مليش غيرك يارب
09-10-2011, 11:10 AM
انا شاب عندى 20 سنه كنت بشرب حشيش و برشام وطبعا سجاير حوالى 3سنين ونصف. وبعدين تعبت مره وانا بشرب حشيش وجالى حالة هبوط جامده واللى كانوا معايا راحوا بيا المستشفى.
وبعدها باسبوع ونصف تعبت جامد وحسيت باختناق وانى بموت رحت تانى يوم لدكتور قاللى اعمل تحاليل وعملتها ورحتله تانى قاللى عندك انيميا وارهاق وطلعلى علاج اخدته 3 مرات حوالى شهر ونصف وبعدين ملقتش تحسن رحت لدكتور تانى شاف التحاليل قاللى انت معندكش انيميا ولا حاجه دول شوية ارهاق وحاول تهدى ومتتعصبش. فى الفتره دى بدأت أخاف وضربات قلبى بقت بتزيد أوى وبدأت أحس انى بموت لما بتزيد قررت اروح لدكتور قلبى وحكتله على اللى انا فيه قاللى دى حالة انسحاب المخدرات من جسمك وطلب منى تحاليل غده وطلعت سليمه وعملت رسم قلب وتحليل دم وكان كله تمام مشيت حوالى 3 شهور على كونكور كور 2.5 وبردو ضربات القلب السريعه لسه موجوده. وعملت جهاز يتابع ضربات القلب لمدة يوم وطلعت النتايج كويسه والقلب سليم مفيهوش حاجه. بس الخوف مسيطر عليا وبيخلى ضربات قلبى تزيد ولما بتزيد بعرق واعصابى بتروح واحس باختناق وان فى حاجه واقفه فى زورى وبحس وقتها انى بموت وبكون خايف جدا. انا دلوقتى عندى ضربات قلب سريعه وبطنى دايما واجعانى وبحس انى هستفرغ واغلب اليوم جسمى بيكون سخن . ودايما خايف وقلقان ومتوتر. دلوقتى من اللى حصلى ده ومن يومها وانا بخاف اخرج لوحدى بخاف اسافر لمكان بعيد او قريب منى حتى بخاف اروح اصلى فى المسجد بخاف اروح مدرستى ودروسى
بقيت بصلى ومش بسيب فرض بس فى البيت وبقرا قران بس مش كل يوم بقول الاذكار يوميا بس بردو حزين وقلقان وخايف على طول
بجد تعبت وحالتى النفسيه وحشه جدا ومبقتش عارف اعمل ايه
أرجو انكم تفيدونى وأعمل ايه وأسف على الاطاله فى الكلام.
وبعدها باسبوع ونصف تعبت جامد وحسيت باختناق وانى بموت رحت تانى يوم لدكتور قاللى اعمل تحاليل وعملتها ورحتله تانى قاللى عندك انيميا وارهاق وطلعلى علاج اخدته 3 مرات حوالى شهر ونصف وبعدين ملقتش تحسن رحت لدكتور تانى شاف التحاليل قاللى انت معندكش انيميا ولا حاجه دول شوية ارهاق وحاول تهدى ومتتعصبش. فى الفتره دى بدأت أخاف وضربات قلبى بقت بتزيد أوى وبدأت أحس انى بموت لما بتزيد قررت اروح لدكتور قلبى وحكتله على اللى انا فيه قاللى دى حالة انسحاب المخدرات من جسمك وطلب منى تحاليل غده وطلعت سليمه وعملت رسم قلب وتحليل دم وكان كله تمام مشيت حوالى 3 شهور على كونكور كور 2.5 وبردو ضربات القلب السريعه لسه موجوده. وعملت جهاز يتابع ضربات القلب لمدة يوم وطلعت النتايج كويسه والقلب سليم مفيهوش حاجه. بس الخوف مسيطر عليا وبيخلى ضربات قلبى تزيد ولما بتزيد بعرق واعصابى بتروح واحس باختناق وان فى حاجه واقفه فى زورى وبحس وقتها انى بموت وبكون خايف جدا. انا دلوقتى عندى ضربات قلب سريعه وبطنى دايما واجعانى وبحس انى هستفرغ واغلب اليوم جسمى بيكون سخن . ودايما خايف وقلقان ومتوتر. دلوقتى من اللى حصلى ده ومن يومها وانا بخاف اخرج لوحدى بخاف اسافر لمكان بعيد او قريب منى حتى بخاف اروح اصلى فى المسجد بخاف اروح مدرستى ودروسى
بقيت بصلى ومش بسيب فرض بس فى البيت وبقرا قران بس مش كل يوم بقول الاذكار يوميا بس بردو حزين وقلقان وخايف على طول
بجد تعبت وحالتى النفسيه وحشه جدا ومبقتش عارف اعمل ايه
أرجو انكم تفيدونى وأعمل ايه وأسف على الاطاله فى الكلام.