اقولكم عن المفاجأة الي كلنا انصدمنا لما شفناها لما قلتلكم ان من صبح اليوم الثاني وبعد ماراح اخوي يسال العمال عن اصوات الكلاب الي سمعناها واكدوا ان هم بعد اسمعوا شمينا بالصاله ريحة غنم كأن الجاخور بالصالة وبعد عزكم اللة كان في بعر اشلون جا بعر الغنم بالصالة وسبحان الله بشكل متسلسل يعني كأن القطيع عابر الصالة اختي لما شافت هالشي نادت امي وامي قالت قومة سابقينة وحسبي الله ونعم الوكيل سألنا امي من هذا إلي قومة سابقينة ماردت علينا قالت كنسوا الصالة وفي شي بعد ان العمال اكدوا لخوى ان الوالد دق عليهم الغرفة الساعة 12 بالليل مع انه كان مسافر واحنا ماشفناة إلا الساعة 10 الصبح واستغربنا السرعة إلي وصل فيها المهم من هذيج المشكلة انفصلوا والدييني عن بعض واحنا صرنا مع امي لان العيشة عند ابوي مستحيلة المهم بحاول اختصر واذكرلكم النقاط المهمة
1- سبق وان قلتلكم ان تجي فترات الوالد ياخذ اخواني معاه لما يردوا من عنده يقولولنا اشياء غريبة عجيبة منها الريحة الكريهه الي فية .
2- دايما يلبس انعال عكس يعني وحدة غير عن الثانية وكلهم يسار
3-قراءته للقران جدا غريبة عجيبة لدرجة انهم يخافوا يدخلو علية الغرفة وهو يقرا
4-بس يصير المغرب يطفي كل الليتات خواتي يعيشوا رعب ف رعب
الاسئلة للافاضل اصحاب الاختصاص
1الاشيا الي ذكرتها هل هي دليل على ان الوالد ساحر ؟
2 هل صحيح ان السحرة يقدمون قربان للشيطان وهو انهم يضحوا بحد لان كان زوج اختي ملازم للوالد وقبل لايموت بيومين قال لأختي ان وصل الوالد لمكان عشان يتعلم علم القلم مادري سحر القلم شي من هالقبيل ؟(اليوم إلي توفا فية زوج اختي الوالد قال لخواتي ان امس ماجاه النوم وكان يتمشى بين المزارع بسيارتة وكان يغني هذة ليلتي / وبعد كان متعشين سوى هو والمرحوم وقالة والله اني احبك واخاف لو توفيت يقولو اني اكلتك )وبعدهالسالفة ب 5سنوات الوالد تزوج من وحدة اصغر من اصغر بناتة وماتمت معاة هم 5 شهور خلالها انعمت وتصممت واتكسحت وفي اخر ايامها لما كانوا خواتي يزوروها كانت اتقولهم اني اخاف من ابوكم لما يقولولها ليش كان ينربط السانها واخر زيارة لأختي لها وخلال فترة عماها ما كانت اتشوف إلا ابوي فكنا نستغرب وع فكرة قبل لا تموت بأيام عمتي اخت ابوي سألتة عن زوجتة الثانية كان يقول انا بايعها لأهل الارض.يرحمها الله توفت وهي صغيرة .ويرحم زوج اختي واموات المسلمين اجمعين.
3اذا كان صحيح ان الساحر يفدي بشخص هل هناك صفات للشخص هذا؟