|
ثلاث ابيات تعبر عن قصيده للشاعر الكبير ( رشيد الزلامي )
السلام عليكم ورحمة الله وبركاته احب ان انقل لكم هذه الابيات الثلاث وهي للشاعر الكبير ( رشيد الزلامي ) حيث تمتاز بقوة المعنى على انها ثلاث ابيات وتعبر عن قصيده كامله. ياصاحبي درب العلا عسر بالحيل *** ودونه مسافه جرهديـه وجـردى وقدمك لعكفان الشوارب مداهيـل *** قطّاعة الفرجه على كـل سـردى وإن كان ما تقدر دروب الرياجيل *** عوّد وتلقى واحدٍ منك واردى |
بارك الله فيــــك مديــرنا الفاضــل أبــوسنـــــــد
|
اقتباس:
وفيك بارك أختي الكريمة الغردينيا وجزاك الله خير على المرور والمشاركه |
شكرا اخي ابو سند وحياك الله
الفاظ كثيرة لم افهمها لو ما فيها غلبة يعني زاد عندي الفضول لمعرفة معانيها ممكن شرح موجز لو تفضلت ؟ وزادك الله فضلا |
اقتباس:
السلام عليكم ورحمة الله وبركاته أبشري يا أختي الكريمه فاديا ياصاحبي درب العلا عسر بالحيل يعني - درب المراجل مو اي رجل يقدره ودونه مسافه جرهديـه وجـردى يعني - وقبله مسافه جرهديه يعني الطريق الصعب والطويل والجردى المنبسطه وقدمك لعكفان الشوارب مداهيـل قدمك = قدامك عكفان الشوارب يعني - شارب منعكف يعني شارب ملتويَ = كنايه للرجال الاشداء مداهيل = مكان يترددون عليه دائماً قطاعة الفرجه = تقطع المسافات والدروب الصعبه قطّاعة الفرجه على كـل سـردى على كل سردى = على كل طريق وإن كان ما تقدر دروب الرياجيل عوّد وتلقى واحدٍ منك واردى وإن كان ما تقدر دروب الرياجيل ارجع وتلقى واحد مثلك واردى اردى ادنا منك بالمرجله ان شاء الله واضح الشرح |
اقتباس:
السلام عليكم ورحمة الله وبركاته أبشري يا أختي الكريمه فاديا ياصاحبي درب العلا عسر بالحيل يعني - درب المراجل مو اي رجل يقدره ودونه مسافه جرهديـه وجـردى يعني - وقبله مسافه جرهديه يعني الطريق الصعب والطويل والجردى المنبسطه وقدمك لعكفان الشوارب مداهيـل قدمك = قدامك عكفان الشوارب يعني - شارب منعكف يعني شارب ملتويَ = كنايه للرجال الاشداء مداهيل = مكان يترددون عليه دائماً قطاعة الفرجه = تقطع المسافات والدروب الصعبه قطّاعة الفرجه على كـل سـردى على كل سردى = على كل طريق وإن كان ما تقدر دروب الرياجيل عوّد وتلقى واحدٍ منك واردى وإن كان ما تقدر دروب الرياجيل ارجع وتلقى واحد مثلك واردى اردى ادنا منك بالمرجله ان شاء الله واضح الشرح |
ما شاء الله
معاني رائعة جدا في الحقيقة يعطيك العافية اخي ابو سند على هذا الشرح المفصل الواضح ابيات في قمة الروعة |
اقتباس:
بس كنت فاهم مقصود الأبيات |
الله يسعدك اخي ابو سند
والله انا شايفة السيد جوجل سبع صنايع ولديه كل المعلومات والاخبار ولكن للأسف ، من نفقدهم من اشخاص لا يستطيع جوجل ان يأتي بهم ! |
إهداااااااء لمـــديرنا الغــــــــــالي بعد ما لاحظت عليه تذوق الشعر واحد من العرب كانو يحبونه الناس وكان رجال راعي سوالف ورجال شاعر ..جاه من صروف الاقدارمرض وتعورت رجله وادودت وفي تلك الايام لم يكن فيه اطباء وقاطعوه الناس ماعاد يجونه خصوصا اصحابه ثم تمثل بهذه القصيده يالله ياللي ترزق الوحـش فالخـلا ون صــــــاد رزقـه فالخـلا قنـعـان والطير في وكره ميسر معيشتـه وعنـد العنايـه طـار بالجنحـان والفلك يجري والعنايـه تقـوده والعـــزم عنـد النـار والــدخـان والحفظ من رب السموات العلى وسبحان مـن لايقهـره سلــطـان ياللي خلقت الحوت والثور والثـرى وما في تخوم الارض شـىءٍ كـان والــروح خالقــها وتعرف مقرها لــها يـــوم فيه تفـــارق الخـــلان ولادري جســدها عند مالك يعذبه وإلا ســـعادة توصــله رضــــوان قال المغني يوم هاضت هواجسه في ليلة مجمـــوعـــة الاحـــــزان العين تدمع والنفـس ضاق بالنحر انادي فــــلان ولالقيــــت أفــــلان اصحابنا عنـــد الحكايـا ميـة نفـر وعند الشـــــدايـد روحـــوا شتـان ولولا الشدايد ما نبي صحبة العرب ولولا الشــــدايد مـا نبـي صـــدقـان ومالي هدف في الصاحب اللي يزورني حيـــاة النفـــوس بدبـــرت الرحمن لوكان بيـــد الرجل يحـي رفيقـه سلــــم الـدواء لا يدفقـه لقـــمـان لي صاحباً كنت احسبه محزم الظهر اشـــوفه ســــوات المدفع الغضبان في خاطري لــو جـــاء علي بليتن نزل منــــزلي في كفـــــة الميزان جاني بعد عشرين ليلة من الشهر بعلم الـــــردى ليت الــردى ماكان عطـــاني علوماً ماتوحيت فيـــها ابـــرد من الماء والعـــذر شدهان خبيل العرب من عند بابي يمرني يخف المشـــي لاتقــــرع الحذيان وانا ماهدمت الطيب بيني وبينه على العهد لاضايق ولاشـــرهان خويي اليا حثت ركابي ركايبه ثنيـــنا رقاب العيـــس بالارسان ثنينا ارقاب العيس تسعين ليلة كما قالوا اللي قاســــــو الازمان وراحت سوالف من مخبرالمستمع حتى الخبـــر هذا بلغ فــــــرقان وسلامتكم |
| الساعة الآن 05:05 PM |
Powered by vBulletin® Copyright ©2000 - 2024, Jelsoft Enterprises Ltd.
By Media Gate - https://mediagatejo.com