علمت أن رزقي لن يأخذه غيري .. فاطمأن قلبي..
طيب راح احكي عادي وبقول لج شغلة غناتي دامج تفكرين بهذا الاسلوب
صدقيني انج راح تتعبين يعني نفسيتج بتتعب
وصحتك بعد وغير وغير
طيب اقول لج الزمي الاستغفار
ما اروعه!! الاستغفار يفتح الاقفال يشرح البال يصلح الحال
واللي تقول وتعيد خليها تحكي الين تتعب من الكلام
ولما تخلص قولي لها قسمتي ونصيبي جايني قريب ان شاء الله
واعملي بالسياسة التالية
طنش وانتعش ..تعش ..!! هههههههههههههه
وخلي هاذي الاية الكريمة صوب عيونج الحلوة
يقول الله تعالى بكتابه الحكيم
اعوذ بالله من الشيطان الرجيم
بسم الله الرحمن الرحيم
إن الله لايغير ما بقوم حتى يغيروا ما بأنفسهم صدق الله العظيم
الزمي الاستغفار وقراءة سورة البقرة
و قومي الى الصلاة متى سمعتِ النداء
والله عز وجل قال ادعوني استجب لكم
ادعيه قد ما تقدرين وبالحاح بيقامك وبسجودك وعند الاذان وبكل فرصة
ما تفوتينها الا وتستغلينها بالدعاء
وصدقيني لو الله كاتب لج الزواج راح تتزوجين
واذا لسة ما كتب لج فلا تستعجلين رزقتج غناتي و ديري ببالج انه من اسماء الله الحسنى
العدل وهو سبحانه عدل بين جميع خلقه ومستحيل يعطي غيرك وانتي لاء فكوني مؤمنة انه الله بيعطيج رزقتج عاجلا او آجلا ان شاء الله فلا تضايقين من سخافات البعض واللي ما لهم شغلة غير الحكي الفارغ والتجريح والتطنيز قوي ايمانك بالله حاولي تغيرين من نفسك واشغليها ولا تفكرين بكلام الناس اذا تفكرين به صدقيني راح تتعبين نفسيا وتفكيرج راح يقودج لشغلات ثانية يعني ممكن يصير عندج وساوس وغيرها وانتي لسة صغيرة حبيبه
23 سنة ماشاء الله لسة صغيرة وان شاء الله الله بيبعث لج نصيبج
تدرين اني عمري 34 سنة والحمد لله على نعمه الحمد لله وما ازكي نفسي يعني اتوفر على كل المؤهلات اللي تخلي اي احد يبحث عن زوجة ملتزمة ومطيعة تصلي خمسها وتصونه بحضوره وغيابه وتحبه يتقدم لي ولكن الشباب صار تفكيرهم غير فمثلا انتم عندكم المهور غالية واعتقد بعض الشروط ليتم عقد القران بتكون هي سبب لبعض الشباب انه يعزف عن الزواج او امكانياته ما تسمح علشان ما يبي البنت تتبهدل معه علشان اللي اعرفه ببعض الاوساط الخليجي مستحيل انه خليجية تعيش بمستوى اقل من مستوى هي كانت عايشة فيه يا إما نفس المستوى او اكثر
احنا لاء رغم انه مافي مهور غالية وتلاقين البنت مستعدة انها ترتبط برجال وتصبر حتى لو عنده سكن واقسم لك انه اشتغلت معي نساء تشتغل وتصرف على البيت والازواج قاعدة متستتة بالبيوت ههههه وهذا شي ما يفرح اطلاقا الواحد يدورها متوظفة واهلها عندهم الشي الفلاني او يدورها مهاجرة باوربا او بالخارج هالصنفين الاول باللائحة غيرهن اللي ملتزمة ومتدينة او متعلمة صدقيني محدن يبيها ليش طيب؟ علشان الشباب غير عن الشباب امس بيفكروا بالماديات فقط والزواج صار زواج المصالح وبس وانا بصراحة ماحب اتسرع بامر لو يجيني رجال احس انه فعلا رجال لو يشتغل ويكسب قوت يومه ومو عيب المساعدة بس يقول لي لا تشتغلين البنت مالها الا زوجها وعيالها ويعطيني مهري حفظه 60 حزبا اي حافظ لكتاب الله وربي ما ارده علشان بعرف انه هذا فعلا يبي يكون اسرة وهذه هي مصلحته ومعه بكون بامان وبيحافظ علي اما اللي يجي يقول ابيها موظفة وتمسك راتب كذا والله مرة واحد قال لي كم تقبضين بالشهر كراتب؟ وابوكي بيشتغل ايش؟؟ والبيت بيتكم او كراء؟؟
قلت له اللي اكسبه بصرفه على البيت والحمد لله ابوي ما يشتغل مو متقاعد والبيت مو بيتنا واحنا على قد الحال انا جيتك من الاخر هههههههههه هذا يبي يتزوج؟ لاء طبعا داخل على طمع
وعلى ذكر العمر خيتي وكثير بنات كنت اشتغل معهن بالدوام يحاولوا يجرحوني بالكلام واحاول اني ما اتضايق عاد ماتعطيني عمري يعني تعطيني 18 لو 22 سنة موباين عندي 34 ورغم تطنيز وتنغيزات البنات بالشغل احاول ما اضايق قد ماقدر واللي تستغرب وتقول يؤ الحين عندج يومها كان عندي بس 31 يعني احكي لج عن كلام صار من سنتين تقول للحين ما تزوجتين؟ اقول الزواج قسمة ونصيب واضحك وسبحان الله انني من النوع اللي مثل ما تقولين ما اشيل بقلبي شي
ودايما ابتسم واضحك يعني سياستي لا للتكشير والعصبية ههههه و عادي اشتغل شايلة مسؤولية البيت البس اسافر الخ هذه احسها انا نعمة والحمد لله يعني ليش انا اضايق نفسي وافكر بكلام ناس همها وشغلهاالشاغل تلغي وبس وتقول سخافات وكلام فارغ؟شغلها الشاغل هو الناس؟ مو لازم اساسا اني اخذ على كلامهن دام انا مؤمنة كل الايمان انه هاذي الامور كلها بيد الله سبحانه وتعالى الواحدة تعيش حياتها وتؤمن بالقدر خيره وشره صار شي مرحبا به ماصار شي اعرفي انه الله عدل واللي ما حصلتينه بدار الفناء تحصلينه بدار البقاء هذه امور مسلم بها
ولا مثلا تجيني واحدة تقول لي ناري ياختي الله يستر عندج 34 سنة ما تزوجتين؟ فاتك القطار يعني؟ هذا النوع من الكلام هو بيبين لج اصلا مستوى تفكير بعض البنات .. تدرين بايش اجاوبها؟ اقول لها سن الثلاثين سن اهل الجنة الله يجعلنا من اهل الجنة ولوين تغير الكلام؟ شعرج وش تسوين له؟ ابي شعري يصير مثل شعرج يعني ناس حقودة فعلا وحاسدة ويوم التزمت خلا لبست الحجاب ..شووو راح تتزوجين؟ انخطبتي؟ هههههههه والله؟ وراحت سوت اشاعة بالشركة اني راح اتزوج وعرسي شهر 8 وربي حتى جت واحدة رفيقتي تقول اني رفيقتج وماخبرتيني مو عيب عليك؟ واستفسر حتى لقيت اساس الاشاعة هالبنت وعلى شنو طيب؟ يعني اقول لج ناس تحب تحشر حالها بامور الناس وبس ورغم هالشي ماكنت اضايق ولا شي
التزمت وهذا شي خلاني اتقدم خطوة وخطوتين وثلاثة تغيرت حالي للاسوء وحمدت ربي على كل حال قلت هذا ابتلاء من رب العالمين واختبار لي لقيت اخوات لي في الله ولو عن طريق النت او المراسلة قديما علمت ان ربي انعم علي بالصحبة الصالحة وهذه احسها نعمة لما تحصلين صحبة صالحة وحب في الله واخوات تدعي لج بظهر الغيب وتحفزج انك تكملين بطريق الالتزام والالتزام الصحيح صحبة نتعاون على ذكر الله والقيام لدرج انه ورغم التفاوت الزمني بين المغرب والامارات والبحرين وقطر والسعودية انا قبلها ماكنت اصحى للفجر يعني 4 الصبح بتكون هي الساعة 7 لو 8 بباقي دول الخليج لازم اخت منهن تتصل ر نة طويييييييييلة حتى اقطع انا عنها وتعرف اني صحيت هههههههههههه وكمان من المغرب يصحوني وانا اصحي غيري يعني انشغلبهاته الامور اللي هي راح تنفعني بدار الاخرة اما اني اشيل هم الزواج وغيره هذه امور بيد الله صحيح عانيت من مشاكل مدري اسبابها بس خليت لي برنامج بمساعدة بعض الاخوات في الله وتحسنت الاحوال لكن رجع الحال كما هو عليه يمكن اهمالا مني او اخفاقا باي شيء ويمكن لاسباب غيبية ما يعلمها غير الله ولهذا جيت لهذا الموقع
حطيت كل شيء بنفسي احسه كتبته ولقيت صدور رحبة واناس يجزاهم الله عنا كل الخير مستعدين للتضحية باوقاتهم من اجل الحرص على المساعدة فحسيت بشيء من داخلي انني لما جيت لهون هذه نقطة بداية التغيير الجدري بحياتي للافضل وافضل من قبل باذن الله هذا احساسي وصدقيني من شفت كلامج قلت والله ما بطلع الا لما اترك لج كلامي هذا واوصل لج عبره مسج انه الناس ما تنفع ولا تضر خلي اللي يحكي يحكي وانتي خلي ايمانج قوي بالله وبالقدر خيره وشره اذا تبين تغيرين من حياتج فهذا الشي لازم ينطلق من داخلج انتي لازم انتي تكون عندج رغبة بهذا الشي يعني لو تحطين لج برنامج راح ترتاحين اكثر ويمكن الله يبعث لج نصيبج قريب ان شاء الله وحطي ببالج الزواج والموت هم لا يفوت فاجعليه والدنيا اخر همج و لاتضايقين حالج وانا عن نفسي يا نوره راح ادعي لج الله يبعث لج ويرزقج الزوج الصالح والولد الصالح ان شاء الله وربي يستر عليج وعلى كل بنات المسلمين ان شاء الله يارب
سامحي استرسالي بالكلام وربي فرج همك ويرزقج من حيث لا تحتسبين اختي نورة