أريد حل ارجوكم ساعدوني...

[ملاك الريس]

السلام عليكم ورحمة الله وبركاته
باأكتب قصتي لكم حصلت لي شخصيآآآآآ
كتبت قصتي لأني ادور حل مو لاقيته..

طبعآآ احنا من عائله محافظه بس ماكانوا شديدين يعني عادي مثلآ
الجوال معي من كنت 2 متوسط ولا عمري فكرت اكلم ولد
بدت قصتي من 3 ثانوي
انتقلت من مدرستي لمدرسه بعالم آخر
البنات فيها همهم كم عدد الشباب اللي يكلمونهم
وبصراحه انا تأثرت منهم
صادقت مجموعة بنات وكنت معاهم مرات يحببون لي هالشيء
ومرات افكر بجديه في الموضوع وأبعد عنهم
إلى ان طحـــــــــــــت
صرت اكلم واحد واثنين وثلاثه
واقابل هذا وهذاك
ولا أصلي
ولا همني حاجه
اهم شيء ارجع اليوم الثاني واقول لصحباتي وش صار معي
<<< أدري وش بيجي في بالكم بس والله هذا اللي كان يصير
مشكلتي أهلي يثقون فيني بالحيل
انتقلنا لمرحلة الجامعه طبعآآ نسبتي ماكانت حلوه ماتتجاوز الـ65
واهلي من النوعيه اللي تحب الدراسه ودخلت الجامعه بفلوس
والدراسه مسائي وكانت فله اكبر يووووووووه
بعض الأحيان مااروح الجامعه افلها انا وصديقاتي في الأسواق
طبعآآ من ظمن المحضورات في عايلتنا المملكه والفيصليه
وكنا نروح لها عشان جمع أكبر قدر من ارقام الشباب
لدرجة انوا يعطيني واحد الرقم ويجي الثاني يعطيني الرقم والخبط مابينهم
اقول له توك عطيتني يقول لا ماعطيتك
<< ولا كنت اشيل هم
بعد فتره طويله من هذا الهبال............
أخذت رقم واحد وحبيته ووقفت كل الدنيا عليه صرت مااكلم إلا هو
ولا افكر إلا فيه وما أطلع إلا معه
<< والله ياناس إني ادري إن هالشي غلط بس ماكنت أتعظ
إلى جاء اليوم الكارثه ويوم دخل بيتنا شافوه اخواني
لاتقولون وش صار؟؟
لأن إللي صار ماأقدر أوصفه < كان كابوس - حلم مرعب ولا أسوأ منه
طبعآآ أنتم عارفين أنه ماراح يمر هاليوم بسهوله
بالنسبه له انضرب وياليتني ماعرفته ولا كلمت بيوم من الأيام أي ولد
اما بالنسبه لي وقف ابوي بوجه اخواني ولا قدروا يعملون لي شيء
طبعآآآ وعشان الفضيحه طلعوه من البيت من غير مايبلغون الشرطه
<< كانت حالتي يرثى لها
كان ودي أعرف وش صار عليه
من جد ياعالم كنت أحبه وأموت بترابه
طبعآآ تصادر مني كل شيء جوالي - لابتوبي - خصوصيتي
مر شهر كامل ماادري عنه
وكانت إجازة عيد
الناس تهنوا بالعيد وأنا لا
اول اسبوعين بعد العيد منعوا اهلي علي الروحه للجامعه
ماكنت معارضه لاني استاهل انا عارفه ومتأكده إني غلطانه

سمحوا لي اهلي بالروحه للجامعه بس غيروا السواق القديم
داومت اول اسبوع وأنا قلبي يحترق
ابي اكلمه طبعآ كنت أكلمه من جوالات صديقاتي
وقال لي لا مايصير كذا
وعطيت وحده من صديقاتي فلوس وجابت لي جوال وشريحه
ورجعت أكلمه
ورجعت لي الحياة
وصار يجي يأخذني من الجامعه ويرجعني لأي مكان ويجي السواق
يأخذني ويرجعني للبيت و هالحاله
بعد ترم كامل صارت الدراسه بالصباح
صرت مااروح للجامعه اروح معه للبيت
ياااااااااناس ادري انه حرام بس والله ماكنت اقدر استوعب يومي من دونه
<<< للحين بنت وماصار لي أي شيء وأقسم بالله إنه مافتحني
كل شيء من برا <<< أعذروني ع جرأتي بس هذي حقيقتي

مرت الأيام والشهور
وبيوم من الأيام قال اليوم ماراح نروح للبيت بنروح نتمشى وبنطلع للثمامه
وافقت وانبسطت لأن اهلي من النوعيه اللي الشباب مع اصحابهم
والبنات بالبيت يعني مافيه طلعات إلا بالسنه مره
طلعنا ويوم جلسنا بالثمامه طبت علينا الهيئه
وكانت المصيبه الأكبر
آآآآآآآآآآآآآآآه تعبت وتعبت اهلي وكل شيء صار فيني
لاني ماانضربت بالأولى كانت سهله الثانيه << ابوي كل مرره يوقف بوجه أخواني وأنا أخذله
طبعآ جلست بالهيئه اليوم كله وهم مو راضين إني أكلم أهلي
وحولوني لسجن رعاية الفتيات
الوم الثاني خلوني أكلم أهلي
كلمت امي لانه كان اخف حاجه علي إني أكلمها
وكانت تبكي << ياجماعه والله العظيم والله العظيم والله العظيم
إنها ماكانت تهون علي
بس وش اسوي؟؟
الله بلاني وبلاهم فيني..
طبعآآآ جاء ابوي وأمي وطلعني ابوي بعد ماكشفوا علي وتأكدوا إني بنت
وإنه ماعمل فيني شيء
أمي ماوقفت دموعها وهي داخله علي
ويوم طلعت وركبت السياره قلت الحين ابوي بيذبحني
قلت خلاص راح يمحيني من الوجود
بس ماسواها <<< أقسم لكم بالله إنه ما قال لي ولا كلمه
وصلني للبيت
ودخلت غرفتي وجاتني أمي وتكلمت معي ووعدتها إني مااسوي شيء
وإنه خلااااااااااص إللي شفته بسجن البنات مايتحمله أحد..
وعادي سمحوا لي أهلي أكمل الجامعه عشان مااحد يدري
لانه ماايدري إلا أمي وأبوي
وتعذروا لا أخواني وأخواتي إني عند بنت خالتي ونمت عندها
^^^^^^^^^^^^^
الله لا يحرمني منكم ياابوي وياامي

وصرت اروح للجامعه ومع نفس السواق بس أخذوا مني وعد..
كل هذا ياناس <<< وأنا ما أصلي
كل يوم اقول بااصلي وماادري وش يردني
رجعت للجامعه ورجعوا البنات يزيون لي الشغله
ورجعت أكلمه بس مااطلع معه لاني وعدت أهلي
ومازال الحب بيني وبينه
بعد مامرت الأيام وراح شهر ونص من أعمارنا تقريبآآآآ
كت اعرف إن ميلاده يوم 8 - 2 - 1406
كنت أخطط باأحتفل بعيد ميلاده معه وماامداني تخيلوا::
بيوم /
7 - 2 - 1426 <<< اسوأ تاريخ بحياتي
بعد ماحاولت اتصل واتصل لدرجة إنوا اتصلت ع واحد كنت اعرفه
من قبل وقلت بااعطيك رقم ثابتهم وإسأل عنه كأنك صديقه
قال : طيب
ويوم اتصل عليهم قالوا له محمد مااااااااااااااااااااااااات
صار له حادث بخط الدمام - الرياض ومااااااااااااااااااااااات

ياناااااااااااااس ياعااااااااااااااااالم
ماتت كل مشاعري معه ماتت كل احاسيسي معه
ماتت احلامي مات الحب في قلبي ومات كل شيء فيني ..
ماصدقت طبعآآآ وطلعت من الجامعه مع السواق ورحت لبيتهم
بتقولون وعدي لأهلي ماكنت أفكر في أحد غيره هذيك اللحظه
رحت لهم كان فيه سياراااااااااااااات كثير عند بيتهم عرفت إنه لامفر
من إني اصدق
بس تعرفون كنت اقول لا يمكن واحد من أخوانه ابغى أصبر نفسي
بأأي شيء
كان مفتوح بابهم وكنت ابكي وكنت شايله هم لو سألوني من أنا
دخلت/
وعزيتهم فيه تخيلوا كنت محتاجه أحد يعزيني في حياتي كلها
مرات كثير حاولت أنتحر تعبت من حياتي
وقتها عرفت إنه لازم اصدق ولا محاله من إني اصدق
تركت الجامعه هذاك الترم من دون إعتذار ورسبت في كل المواد
صرت ماأكل وماأشرب وترقدت في المستشفى اسبوع بسبب صدمه عصبيه
ياناس احلم فيه وافكر فيه
احلامي كلها هو كوابيسي كلها هو
الله يرحمك يامحمد ويغفر لك ويتوب علينا أجمعين
اصحى من النوم من الخوف عليه وش صاير معه في القبر..
تعبت ونفسيتي تعبت وكرهت عالمي كله
تدرون ندمت إني عرفته
ياليتني ماحبيته
ياليتني ماعرفته
ياليتني مانقلت من مدرستي
وياليت وياليت وياليت.......................

حاولوا فيني أهلي ارجع للجامعه ورجعت عشانهم
طبعآآ تركت عالم المكالمات وكل مااشوف صديقاتي اتذكره
لدرجة انهم حاولوا يعرفوني ع واحد جديد
ورفضت وأصريت بعد ع الرفض
وحلفت لهم بالله لو فتحتوا لي هذا الموضوع لأترككم كلكم
ولا عاد أجلس معاكم أبد ..
من عام 1426 ماطلعت ولا مع أي شاب ورجعت لي كل الخصوصيه
ورجعت ثقة اهلي وعطوني لاب توبي وجوالي
بس بعد ايش محمد ماااااات والله ماااااات
من استعجل بحرام حرررم عليه الحلالالالال..
انا حرم علي للأبد
مشكلتي الحين وإللي باقي ومازالت
إني مو قادره أنساه ....
ماادري وش فيني ؟؟؟
و الحين مااصلي ودي اني اصلي بس ماادري وش يردني عنها
ولما احط سورة البقره يجيني نوم مو طبيعي
قالوا فيني مس << انا من النوع اللي ماتؤمن بالعين والسحر والمس
بس ماادري
شعري له سنه يطيح بشكل مو طبيعي
وكل مايجي واحد يتقدم يخطبني ماادري وش يرده عني
تقولون نصيب << مو واحد او 2 اكثر بكثير
انا الحمد لله بنت حلوه ومو ناقصني شيء بس ماادري وش السبب
عطتني مره زوجة عمي زيت مقري فيه واستخدمته مره وحده بس
ماقدرت انام من الم في رأسي
صداااااااااااااااع فضيع ماتتخيلونه
ابغى اصلي ابغى اصلي أبغى أقرأ قرآن آآآآآآآآآآآآآآآآآآه تعذبت كثييييييييير
ابغى حل!!!!!!!!؟؟؟؟؟؟؟؟؟؟؟؟
ساعدوووووووووووني...

تهمني أرائكم حتى لو كانت انتقادات...

والله العظيم ان كل كلمه كتبتها صحيحه لكم اجر فيني لو ساعدتوني
لو بنصيحه ..
ودمتم بحب وبخير دائمآآآآ

[لحظة تأمل]

أســـــــــأل الله العزيز العظيم الكريم ,,


يامـــــــــلاك ,,


أن يحفظ لك دينك و دنياك و أهلك ، ،


اللهم آمن روعاتها ،


اللهم احفظها من بين يديها ،


و من خلفها و عن يمينها و عن شمالها ،


و من فوقها و أعوذ بعظمتك ياربنآ إن تغتال من تحتها ,,



غاليتي مــــلاك ,,


أهنئك بالنجاة والحفظ


أهنئك لأن الله أمهــلـــك


أهنئك لأنك عرفتي الصح


أهنئك بأن الله دلك على من يحبك ويدلك للخير والطريق الصحيح بإذنه تعالى


أهنئك بأنك عرفتي حقيقة صديقاتك



أهنئك وأهنئك وأهنئك



عن بداية قراءتي لكلماتك ,,كم كنت أتألم,, وكم وقفت عبراتي ,,


لكن مزجتها بفرحة عندما أنتهيت ,,


لأنني علمت إنك لم تنتهي بنهاية مؤلمــــــــة ومخزية كما دائما نسمعها في مثل هذه القصص



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,


بل ستبدئين يامـــــــــلاك


لآ أخفيك ياملاك إني أستشعر بكل مشاعرك وحزنك على مافقدتيه


أستشعر لا لأني أأيدك ,, لآ ,,وألف لآ


لكن لتعلمي عندما أخبرك بمعنى مشاعرك هذي وحقيقتها,, لا تظني بأننا لانحس بالمشاعر الذي تمرين بها ,,



,,,,,,,,,,,,,,,,,,,,,,,,,,,,,,,,,,,,,,,,



ملاك ,, يتخطفني الكلام ولا أعلم ماذا أقول لك الآن ,,


لكن أسأل الله أن لايفتنك وأن يشفيك ويجعلك قرة عين لوالديك الذي يستحقون كل خيييييييييييييييييير منك أنت بذات,,



,,,,,,,,,,,,,,,,,,,,,,,,,,,,,,,,,,,,,,,,,,,,,



مـــــــلاك ,,



هنا في هذا المنتدى ستجدين بإذن الله من يقف معك من يساندك ستجدين أخوات يحبونك لأنك أختهم ,,



في حفظ الله ,, ولنا عوده بمشيئة الله

[أم مريم.]

أهلاً وسهلاَ بك أختي الكريمة ..

¨°o.O ( ..^ملاك الريس ^.. ) O.o°¨

حللت أهلاً .. ووطئت سهلاً ..
ياهلا بك بين أخواتك ..
ان شاء الله تسمتعي معــانا ..
وتفيدي وتستفيدي معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحيـاك الله
::+:+:+:+::


أسأل الله عز وجل ان يمن عليكِ بالصحه والعافيه
الحمد لله ان من عليك بالهدايه والطريق الصحيح وهذا بلاء واختبار من الله عز وجل لكى ومهله لكى كى تعودى الى رشدك وتتعظين مما حدث
اختاه حاولى بكل ما تملكين الا تتركى الصلاه مهما حدث ... لا تقولى ما اقدر ...... تستطيعى بحول الله وقوته استعينى بالله ولا تعجزى فانت قويه بايمانك بالله عز وجل تستطيعى ان تذهبى هنا وهناك وتستطيعى ان تاكلى وتستطيعى ان تصلى بادرى بالصلاه وسترى ان همك سيزول باذن الله عز وجل

نسال الله ان يمن علينا بعفوه وكرمه ويهدينا الى صراطه المستقيم ويغفر لموتانا وموتى المسلمين

[جنةالفردوس]

لا حول ولا قوة الا بالله العلي العظيم اختي تقدمي بخطوة صح وأول شي وأهم شي حاليا الصلاة الصلاة الصلاة كيف تبغين نساعدك وانت مو مساعدة نفسك الصلاة وبعد الصلاة ابدي شوي شوي تقربي الى رب العالمين وانطرحي بين يديه سبحانه واندمي اندمي على الي سويتيه كله غلط في غلط من البداية واحمدي ربك الي حفظك وما خسرتي نفسك وأهلك اعلنيها التوبة نعم التوبة على كل ما مضى والتوبة طبعا تستوجب ان تنسين الماضي وتندمين عليه الله يكتبلك الهداية اختي ويفرج عنك بس فعلا انت ربك حفظك فاحمديه واشكريه

[ملاك الريس]

لحظة تأمل
كلامك ماااره حلو الله يوفقك دنيا وآخره
ويارب الله يتقبل دعائك ويهديني للخير..

[ملاك الريس]

* أفنـــان*
الله يسمع منك وإن شاء الله راح ارجع لكم وأكتب لكم إحساسي بعد ماصليت
من اليوم راح اعقد النيه وأجاهد نفسي عشان أصلي..
ويارب حقق لي أمنيتي..

[ملاك الريس]

*جنة الفردوس*
دعواتك لي باأن الله يهديني ..

[جنةالفردوس]

الله يهديك ويفرج عنك ويعوضك خيـــــــــــــــــــــــــــــر يارب وتواجدك هنا في هذا المنتدى اشارة خير باذنه تعالى

[ناصر الشريف]

بصراحة عندي كلام كثير ودي اقوله لك
لكن بختصر كلامي بعدة نقاط اتمنى من كل قلبي انك تستفيدي منها

قبل ما ادخل في الموضوع انا ما سجلت في المنتدى إلا عشان ارد على مشكلتك واحاول مساعدتك مع بقية الاعضاء
ولقيت الموضوع بالصدفة بعد ما كنت ابحث عن حل لمشكلة الارق اللي عندي عن طريق google
ندخل بالموضوع :
. اولا وانا اقرى قصتك تألمت كثير وحسيت بألم في قلبي لان اللي ما ارضاه على اخواتي ما ارضاه على بنات الناس اللي اعتبرهم اخواتي ايضا
. احمدي ربك ان عندك اب مثل والدك رجل يفكر بعقله ما يتفاهم باليد
مع اني ما الوم اللي يتفاهم بيده في الحالات هذي لان وقتها لحظة غضب الواحد يكون قلبه مولع على عرضه ومو عارف كيف يطفي النار اللي بقلبه
. اتمنى من كل قلبي انك تبعدي وتثبتي نفسك في الابتعاد عن العلاقات هذي
وقتها فكري في ابوكي وفكري في امك وفكري في اخواتك اللي بينحرق قلبهم لما يعرفو عن علاقة مثل هذي وراح تبقى عالقة في فكرهم وما راح ينسوها طول ما هما احياء
. بالنسبة للمشكلتك مع الصلاة جاهدي نفسك انك تصلي وانصحك في بعض الاوقات تصلي في مسجد كبير وجميل وامامه صوتو جميل ل******ة المكان وبـأذن الله راح تحبي الصلاة

والله يوفقك ويرزقك بولد الحلال اللي يسعدك وينسيكي كل اللحظات المؤلمة في حياتك وتعيشي معاه احلى حياه

[مارينا911]

السلام عليكم..
قصه طويله جدا جدا ومن وجهت نظري ان مشكلتك ماتنطوي فقط على الصلاة والبعد الديني
ولكن ايضا عن التساهل الاسري وعدم الاهتمام من الوالدين قفل الباب للبنت لا يعني بعدها عن الوقوع في الخطأ او الحفاظ عليها تفكير خاطئ ورجعي .. في قصتك لم تذكري لنا ماهو ردت الفعل الثانيه من ابوك؟؟؟؟؟؟مو كل مشكله حلها الحرمان ..هذه مشكلة كثير من البيوت في مجتمعنا هي عدم الثقه في النفس وعدم الصراحه بين الابناء والوالدين خوفا من العقاب والدليل اخفاء ابويك الحقيقه عن اخوانك فهذا دليل عن عدم الصراحه بين افراد الاسرة وضعف مكانت الاب وهو اللى وضع نفسه بهذا الموقف اتمنى تكونى عدلتي من سلوكك ليس الدينى فقط انما سلوكك بصفة عامه يهديك الله ويهدي جميع بنات وابناء المسلمين