السلام عليكم ورحمة الله وبركاته ..
سؤال لأخي الكريم طلعت .. بخصوص الرقيه
مكتوب في الصباح وانا ما اريد افطر ..
ما في حل ثاني ..؟؟
وبالنسبه للحليب المبستر .. ما عندنا بقر
!!
عادي حليب المراعي ولا النيدو . .
وبسخنه ان شاء الله ..
...............
وفي شي تذكرته بخصوص العين والحسد ...
انا طالبه ما احب مراجعة الدروس وعمري ما اجتهدت
بضمير في المذاكره ..كنت اعتمد على الذاكره والثقافه العامه وصديقاتي كلهم يعرفن هالشي
والكل كان يغره مظهري وكلامي وانا في الاصل مهمله
ولا اعرف شي غير الفلسفة الزايده ..!!
المهم .. كنت احصل درجات عاليه وبدون تعب
وانا الهبله كنت فرحانه بهالشي و لما حد يسألني اقول بالحظ .. والحين تذكرت
لما نصحتني صديقتي اني ما اخبر حد ولكن بعد
فوات الاوان ...
هذا كان في الثنويه العامه لما كان عمري 17 بدأ معاي الصداع
تدريجياً .وفقدان التركيز والنسيان ..
هذا والله اعلم ..
الصداع شديد وفظيع وانا اكتب بيد واحده لان يدي
الثانيه على راسي ..!!
... اللهم انا لا نسألك رد القضاء انما اللطف فيه ..
... اللهم اشتد الضر ونفذ الصبر وانت المستعان ...
... اللهم اني اعوذ بك من كل عرق نعار ومن شر حر النار ...
اللهم اميـــــــــــــــــــــــــــــــــــــن
وصلى اللهم على سيدنا محمد وعلى اله وصحبه اجمعين