[أبو تركي]

السلام عليكم ورحمة الله
اخوي hareth81
كيف حالك يالغلا .. ان شاء الله تمام

بالنسبه لكيف تسوي منتدى .. هذي السالفه سهله ..
أول شي الخطه .. وهذي راح تسهل عليك شي
لازم ترسم مشروعك تمام عشان ماتتعب بعدين

وطريقة عمل منتدى او موقع

اولا .. اختار اسم نطاق لموقعك .. الي هو www.sitename.com
sitename الي هي الموقع وتقدر تختار مابين com & net & org والكثير
وسعر حجز النطاق عند كل الشركات 50 ريال ..
الا اذا انت عندك ماستر كارد او فيزا كارد تقدر تحجزه انت بنفسك
بقيمة 36 او 37 ريال ..

وثانيا تروح تدور احدى شركات الاستضافه وتطلب منهم حجز النطاق وتوفير مساحه تختارها انت من بين العروض الي هم حاطينها ..
وكبدايه ... خذ بالكثير مساحه بقدر 350 ميغا .. تطلع بمبلغ بسيط سنوياً

بعد كذا اكيد راح توصلك معلومات الموقع على ايميلك ..
تقدر الحين ترفع نسخة المنتدى وتنصبها على الموقع بسهوله
وطبعا مو المنتدى وبس .. اكيد راح تسوي الصفحه الرئيسيه والفرعيه وكل شي تبيه يكون في موقعك ..

لكن الاهم من هذا .. انت سويت موقع وجهزته وصار الحين موقع متكامل ..
1 - زوار الموقع وينهم ؟؟
2 - نشاط الموقع ماهو ؟
3 - هل الموقع هذا بيعود عليك بالخير والمنفعه والاجر ولا بيعود عليك بالاثم والشر .. **
4 - هل تستطيع إدارة الموقع ومتابعته بشكل يومي ؟؟ عالاقل ساعتين أو ساعه يوميا ..

كل هذي لازم تنتبه لها والاكثر منها ..
فلا تخطي خطوه قبل ماتكون متأكد من نجاحها ..
ومشي نفسك على اللي انت تبيه مو تخلي نفسك تمشيك على هواها ..

وفي الاخير اخوي اتمنى لك كل خير والله يوفقك لكل مافيه الخير

وعلى فكره .. أنا صاحب شركة استضافه .. يعني تقدر تسألني عن اي شي تبيه يخص المواقع
والكمبيوتر بعد .. الحمدلله وفضل منه عندي خبره كبيره .. ولاخير في كاتم العلم ..
لذلك إسأل عن مابدا لك في عالم الكمبيوتر

جزاكم الله خيرا
والسلام عليكم ورحمة الله