[عبق الطبيعه]

بسم الله الرحمن الرحيم

مشكلتي اني من وانا صغيرة الى انا كبرت وانا اشوف الجن ولما اتعوذ واسمي مايروحوا إلا لما اطلع من المكان وارجع مرة ثانيه
وين مااروح معايا حتى لما اسافر اشوفهم

امور كثيرة حدثت معاي وانا صغيرة
ومن كبرت صارو يضروني لما انام احس بنفسهم عند اذني واحس فيهم
دائما معي صداع فضيع حتى بأبر المستشفى مايخف
شعري يتساقط بشكل مو طبيعي

اي حاجه تجرحني احيانا لما اجي اطفي مكبس النور يجرح اصبعي وينزف

اشم روائح غريبه بالبيت
دائما اسمع اصوات
الابواب تتقفل وتنفتح من حالها

في بيتنا دائم مشاكل على اتفه الاسباب
مشاكل الكهرباء اللي ماتنتهي كل شي ينحرق عندنا
الاسلاك تذوب والسخانات تنفجر
المواسير مسدوده على طول ودائما نغيرها ومافي فايده
كل اللي يدخلو بيتنا يتضايقو او يجيهم صداع او الم بالمعده
سكنا كذا بيت ونفس المشكله
هذا اخر بيت سكناه اشتريناه يعني مانقدر نطلع منه امي جاها مرض القلب وابوي الضغط والسكر
اخوي الكبير البهاق والكبد الوبائي واخوي الوسطاني الصرع
واصغر واحد يبكي وهو نايم بعدين يمشي بالبيت ومايحس بحاله ويدخل يكلم نفسة
بدورة المياه
اختي معاها المس العاشق
وكل اللي
يستاجرو عندنا يمرضوا ومن هاذي الامراض(السكر-الذئبه الحمراء-السرطان-جلطة -شلل)


ادنى مشكله تصير عندنا كل اللي حوالينا يسمعو فيها

اذا جيت اطلع من البيت تنمل رجولي وتحرقني اعيوني الين ماتدمع

وللمعلوميه الجن وقفو حالي ونصيبي
انا انخطب من عمر 11 سنه وانا الان دخلت 27 سنه وماتزوجت
والله الذي لا اله الا هو اني انخطبت كثيييييييييييير
واحيان انخطب بالشهر 3 مرات وسويت النظرة الشرعيه مرتين
وكرهتهم كره موطبيعي
دائما ان اللي ارفض واذا وافقت يرفض ابوي او امي
واحيانا نفس الخطاب ارفضهم ويرجعو كذا مرة ولما اوافق يعتذروا


والله تعبت انا محافظة على الاذكار وعلى الصلوات الحمدلله
غرفتي بكل زاويه فيها حرمل وباركان البيت كله
اشطفها من فترة لفترة بالملح الخشن

جبت سي دي فيها الرقيه الشامله ولما وصل القارىء عند سورة الصافات
علق السي دي وخرب
استخدمت خلطة الرومي ماحسيت بأي تغير ماعدا اول يوم حسيت بحرارة خرجت من راسي

تبخرت بالحرمل والقسط الهندي بعد قراءة المعوذات عليه حسيت بضيقه وان نفسي بينقطع

اموري متعطله وماعندي حظ
اداوم على الاستغفار بس ايش بيتغير معي
رحت لشيوخ كثير اللي يقول نفس واللي يقول حسد قديم واللي يقول مافيها شي
واللي يقول قرين

انا من كثر ماافكر بحالي احيان احس اني انسانه تكوينات جسمي من الانس والجن

عندي احساس قوي بكل شي حواليني
مو صدف
حتى اهلي يسئلوني بتحسين اني بنجح /ايش بيصير اليوم
امور كثيرة وتطلع صح

في ناس مااتكلم معاهم بس اجلس قدامهم يجيني شي غريب يخليني اسال هذا الشخص سؤال وانا عارفه اجابته من الداخل ولما اقول مثلا انتي مطلقه او انتي ماكملتي دراستك او اي شي يستغربوا ويطلع كل شي اقوله صح


لما اشوف اي احد مريض واقرا عليه يرتااااح كثير
لما تكون في حريم ماحملو لهم سنين واقولهم ان شالله هالشهر والا هالسنه تحملي تحمل سبحان الله



بس معاي انا لا
واللي بيعطيني علاج مايكون متعب او فيها استحمام


انتظر الرد