[مغربية والنعم]

ربي يخليك اختي الغاليه إسلاميه

وبصراحة النقطة انه الخليجية ما تتزوج احد اقل من مستواها
هاذي رفيقة لي كانت رفيقتي ولكن بعدين اختلفنا ولكن بدعي الله ييسر لها امورها ويغفر لها
ولكل المسلمات والمسلمين آمين
شخص اجنبي كان يبي يتقدم لها وهي بالضبط خليجية بس الام من بلد والاب من بلدبس هي اماراتيه اللي دريته للحين انه ماصار هالزواج لانه هالشاب بيكون عراقي سألت ليش ماصار؟ وعلشان هو بيكون مهاجر ولسة اموره ما رتبها فسألت رفيقتي وهي كويتية و ماخذة جنسيه بحرانية سالتها قالت مستحيل عندنا بالخليج بنت عايشة بمستوى تعيش بمستوى اقل
والله مدري اذا هذا بس بعيلتهم بس زين انج وضحتين لي الفكرة علشان انا هذا اللي سمعته
والله اقول النعم فيج انتي اختي وشكرا على ردج يا غاليه
ويالله بدعي لج اختي نورة ولكل البنات الله يستر على الجميع بس ما تنسونا من صالح الدعاء
وخلي لج برنامج مثل ما قلت لج يعني اليوم راح اقرا سورة البقرة راح اقوم الليل بنام على وضوء وبقرا الاستغفار واقرأ الورد بكرة باذن الله بطلع اروح المسجد اتصدق ولو بالقليل
مو شرط فلوس لو طعام لو اي شيء ممكن تدخلين مثلا مواضيع اقرئي وشاركي او اثنين ممكن تصلحين بيناتهم والكلمة الطيبة بعد صدقة امممم حاولي كل يوم تسمعين الرقية الشرعية هي فعلا لا تاثير قوي على نفسية المرء وحاولي كلما يصبح الصبح وبس تقرئين ورد الصباح قولي بداخلك اليوم غير امس اليوم احسن بعد اذا لج احد ما زرتينه من مدة حاولي تزورينه حاولي تروحين لدور الايتام مثلامو شرط تاخذين معج شي واذا تبي وما عندج ممكن تشوفين ثياب ما صرتي تستعملينها وممكن تاخذينها تعطينها للايتام اول شي لج الاجر الكبير وثانيا تتغير نفسيتج كثيررررررر واذا ما تقدرين ممكن لو جارة عندها ايتام تصدقين عليها لو باليسير وكثيررررررررررررر شغلات تدرين لو تكون هالامور بينك وبين الله وبس بتحصلين الاجر عليها كبير جدا لانه من شروط الصدقة حتى تقبل منك ما لازم يتبعها من او اذى تدرين ايام ما كنت اشتغل قبل هالمرات يعني وعندي بيسة قطوات بعد اعطيهم اكل واعتبره صدقة واقسم لك انه حالي تغير كثيررر وللافضل
اذا كنتي ممن يسمعون اغاني حاولي ما تسمعينها لانه فيها اثم والشيطان كان اول من رفع صوته بالغناء انتي ممكن تسمعين اناشيد اسلامية والافضل اللي بدون موسيقى وبعد دوري لج الصحبة الصالحة الصحبة اللي راح تحسين انها بتنفعك بالدنيا والاخرة
وفيه كثير برامج بس انتي غيري وكمان ممكن بعد رمضان ان شاء الله تصومين لج الاثنين والخميس انا ما اسويها بس وعدت نفسي راح ابدأ هذا الشي اشغلي نفسك بشي راح يفيدك بدنياك واخرتك والزوج بيجيك باذن الله وان شاء الله نسمع عنك اخبار حلوه قريب ان شاء الله حسيت انه الرد كان ناقص فيه شغلات حلوة افكر اسويها شوفي مثلا انا بسوي تجارة عبر النت بطيئة شوي ولكن اللي الله ييسر لي فيه احمده عليه واقول بسم الله لو قليل ربي بيطرح فيه البركة ان شاء الله ممكن تسوي مثلي لو من مصروفك مثلا خلي من المبلغ قسط روحي سوق المستعملات اشتري البسة للبيبي والاطفال لو بقطعة اثنين المهم كل مرة حاجة واحنا داخلين على العيد بعد ذلك لو تعرفين محتاجين عطيهم في سبيل الله
وادعي ربي يتقبل شغلة سهلة وحلوة وفيها الاجر يعني حركة وبركة و..و...و... الخ
سهلة صح؟ ولكن الاجر عظيم .. وش رايج؟ وربي يسهل لج بالزوج الصالح والولد الصالح ويستر عليج ان شاء الله
مشكوووره اختي اسلاميه ربي يرزقج من حيث لا تحتسبين ويعطيك كل اللي ناوياه في بالك
من خيري الدنيا والاخرة ان شاء الله