نصيحه مهمه جداً
لا تتنقلون بين المواضيع بالمنتديات او المواقع وتبحثون عن مرض واعراضه او اعراض المس او اعراض العين والحسد والسحر وانواعهم لان انتو بهالحاله راح تتدخلون بدوامه مالها نهايه
انا كنت اتنقل من مرض الى مرض واعراضه والغده الدرقيه والانيميا فقر الدم والسكري وضغط الدم والقولون كانت نفس الاعراض بالنسبه للأمراض العضويه
والامراض الروحيه كانت نفس الاعراض
والاعرض هي :
صداع
دوران
ضيق بالتنفس
تزايد دقات القلب
تنميل بالجسم
شرود ذهني
نسيان
عوار بالمعده
عوار بالظهر والاكتاف
قلة الشهيه ونقص الوزن
الخوف الشديد
الارق او كثرة النوم
الخمول والكسل
طنين الاذن
زغلله بالعين وعدم التركيز
الجلوس منفردأ
الاحساس ان في حركه داخل الجسم
ومرات غازات بالمعده
كثرة الاسهال وانتم بكرامه
قلة النظافه
الاهمال بالاسره والشغل
عدم الرغبه بسماع الاخرين
قلة الكلام
الكوابيس والاحلام المزعجه
ضيق بعد العصر لي صلاة العشا والاكثر يقول انا مسحور او فيني مس وصدقوني ترتاحون وقت الليل لي صلاة الفجر.
وانا من الناس الى كنت ارتاح الساعه 10 باليل لي صلاة الفجر وماكان ودي انام لان افكر ببكره اذا قعدت راح تجيني نفس الحاله ومرات اطلب الموت لاني مليت واقول مافي احد نفس حالتي
صدقوني في ملايين نفس الحاله منهم من تدهور والاكثر تحسنت حالتهم لان هذي عابره نفسيه
وكل ماتجيك الحاله اذكر الله كثيراً وقول انا لله وان اليه راجعون والحمدلله على كل شي هذا بلاء من الله فاصبر واحتسب الاجر .
وصدقوني الشفاء مو بيد الرقيه ولا بيد احد لان الرقيه في ناس تقراها بنية الشفاء وبعدها يرجعون على ماكانو عليه الشفاء الوحيد بإيد الله سبحانه وتعالى واسف على الكلام ممكن الكثير يختلف معاى بهذي النقطه.
لان في ناس تطيح بظروف ومرض وماتوكلت على الله والدليل يرحون من راقي الا راقي ويبي الشفاء بنفس اليوم علبالهم بروحتهم للراقي راح يطلع من جديد مافيه شي
توكلو على الله اولا وبعدين عليكم بالرقيه والاحتساب بالاجر