المساعد الشخصي الرقمي

مشاهدة النسخة كاملة : صرخة أم في دار العجزه


العنزي
19-07-2007, 11:27 PM
صرخة ام في دار العجزة


وين انت يا محمد امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

محمد يا محمد امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

مع حيات محبكم العنزي

أبوسند
20-07-2007, 03:17 AM
صح السانك وجزاك الله خير على هذي البيات
أسأل الله أن تقع في قلب كل أبن عاق
اللهم أعنا على بر الوالدين

( أم عبد الرحمن )
20-07-2007, 03:39 AM
بارك الله فيكم الشيخ الكريم ( العنزى ) أبيات مؤثرة حقا
نسأل الله أن يرد كل ابن عاق الى بر والديه قبل لاينفع الندم
جزاكم الله خيرا

القصواء
20-07-2007, 09:56 AM
جزاك الله خيرا أخي وأسأل أن لا يحرم الابناء من بر الوالدين ويعينهم على خدمتهم ويتقبل منهم الطاعات .

بوراشد
20-07-2007, 03:00 PM
قطعت نياط قلوبنا .... سامحك الله


ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

سلمت يمينك ،،،

العنزي
20-07-2007, 05:38 PM
ماعليكم زود اسال الله العظيم رب العرش العظيم ان يجعلنا من البارين لولدينا وان يجمعنا ووالدينا ووالديكم في جنات النعيم اللهم 0000000000 آميييين
محبكم في الله الراقي العنزي هاتف 0097339957299 بوسعد