السلام عليكم،،مالقيت مكان اشكي فيه بعد الله سبحانه الا عندكم واتمنى القى جواب لمشكلتي،،
انا كنت انسانه مرحه ومتفائله والناس تحبني ويحبون شخصيتي واحب انكت واضحك مع الناس وفجأه مادري شو صارلي ابكي بدون سبب وافكر وايد اتكلم مع نفسي اكره الناس ماحب اروح المناسبات الاجتماعيه اكره كل شي قدامي وامل من كل شي اسويه دايما وحتى صرت ما اقدر افكر ولا اقدر اجمع افكاري عشان ارد على الشخص دايما اقعد بين الناس وانا ساكته ما اعرف اتكلم او اقول كلمتين على بعضهم صح واذا اريد اشرد من مشكله اسرح في خيالاتي وابكي فيها وافرح فيها صارت الخيالات ملجأي وانام وايد حتى اذا قمت من النوم اكون تعبانه واحيانا اكمل نوم وطول وقتي نايمه اوتعبانه صرت انسانه مكتأبه واحس بضيقه وانا نايمه ماقدر انام وانا مرتاحه حتى احيانا ودي اصرخ احس شي كاتم على صدري والحين ما افكر الا كيف اموت،،
دايما مشاكل في بيتنا وابوي وامي مافي يوم يتصالحون دايما مشاكل واخوي مريض نفسي وتعب ابوي من علاجه والحين ما يعيش الا بالادويه النفسيه وماريد يصير فيني مثل اخوي الله يشفيه الي شوفناه فيه مب شوي،،
مادري ليش احس في شي في بيتنا مب طبيعي يعني سحر،،لأن اخواني كلهم يشوفون كوابيس ويبكون ودايما متضايقين ويكرهون شغلهم او الدراسه ومب متوفقين في الزواج،، مافي استقرار ابدا،،حتى احيانا اقول متى بنفتك من هذا البيت الكئيب،،
هذي هي مشكلتي واتمنى تردون علي
ويزاكم الله خير
أنا كنت إنسانه مرحة ومتفائلة ، والناس يحبون شخصيتي وأحب انكت ثم انقلب كل شيء ؟؟؟
لموقع ومنتدى الرقية الشرعية - مؤلف ( الموسوعة الشرعية في علم الرقى ) 
