[الله يعلم بحالي]

ياريت اللي فاهم في هذي الامور ان يشخص حالتي :

انا انسانه حياتي مو طبيعية انا شايفة كذا اولا انا عصبية جدا اي كلمة ممكن تنرفزني بحب العزله كثير بكره كثرة الناس ما احب احضر الاجتماعات

احب الظلمه كثير لما اجلس في غرفني اطفي النور يعني بموت في الظلمه حتى وانا صاحية بخلي النور طافي

احب دائم اكل لوحدي بعيده عن اهلي كثير ماحب اجلس معاهم

مزاجية كل شوي لي رأي مختلف

اكره الزواج واكره الشباب

حاسه في شي مسيطر علي يتحكم فيني بس والله مو عارفه ايش

احب اجلس مع نفسي كثير واتخيل اشياء كثيرة وهذي الاشياء كلها وهم في وهم وهي ضيعت كل وقتي والله تعبت فاتني الشي الكثير مستقبلي ضااااع حتى دراستي اكرها

احيانا افكر في اشياء غريبه غير سويه بس انا مو كذا بس في الخيال هذا يحدث

بصلي الحمدلله
بصوم الحمدلله
احيانا احب اصلي كثير حتى قيام الليل واحس اني اتقرب اكثر الى ربي
واحب اسبح كثير واستغفر واقول اذكار الصباح والمساء

واحيانا انصدم بخيالات ووساوس تجيني وتخليني اهمل شوي في الذكر ويكون عدم مبالاة بس رغم هذا كله الا اني محافظة على صلاني بس احيانا تفوتني صلاة الفجر
احب اصلي السنن كثير احسها زي الفرض بالنسبه لي
يعني انا الحمد لله في الوقت الحالي قريبه من ربي
بس اكون معاكم صريحة انا في فترة كنت شوي بعيده عن ربي
كنت اسمع اغاني كثير لدرجة اني انام عليها وتجي الساعة 1 و2 و3 و4 حتى الفجر والا غاني شغالة
انا ندمانة من هذا كله وحسيت بالغلط والتقصير تجاه ربي
بس هم بعد فيه شي مسيطر علي او بمعنى مسيطر على عقلي تفكيري كله غلط ووهم ابي اتخلص من هذا الوهم ابي افكر في حياتي ومستقبلي واهلي وكيف ارضي ربي واسعد اهلي واعيش حياة طبيعية والله حاولت ولكن فشلت

ومن بعد كل هذا فكرت اني ادخل على مواقع الرقية الشرعية

وحملت الرقية الشاملة على جهازي

واستمعت لها فكانت صدمة لي طلعت لي اعراض على النحو التالي:

الم قوي في بطني لدرجة حسيت بسكين في بطني
غثيان قوي بدون استفراغ ضيق
ماقدرت اكمل الرقية قفلت على طول لاني تعبت وكان فيه خوف مسيطر علي

حذفت الرقيه هذي وحملت رقية العين على جهازي
فكانت الاعراض على النحو التالي:
اليوم الاول عند استماعي لها كان فيه رمش سريع في العين مع ضيق خفيف جدا

اليوم الثاني عند استماعي لها كان فيه ضيق جدا قوي مع حرارة على الصدر بشكل غير طبيعي مع غثيان لحد الاستفراغ استفرغت وكان الاستفراغ غريب كان شي طلع من فمي غير ارادي وفعلا كان فيه استفراغ والمادة اللي استفرغتها كانت جدا طبيعية بقايا اكل وكان اللون ابيض
بعد الاستفراغ رحت الحمام وتفاجأت بقطرات من الدم جدا قليله بس كنت مصدومه لان الدوره لسه مو وقتها الحين باقي عليها الشي الكثير المهم اختفى هذا الدم ومابقى له اثر
انا قلت في نفسي اكيد اني تشافيت مادام اني استفرغت وكمان فيه دم طلع هذا يعني اني تشافيت بس للاسف تركت الرقية الشرعية
فترة يمكن اسبوع تقريبا

ومن ثم رجعت للرقية العين مره اخرى وكانت الصدمه مره اخرى الاعراض اللي هي رمش العينين مع ضيق خفيف موجود وقفلت الرقيه على طول لاني حاسه الاعراض راح تطلع كلها ماكملت الرقيه لاني خايفة من ايذاء العارض لي لاني سمعت انا العارض قد ينطق او يقتل صاحبه او يسوي اي شي له وبصراحه انا اخاف من هذا الموضوع والموضوع هذا هو اللي مسيطر علي وعلى فكري رقية المس هذي انا اتهرب منها مابغى اسمعها خوف قوي مسيطر علي بمجرد ماشوف رقية المس احاول اني اتجنبها هذي الرقية مستحيل اني اسمعها احس فيه شي يمنعني عنها والله خوف قوي تجاه هذي الرقيه
ابغى اعرف انا ايش فيني بالضبط مس او عين او سحر

ليش اكره رقية المس ؟؟؟

هذا اللي خلاني اشك ان فيني مس

جهازي فيه كل الرقيات الا رقية المس مو موجودة في جهازي لاني اخاف منها

انا مستعده استمع للرقيه واتحمل الضيق والم البطن والغثيان كل هذا بس اللي خايفة منه اني اصيح ويطلع العارض وهنا تطلع اشياء انا بغنى عنها