[غلا..]

السلام عليكم ورحمة الله وبركاته


صراحه مو عارفه ابدا من وين ..لان عائلتنا سالفتها سالفه..


اتمنى تساعدوني...


المشكله كل امورنا متعطله العائله كلها..


الاولاد الله يهديهم مو مداومين على الصلوات ومصاحبين رفقاء سوء..او بالاحرى نادرا مايصلون


واحنا البنات الحمد لله امور ديننا الحمد لله كويسه مداومين عالصلاة وقيام الليل ..واحيان صيام الاثنين والخميس والمداومه على قراءة القران


والوالده ماشاء الله مداومه على صيام الاثنين والخميس والثلاث الايام البيض..


المشكله انه مالنا حظ في شيء والحمد لله على كل حال احس ان احنا غير عن الناس..


اخواني لاوظائف ولادراسه ولاصلاة


واحنا البنات امورنا متعطله مالنا حظ في شيء يعني لو صار موضوع زواج يتفركش...ومشاكل كثيره في العائله لها اول ومالها اخر...استغفر الله احس حالنا ماراح يتغير لومهما صار..


راح تمر الايام والسنين والناس تغيروا الا احنا والله يئست من كل شيء احيان احس ان ربي غضبان علينا استغفر الله


كل شيء مو زابط ..


ومن ناحيه صحتنا الحمد لله..وحده من اخواتي احيان يجيها ارق وماتنام..وانا الحمد لله مااشعر بشيء غير بحراره شديده في الظهر وتعرق اثناء قيام الليل فقط وقراءة سورة البقره وضيق نفس شديد في بعض الأوقات


ودائم احلم بثعابين..كل احلامي ثعابين..


واختي الكبيره متوظفه ماشاء الله وانخطبت بس اعتقد السالفه اتفركشت والحمد لله على كل حال..


وفيه شيء بعد ابوي الله يرحمه ويسكنه فسيح جناته كان هوه وواحد من اخواني الكبار يروحون لخادم يخدمهم لو ضاع شيء ويساعدهم الله يسامحهم وكان ياخذنا واحنا صغار ويقولوا كان يتفل علينا وماادري اش يقرا..


المهم احنا عائلتنا وعائلة اخوي هذا جدا حالتتها سيئه من ناحية كل شيء احيان افكر انه ممكن الخادم كان يسوي شيء عشان كذا امورنا مو كويسه مع العلم انه ابوي واخوي تركوا الخادم واستسمحوا منه ويقولون شكله غضب وسوى شيء للعائلتين


مع العلم ابوي تاب من زمان كان امام مسجد ومداوم عالصلاة وقيام اللليل الله يرحمه ...


اتمنى تساعدوني وتاخذون قصتي بعين الاعتبار لان حالتنا مايعلم بها الا الله ابي احد يقولي ممكن احنا فينا شيء من السحر والمس لان الوضع مو طبيعي


سامحوني عالاطاله


جزاكم الله خيرا