السلام عليكم ورحمة الله وبركاتة
باختصار
بقولك يا شيخ شو قصة بنتي من اول ما جتها التشنجات لما جاتها كان عمرها 5 شهور ونصف تقريبا ولما جتها كانت عينها مرتفعة لفوق يعني تطالع فوق واياديها الثنتين ذابلات وارجلها بعد يعني كأنه مغمى عليها وكانت اتزبد يعني اطلع لعاب من حلقها وكانت في هذاك الوقت مرتفعه حرارتها وديتها المستشفى المغرب تقريبا ونومها في المستشفى وبعدين رجعت لها الحالة الساعه اربع الفجر بس ما كانت تطالع لفوق كانت تطالع لجهة اليمين وتتشنج تشنج جزئي يعني ايدها ورجلها اليمين وبعدين طبعا سوولها التحاليل الطبية وقالي الدكتور انها فيها صرع وعطاها دواء علشان توقف التشنجات وعطيتها الدواء لين صار عمرها سنة وبعدين الدكتور غير الدواء وعطاها دواء ثاني واستمرت عليه تقريبا كم من شهر وردت لها التشنجات تقريبا كل شهر تتشنج مرة او مرتين بعدين انا وديتها عند مشايخ علشان يقرؤوا عليها القرآن وكان معظم المشايخ يقولون لي انها بنتك ما فيها صرع ممكن فيها( ام الصبيان ) ومااعرف اذا تعرفها يقولون انه تدخل في الطفل وهذي جنية تمرض الطفل بس معظم المشايخ يقولون انها مو متلبسه في جسمها بس تتعبها تمرضها وتطلع منها لان لما يقرأ عليها الشيخ بنتي ما تعمل شي يعني مثل بعض الناس لما تتلبس اجسامهم الجن يصارخون ويرفسون...الحمدلله ..وللعلم انا ما اروح حق مشايخ مشعوذيين ولما يقولون لي انها فيها ام الصبيان من خبرة من الناس اللي كانوايقرون عليهم ومعظمهم ما كانوا يقولون لي شي بس يقولون صبري وارقيها بس يأكدون انه علاجه مو بالمستشفى لأنهم ما عالمين الغيب المهم انا سويت لها تخطيط مخ للدماغ 3 مرات مرتين طلع زين ومره ما كانوا متأكدين منه وسويت الرنين المغناطيسي علشان قالوا بنتي راسها صغير وللعلم بعد هي جسمها صغير وطلع كل اشعاتها زينه كل دكاترة جراحة الاعصاب اللي في الدولة قالوا بنتك جسمها صغير وراسها صغير متناسق وطمنوني وقالوا لا تخافي وللعلم هذيلا دكاتره كنديين عندنا في الامارات وصار لها الحين من 3 شهور تقريبا يعني من نص شهر 5 و6 و7 كانت وايد تتشنج من نص شهر 5 كانت اسبوع زينه واسبوع تتشنج مرة وحدة بعدين ف شهر 6 كانت تقريبا في اليوم 4 مرات واكثر ومرات يوم ترك يوم ولين الحين وطبعا مصاحب امراض مرات امساك حاد ومرات اسهال ومرات ترجيع ومرات بدون مرض لين نصف شهر سبعة الدكتور عطاها دواء ثاني وعبارة عن حبوب نص حبة الصبح ونص حبة بالليل مع الدواء الشراب اللي تاخذه من قبل 6 مل وبعد الصبح وبالليل واسم دواء الحبوب (topamax) والشراب (tegretol) وبعد اسبوعين من خذت الدواء الجديد ردت مرة ثانية تشنج ... شو اسوي ....والصراحة لما كنت اقرأ عليها القرآن كانت عينها تتحرك وتحاول ترجع مكانها وأظل اقرا عليها الرقية الشرعية لين يفكها التشنج بس الحين لما زادت التشنجات عليها في الاشهر السابقة بالاربع مرات في اليوم واكثر صرت اخاف مباشرة احطيلها دواء التشنج اللي يتحطى في الشرج وهو عبارة عن منوم او مخدر وانا صراحة تعبت وخايفة على بنتي من هالادوية ...
نسيت اقولك انها الحين عمره سنه 9 شهور ...ولدت تاريخ 31/10/2006
وبعد للعلم انا اقرا عليها مرتين في اليوم وهي علاج الصرع بالقرآن الشيخ قالي عنها وسبحتها بماي مقروء فيه قرآن وملح تقريبا 3 شهور.والحين لما احاول اسبحها بالماي تمرض ومااكمل العلاج وانومها في المستشفى وارد مرة ثانية اكمل سبوحها بالماي والقرآن والملح وترجع تمرض لين وقفت السبوح...
وهذي حالتها.
ممكن تقولون لي شو العلاج واذا في علاج بالاعشاب زين وشفى وايد ناس منه ..
ابي حد يشاركني بعد اذا احد عنده نفس حالة بنتي