[أبو البراء]

عليكم السلام ورحمة الله



انا اعلم انك فرحت كثير ان الموضوع بدء يجنح ويلف عن اللي انت هاربه منه............قلت نخرج متعادلين...........ولكن اعلمي انه سيجيء يوم ......تبلى فيه السرائر فكل كلامك هذا تلاقينه ضدك بحول الله وقوته ويشنئك امام الخلائق


النص الأصلي مرسل من قبل مهى
السلام عليكم,

قلتي:
الأخ أبو ماهر, هدانا الله وإياك. ألا تظن أنك تتطاول على من هو أفضل مني ومنك علماً في الدين؟ ثم أن ما ذكرته ليس صحيحاً على الإطلاق, ألا تخاف من القصاص حين تجثو أنت وهو على الأرض أمام الله سبحانه وتعالى يوم القيامة ويأخذ منك حقه على ما افتريته عليه؟

وردي عليك:
تقولين تطاولت على اللي افضل مني....... هل تقصدين نفسك........ انا مااحفظ القران كله ولكن انا اعرف ان الله يقول (ولاتزكوا انفسكم هو اعلم بمن اتقى) وان كان على الدكتور القرضاوي فانا اطالبك ان تجيبي من القران وسنة نبيه اللي يشهد وينتصر للي قاله القرضاوي وانا والله غير اطيعك ووافقك وماحد يرد الحق اذا اشرق الا صاحب هوى.

هات بيانك من خطلات القرضاوي وفي بالك انه كل العلماء بيدخلون الجنة ........ وانا ماعندي علم لكن من يوم وعينا على الدنيا وحنا نكره الكفار وكل اهل الباطل بفطرتنا وماحد علمنا ويوم ان كبرنا لقينا انا تربينا على خير كثير الله يغفر لوالدينا على تعليمهم لنا.

وانت تخوفينا بالله....ونعم بالله ولكن انت كذلك ماتخافين انك تجادلين بدون علم ولافقه وكل اللي من عندك طبع من النترنت وماريت بجعبتك شيء وراي سديد .......من هو اللي يتوجب عليه الخوف من الله ....اللي يخوض بايات الله ويجادل .......وانا ابي اسالك كم تحفظين من كتاب الله وكم تحفظين من سنة نبيه يابنية راجعي نفسك تراك ببلى ماانت متبينته وتوبي من غمز الكرام واصحاب الشهامة من علماء المسلمين ومن الله ورسوله قبلهم......فانت تجحدين من اللي بينه الله ورسوله
-----------------------------------------------------------------------------------------------------------------
قلتي
إن كان هذا رأيكم فيمن يخدم الإسلام والمسلمين وله باع طويل في هذا المجال, فوالله لا يهمني رأيكم في,

وردي:
هو انت بفكرك كل من خدم وعمل لازم ماحد يرد عليه غلطه .........وبعدين هل كل اللي يخدمون .......يطيح بحقهم التوفيق..... يقول الله في قرانه (وجوه يومئذ خاشعة --عاملة ناصبة--تصلى نارا حامية) والناس خوالق منهم من يخدم الهوى ويحمل وزره ووزر من تبعه ....وقصر الكلام ازين ...اللي يخدم ويعمل ويدرك اللي يوافق كتاب الله وسنة نبيه فهو محمود بالسماء قبل الارض وغيره مذموم.

------------------------------------------------------------------------------------------------------------------
قلتي
وإنما يحثني هذا على الاستمرار في النقاش معكم, فإن كان نفسكم طويل وعملتم لأنفسكم عصبة تلتفون حولي ليقول كل منكم "كفي يا امرأة" بهذا الأسلوب, فأنا أعلم أني على حق بإذن الله, ولم أتطاول على أحد, ومعي الله سبحانه وتعالى طالما أني على حق, وأنصحكم باتباع الأسلوب الحسن إن لم يكن الذي هو أحسن إن كنتم تتبعون القرآن والسنّة كما تدّعون.

وردي:
من الصفحات اللي سبقت الكلام بين... وكنه صار جدال....... الشيطان له نصيب وهذا انت تجادلين بحجج ماتدل انك تحملين علم ....وهذا الجدال فيه رياء وجحد للحق .......والشيطان والله رغم قلة حظي من العلم انه دخل عليك من هذا الباب.

وكل اللي تنقلين من البحث بالنت كلنا نعرفه ونقدر نسوي اضعافه.

والناس اذا وقع بينهم أمر وخاصة بالدين وكثر الجدال ............تشوف الناس طرائق واحد ينتصر للحق وهذا اللي يحبه الله ورسوله

وواحد ينتصر لحظ نفسه........وواحد ينتصر لحظ شيطانه......وواحد مايدري لمن ينتصر كل همه يجادل ويناقش

وهذول الثلاثة الاخيرة كلها كبر حظك منها وتركت اللي يحبه الله ورسوله.

وتزعمين ان الله معك...............كبف دريت تعلمين الغيب ان الله معك...........تعلمي مني خير لك.........المؤمن يتبع الكتاب والسنة ويعمل بهم ولايخالفهم ثم يدعو الله القبول وهو على خوف يرد عمله ولايدري الله راضي عنه والا لا ........ولكن يخاف من عقابه ويرجي رحمتة .............دايم العمل وصوابه من الله وغلطه من النفس والشيطان.........وانت تتنصرين بالله وانت تخالفين وتجحدين اياته وتفسرينها بغير معناه اللي نقله الثقات.

----------------------------------------------------------------------------------------------------------------
قلتي:
لقد رأيت من يدعون أن الشيطان قد مسهم, ورأيت أيضاً من الدجالين من يدعي قدرته على فك السحر ومس الشيطان, ومررت بتجربة شخصية أعلم منها أنا هذا كله دجل وحرام, فاتقوا الله فيما تنشرون بين الناس وتخيفون به عباد الله مما ليس له سلطان عليهم, فإن الله ناظر إليكم ويعلم ما في قلوبكم.

وردي عليك:

وغيرك راى اللي رايت واللي مارايت
تقولي رايت من يدعي...... وحنا راينا اللي مايدعي وصادق......
ورايت من الدجالين........وحنا راينا من يتبع كتاب الله وسنة نبيه ومايخالفهم بشيء.....
ومررت بتجربة شخصية.........والله انت طبيت بلسانك وانا قلت من اول وضاق خلقك ....وهذا اللي يحركك هو الشيطان و حوط عليك بكيده وحبائله وصرت تحبين الجدال وتدورين عليه وهذا خويك واصحي له قبل يسنعك وهذا مو مزح ولا استهزاء بك نعوذ بالله من شر ابليس وجنوده.

تقولين تخوفون الناس........وليش نخاف .......حنا مانخاف الا من الله .....وانت في بالك ان الشيطان معدوم وماله اثر.........الشيطان مس نبي الله ايوب عليه السلام بنصب وعذاب ومرضه ببدنه........وعفريت من الجن بيحمل عرش ملكة سبا...........وكان يحضر مع الكفار يعارك ويحارب ضد النبي......وكان يدخل ببعض الناس والنبي يكلمه اخرج......ولا في بالك انه النبي يقول شيء مايقصده والا صار مجنون مثلما قالو عنه (وقالو معلم مجنون) نسال الله السلامه.
واشيطان يحضر كل شيء للناس فيه مصلحة ويوذي الاولاد ويتسلط على ابن آدم في ماله وذريته وفي طعامه وشرابه ويدخل بالبيوت وانا متوكد انه معشش ببيتكم ولكن علشان انتم تنكرونه ماتدرون ان هذا الشيطان ويمكن يسرق بدراهمكم وياكل من طعامكم ......وما تبغينا نخاف من هذا العدو ......والا بعد الله قال وهم ودجل على رايك يوم قال (ان الشيطان لكم عدو فاتخذوه عدوا) وهل الله يبالغ بوصيته لنا ويعلمنا ويحذرنا من عدو مو موجود والا كله وهم ووساوس ....الشيطان يصيب من الكل الا من يعصمه الله فهو يصيب من كل واحد شيء مو ضروري يصيب غيره مثله.....وناظري احوال الناس واحد مبلى بوسواس ...وواحد بشك مثلك....وواحد بذريته......وواحد توطاه وهو يصرعه ويتكلم بلسانه ويقول لاتقرون علي قران والا غير اعذبه ......... وهو المؤمن يقول لاتقرو قران.... هذا مو مؤمن...... ويوم يقول الله (يتخبطه الشيطان من المس) .......تشوفينه كلام مو في مكانه.......والشيطان مايقدر يتخبط احد الا لما يدخل بالبدن وغيرها مايقدر..........لكن يقدر يسوي اذى من بعيد زيه زي البشر.......
وعلشان قل حظك من هذي العلوم تقومين تنكرينه والا لازم تشوفين الشيطان ويجي يعترف قدامك انه المسؤول عن الصرع وتخبط الانسان..........
---------------------------------------------------------------------------------------------------------------------
تقولين:
أتساءل كيف استطعت أن تجزم بأن الشيطان يعرف العلوم والدين أكثر من العلماء, أحقاً هذا؟

هذا من قلة حظك من الفهم والا والله اني بدوي اطرم ....لكن الله بصرني اكثر منك...........يعني في بالك ان الشيطان غبي..........الشيطان شاهد على كل العصور من ابونا ادم وبيبقى الى قيام الساعة...........هذا الشيطان ادرك كل انبياء الله ورسله وراى الحق الذي بين ايديهم....... هل عندك شك انه مايميز الصح من السقم.........الشيطان حاطنا براسه يمرضنا ويضلنا ويشاركنا كل شيء وكل بني ادم لهم حظ ونصيب من فتنة الشيطان......

انت ماتقرين القران........في غزوة من غزوات النبي صلى الله عليه وسلم صاب الناس شر عظيم واللي اصابهم به الشيطان وهزم جيش المسلمين من عمله واحدة من الشيطان.....وعساهم عوام الناس........بل كانو صحابة رسول الله خير خلق الله.....عرفتى وش هذى البلوى اللي لبسها عليهم........انها العجب...

النبي كان يعلم الناس ان الشيطان يئس ان يشرك به الناس بجزيرة العرب ولكن التحريش بينكم........الحسد اللي بين العلماء والعداوة اللي تحصل بينهم مو من الشيطان.......... العجب اللي يصبهم مو من الشيطان..........التلبيس عليهم في الفتوى مو من الشيطان.........وانت لازم تجاوبين هل الله استثنى العلماء وعصمهم من الشيطان........لازم تصحين الشيطان كان يجي بشهاب يبي يحرق وجه النبي في الصلاة....... والا النبي بعد كذاب زي ماقالو(ساحر كذاب) والا اوهام والا يترايا له.......الشيطان يصيب من الكل من صغاير الذنوب وكبارها من العلماء وغيرهم......... وهاتو لنا عالم يقول هذا غلط والشيطان مايصيب منه........والله اصابته من العلماء هلاك وموت.... وهل في خاطرك ان الشيوخ والعلماء اللي يفتون غلط سالمين من الشيطان ............ابد والله ......هذا حظ الشيطان منهم والا كان قالو الله اعلم ........والله اعلم صارت عيب تنقال عند بعض الدكاترة.
--------------------------------------------------------------------------------------------------------------------
تقولي:
ولقد تلبسني وأصبح ينطق على لساني ويقودني إلى الكفر والضياع!! يا سبحان الله

وردي
انت بلوى والله ........هو خويك وصاحبك صحيح مايتكلم على لسانك....... لكن هو اللي يقود هذه الافكار ويلقيها عليك وانت اللي سمحتى له فصار يستخدمك لاغراضه ........................ولازم تعرفي ان الشيطان مايحشر نفسه بالدنيا ومتاعها ولكن يحشر نفسه بالجدال اللي انت تعيننه عليه ويحرضك عليه وحصلك لقمة سهلة وقاعد يفترس فيك.
------------------------------------------------------------------------------------------------------------------
وقلتي:
وبما أن كل العلماء كما تقول في مستوى واحد, فمن قال لك أن ابن تيمية معصوم من الخطأ, أو شيخك الجليل, أم أن كل من يملك من الجرأة ما يكفي ليتهجم على غيره أصبح على صواب وغيره على خطأ؟
ومن أدراك أن أحداً من العلماء لم ينل منزلة ابن تيمية, هل تعلم منازل العباد عند الله؟ أنا لا أنقص من قدر ابن تيمية ولا أعلي من شأن القرضاوي أو غيره, ولكني على الأقل لا أفتري الأباطيل على أحد؟ ومن أين جئت بأن القرضاوي يجيب على كل شئ ولا يقول الله أعلم أبداً, حسبنا الله ونعم الوكيل.

وردي:
انا ماقلت انهم سواء .....شكلك انت اللي ماتفهمين زين وتحرفين بالكلام......
شوفي انا صحيح مو متعلم لكن انا اعرف انه مافيه احد معصوم الا النبي....

واذا كنت تعترفي الكل عندهم خطا وهم مكان خطا .........فانا اسالك هل الشيطان له حظ بخطئهم والا لا..........وهذا جواب على ان الشيطان عالم ويصيب من الكل

انا قلت ان القرضاوي مو قد ابن تيمية وعلشان تتعلمي قليل من قليل العلم مثلي...........هل ابن تيمية غلط بنفس الاغلاط التى غلط فيها القرضاوي.............وهل الالباني وابن باز وابن عثيمين فعلوا مثله................هذول اربعة اللي انا ذكرتهم ليش الاربعة مااختلفو في المسائل هذي وخالفهم القرضاوي وخالف غيرهم من العلماء...........مو كان اجدر بالقرضاوي يقول الله اعلم ولايحمل نفسه في ببلوى عظيمة بالتودد للنصارى والرافضة وفي القران صريحة وفي سنة النبي بعد واضحة وماتحتاج حد يشرحها.

وانت كان شاطرة وعلى قد كلامك فهات ادلة القرضاوي على هذه المسائل وخلينا نناقشها جميع وبعدها يحلها حلال.......
-------------------------------------------------------------------------------------------------------------------

(ومعظم الناس اللي تتبعين رايهم ماهم من مثل هؤلاء الطيبين الثقات)
ومن أين لك أن تحكم بذلك يا أخي؟ من نصبك ميزاناً على الأرض لقاضي السماء؟

ردي:هل يستوي الذين يعلمون والذين لايعلمون...........فيه راسخون بالعلم يمشون بالدليل من كتاب الله وسنة نبيه..........وهات ادلة قومك واعرضيها على الكتاب والسنة وبعدها بتعرفين انهم ثقات والا لا............لازم تتعلمي ان فيه دعاة على ابواب جهنم واول من تسعر النار فيهم بعض حفظة كتاب الله وتعلمي ان القران شاهد لك او عليك.................تعلمي ان الاثم ماحاك في النفس............

ويوم قلت الكلام هذا...معي حق............خذي هذا العملاق ابن تيمية رحمة الله وناظري اللي تعلمو على يديه ابن القيم الجوزية وابن كثير وابن مفلح ويمكن بعد غيرهم بعصره............كل المسلمين بالمشرق والمغرب يتعلمون من كتبهم بالجامعات وكل مراحل الدراسة............ومن القرن السابع الى يومنا هذا والناس يتعلمون من علمهم ومن بركتهم اللي طرحها الله على العباد..................وفوق هذا كله تقولي القرضاوي خدم المسلمين بقطر وكلامه يضاهي ابن تيمية ...........والله هذا كلام مايقوله عادل...........ولايفوه به الا حاقد والا جاهل
-------------------------------------------------------------------------------------------------------------------
قلتي:
(وبعدين انت بتقولين يستهزون بك والله انا مارايت بالاجوبة مثل هذا لكن انت تحبين تحطين راسك بالكبار وخالف تعرف)
ظننتك جئت برأي محايد, وقرأت كل ما ورد, ولكن الواضح غير ذلك, وأعيد وأقول, إن كانوا يستهزئون بالعلماء, فاستهزاؤهم بي مديح.

وردي:

انا مع الحق واحبه واناصره واوقف مع اهله وما احب الشيطان يصيب منى اعوذ بالله من كيده وتحريضه..

وبين عليك تحبين يفخوك............مافيه خلاف يالله ياللي بالمنتى فخوها وانا بفخفخ معاكم.....لأنك تحطين روحك بصف العلماء.......يعني يستهزو بالعلماء وان معاهم....يعني زيهم...........هذا اللي تقوليه من الرياء اللي تلبس عليك ..........والله جهلك بدء يتكشف وانت وشيطانك ماتشعرين

--------------------------------------------------------------------------------------------------------------------
وقلتي:
وهم فعلاً اخترقوا موقعي عن طريق استخدام كلمة السر التي استخدمتها في المنتدى, وقاموا بتغيير موقعي, وعندما قلت ذلك في كتاباتي السابقة لم يقولوا حرفاً واحداً على ذلك, لعلي أفتري ذلك أيضاً!

وردي:
النت اليوم مافيه امن على الكل فلا تبهتين الناس فهذا من عمل الشيطان لأنه سوء ظن وكان خير لك ماتدخلين موضوع مثل هذا بالنقاش...........وبعدين انا ماني شايف عليك شيء تنحسدين عليه.......
--------------------------------------------------------------------------------------------------------------

قلتي:
(أفيقوا هداكم الله, العالم كله يتغير, عالمنا الإسلامي يريد من ينقذه من الخراب الذي حل به, لا من يشده إلى أسفل السافلين!
-----
تقولى افيقو والله هذا شر تدعين له تبغين الناس يخالفون الحق وهو عندك المسلمين لازم يوصلون السحاب ويخترعون وووو........ان كان انت تقرين القران شوفي الله ينهى عن الدنيا وشرها ولايطالب الناس الا بالذي يحتاجونه منها .....وانت تفكرين انه الحق اللي رجع الناس عقب......... والله لا والف لا .هذا بهتان تبغينا نتحرر .......وانت تغمزين وتلمزين بدين الله والله هذا من الشيطان ولكن نقول الله يهديك)
ما أردت بقولي هو حال الأمة المتدهور, وإحاطة الأعداء بنا من كل جانب, بينما نحن نختلف, ونشكك بالعلماء ونختلق ما يفرق بيننا بدلاُ من تظافر جهودنا ضد أعدائنا. ومن قال لك أن الله ينهى عى الدنيا؟ ألسنا مأمورون بالعلم؟ وكيف سنحارب هؤولاء بينما نحن متقوقعون في صوامعنا لا نطلب من الدنيا إلا الكفاية؟ العالم بحاربنا بالأسلحة النووية ونحن نريد من الدنيا الكفاية والقعود. أرجو أن تأخذ من كلامي ما أقول ولا تفسر ما تحب على هواك.

وردي:

الدنيا ملعونة ملعون مافيها الا ذكر الله وماوالاه.....وهذا معنى حديث رسول الله صلى الله عليه وسلم

{اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ** (20) سورة الحديد
تعس عبد الدرهم تعس عبد الدينار تعس عبد الخميصة..............

اللي مسلم حق ينصر اول شيء دينه وبعدين يتعلم وياخذ من الدنيا ويكافح

اذا نصرت الله نصرك على الكيماوي والنووي وغيره

المسلم له كيان وله كتاب وسنة هي الاولى وبعدها علوم الدنيا .......عزائم التوفيق للمسلم مربوطة بدينه.............تعلمى هذا


جزاك الله خيرا ابو البراء وقوى صبرك

أبو ماهر