هو الله احد انفث بيهم فى ايدى وامسح كل جسمى

دا كل اللى قالهولى
مع المواظبه على صلاة الفجر واذكار الصباح والمساء
وانا بشغل الرقيه وسورة البقرة يوم ويوم
انا دلوقتى رجعت تانى وحسه انى مش طايقه جوزى
خايفه يكون العمل اتجدد مع العلم ان ظهرى ورجلى بيوجعونى بس مش بنفس الالم الرهيب اللى كنت بحس بيه
واوقات بلاقى العتبه اللى على باب الشقه اللى بنمسح فيها الاحذية اعزكم الله مرشوشه ميا واكتر من مرة الاحظ انها مبلوله مع العلم انى مش بجيب ميا ابدا ناحيتها
بالله عليكم ما تهملو رسالتى ودلونى على الصح
مع العلم ان الشيخ طلب منى انه يجى البيت عشان يقرا عليا ويرش اركان البيت بماء بالقرآن ولان سلفتى كمان لقيت قماشة ومعقوده اكتر من عقدة وهى اللى فكتها بنفسها بس من غير قرأة قرآن لانها مكنتش تعرف
وزوجى غير مهتم بالمره