منتدى الرقية الشرعية - إجاباتي على ( الأسئلة التشخيصية ) ، فأرجو التوجيه وتشخيص حالتي ؟؟؟

الله يعطيك العافيه ياشيخنا
استخدمت المسك وجبت زيت مقري فيه من عند شيخ بس طريقة الزعفران لسى ماسويتها
بالليل ادهن جسمي بالزيت والمناطق اللي قلت لي عليها ادهنها ادهنها بالمسك بس صرت ماقدر انام الليل اجلس احك جسمي بشكل فضيع لدرجت ان اول يوم احط الزيت والمسك قمت اتحلم احلام غريبه ...... تحلمت انا كنا نايمين وببيت اهلي القديم الحلم غريب بس تحلمت ان فيه شخص غريب دخل الغرفه ومعاه سكينه ويبغى يقتل شخص مين مادري وانا كنت عند رجله واقول الحمد لله انه مانتبه لي ومعاي بالغرفه اشخاص مين مادري هم اخواتي واخواني ولا لا المهم اني قمت وقتلته واليوم الثاني قلت بروح انام عند امي واقول يارب ماتنتبه لي اني نايمه عندها وجاء نفس الشخص وكنت ماسكه سكينه بس تبع الفواكه مجرد تخويف لاني قلت ماراح ينتبه له بالظلام مع ان الغرفه فيها اناره خفيفه وهو معاه سكينه نفس الاولى بس راس السكينه معفوت المهم قمت من النوم واخذت السكينه منه وطعنت مع ظهره بس ماقدرت اغرسها لاني كنت خايفه بس حبيت اعطله ووحده قامت من النوم وشكت في واخذت السكينه مني وقالت انا راح اكمل عليها وانا اترجاها اقول لها لا تعور المهم انا حطيت يديني على اذني وضاغطه عليها عشان ماسمع شي قمت من النوم وانا مرعوبه

نمت تقريبا ساعتين وصحيت وانا جالسه احك بسمي بالذات رجلي ويديني وعلى بالي اني بس غطيت يعني خمس دقايق او اقل بس لما طالعت بالساعه لقيت نفسي نايمه ساعتين ورجعت نمت ونفس الشي
اليوم الثاني نفس الشي اذا دهنت جسمي ورحت ابغى انام اجلس احك زي المجنونه والمصيبه اني اخذ لي غطه وارجع اصحى وتروح مني الحكه اذا قمت وبطلت انام وخرجت من الغرفه بس اذا رجعت ترجع

ابغى توجيه منك ايش اسوي
وربي يعطيك العافيه وينور لك طريقك