عرض مشاركة واحدة
New Page 2
 
 

قديم 19-10-2009, 07:26 PM   #1
معلومات العضو
يعقوب81

Question الرجاء المساعدة في بتشخيص حالتي ، فقصتي طويلة وأحتاج منكم التوجيه ؟؟؟

السلام عليكم

منذ مايقارب 9 سنوات كنت جالس وحسيت كأن ساقي(اليسرى) شنجت لمدة تقريبا دقيقه مع خفقان القلب.
بعدها صرت احس بوجع بسيط بساقي .وصار يجيني وسواس وخوف انو رجلي فيها مرض خبيث. رحت للدكتور قال مافي شي .بعدها بكم يوم صابني تسرع بالقلب مع خوف وقلق وتوتروضيق بالصدروكثرة تبول وصار شعري يتساقط بس بشكل خفيف( كنت مفكره من العلاج اللي وصفه الدكتور لي),, وصرت اخاف من أي مرض بسيط .طبعا انا كنت بهذه الفتره ادرس ثانوي( انا خلصت ثالث اعدادي ثم تركت الدراسه لمدة ثلاث سنين ثم دخلت ثالث ثانوي مباشرتا وكنت الحمدلله فهمان كثير ومستواي جيد جدا وكان هذي الشي يلفت انتباه الناس).بعدها صابني اكتئاب مع توتر وقلق وعدم الثقه بالنفس وعدم تركيزوعدم قدره على الدراسه والحفظ.وصار هذا الشي يؤثر على دراستي بشكل كبير.رسبت بثالث ثانوي ثم عدت السنه وحصلت على مجموع قليل ثم عدت مره ثالثه وحصلت على مجموع قليل ومااستفدت شي.والله مو قللت فهم .الحمدلله والله عندي ذكاء وكنت دايما من المتفوقين بأي مجال.لكن والله كل هذا الشي بسبب التوتر والقلق وقلت التركيز*والله كنت خلال السنوات الدراسيه امسك الكتاب عشان ادرس لكن لااستطيع احس شي يتحكم فيني, اصير ابكي لاني قاعد اضيع وقتي من غير دراسه خصوصا انوالسنه اللي قاعد ادرسها حاسمه وراح تحدد اختصاصي الجامعي,ماكنت ادرس, بس اخر السنه اجبر نفسي ايام الامتحانات على الدراسه لكن المنهاج كان كبير وصعب وماكنت اقدر اخلص عشان كذا بالسنه الاولى رسبت والسنتين الثانيين لمن عدت الثالث الثانوي جمعت مجموع قليل*.وخلال دراستي للثانوي اصبت بوسواس قهري بالعبادات *بالوضوء- والصلاة-وغيرها* وصرت احس بثقل مو طبيعي عند اداء الصلاه-ورحت لدكتور نفسي عصبي وعمللي تخطيط دماغ وقال مافيك شي بس نفسيتك تعبانه وانك حساس جدا ,واعطاني علاج اخذته لمدة شهرين وتركته. طبعا حاولت انو ابعد الاعراض بقراءة القران والصلاه والاعمال الصالحه لكن كنت احس بنفور من القراءن وثقل بأداء الصلاة بوقتها هذا الشي طبعا خلاني ابعد عن القران, بس اصلي الصلوات حتى مو بوقتها@ ودخلت بدوامه من الخوف والقلق والاكتئاب وعدم الثقه بالنفس وسهر طول الليل وارق, ونوم بالنهار,والبكاء بسبب ومن غير سبب.

سافرت لدوله عربيه للدراسه الجامعيه وهناك رحت لدكتور نفسي وعطاني علاج عشان اكتئاب وتوتر استمريت عليه اشهر تحسنت شوي بعدين تركته اشهر ثم رجعت عليه ثم تركته ومارجعت عليه مره ثانيه.وفضلت خلال فترة دراستي اعاني من هذي الاعراض لكن الحمدلله استطعت ان اتخرج بدرجه جيده *يعني قلت خلاص بتأقلم مع هذي الاعراض بحيث انو ماتأثر على دراستي ,لانو خفت افشل*والله ماكان الدافع حب النجاح لانو ماظل للنجاح والفرحه عندي طعمه,وحتى لمن كنت اتفوق كل سنه ماكنت افرح يعني عادي لكن اهم شي كان عندي ماارسب وافشل ويزيد عندي عامل التوتر والقلق*.

بعد ماتخرجت فضلت سنتين ماقدرت اشتغل او اعمل أي شي بسبب حالتي,بعدين صرت ادخل مواقع رقيه شرعيه وعرفت انو الحل قرات القران والصلاة على وقتها واذكار الصباح والمساء وبدأت اطبقها*لكني صرت احس بضيق عند قراءة القراأن واداء العبادات*مثلا عندما اقرأ القران احس بضيقة بالصدر وعصبيه ليس شرط خلال قراءت القران فمثلا احيانا اقرا القران بالنهار وهذي الاعراض احس فيها بالليل.لكني استمريت على هذا الشي يعني مو مثل كل مره بس يصيبني نفور اتراجع, قلت خلاص بستمر.فضلت على هذي الحاله تقريبا اربع شهور(هذي الشي طبعا بعد التسع سنين )
لكن بدء التوتر والقلق يزول بشكل بسيط , كل يوم احس بتحسن اكثر من اللي قبله يعني لمن شفت نفسي اتحسن شوي شوي عرفت انو هذي الاسباب اللي تخلصني من المرض باذن الله .وصرت استخدم خلطه رومي واغتسل بيها واحيانا ماء مقروء عليه وسدر مطحون وزيت زيتون مقروء عليه ادهن بيه قبل النوم وعند الاستيقاظ (بشكل غير نظامي) وصرت استعيد صحتي وتركيزي بشكل بسيط, وخف عندي الارق شوي, يعني صرت احيانا انام بلليل واستيقظ الصبح واحيانا احس بنشراح صدر لفترة قليله ثم احس بشي كاتم على صدري.

طبعا الان انا صارلي مايقارب سنه وانا ملتزم بأداء الصلوات بوقتها واذكار الصباح والمساء وكل يوم اقرأ ورد من القران .وبالفتره الاخيره(من قبل ثلاث شهور) صرت اقرأسورة البقره وبديت بحفظها وحفظت الايات الشامله للرقيه من السحر والعين والحسد
وصرت اقرأهم على الماء اللي اغتسل فيه كل يوم مع سدر مطحون
وعلى الماء اللي اشرب منه وزيت الزيتون اللي ادهن منه الصبح عند الاستيقاظ وقبل المغرب وقبل النوم


صار عندي شوية تحسنات.
زال عني التوتر والقلق بنسبه لابأس بها, ورجعتلي ثقتي بنفسي بنسبه بسيطه وزال عني الخوف والقلق من الامراض واحيانا انشراح بالصدر بشكل بسيط.

صارت ذاكرتي قويه شوي

الاعراض اللي صارت تصادفني خلال اتباعي لهذي الرقيه
ضيق صدر
ثقل فوق الحاجبين والكتفين واحيانا الم بسيط بالكتفين(احس كأنو كتوفي مشدوده يعني مثل اللي كان يلعب تمارين رياضيه وحمل اثقال) واحسن كأن جسم مكسر, واحياناالم اسفل الظهر يشتد عند سماعي لسورة البقرة بالهيدفون
طبعا عيوني تغبش احيانا.
مثلا بفرض اليوم قريت الرقيه على نفسي واغتسلت بماء مرقي عليه ودهنت بزيت مرقي عليه ثاني يوم او بنفس اليوم احس بضيق صدر شديد مع اكتئاب واحيانا اصير ابكي من غير سبب ,لكن بعدها اصير احس بتحسن مثل انشراح صدر والتوتر اللي كان يجيني يقل واحس بتركيز اعلى,لكن عندما ارجع ارقي نفسي راح تصير معاي اعراض ضيق الصدر (مع انتفاخ في الصدر والاكتاف واحيانا احس راسي من الداخل ينتفخ) والاكتئاب قبل التحسن اللي راح يجيني من هذه الرقيه
وهكذا على هذا المنوال ,بحيث انو التحسن اللي يجيني من كل مره ارقي فيها نفسي اعلى من التحسن اللي يجيني من الرقيه اللي قبلها,لكن احيانا يجيني ضيقة صدر حاده لدرجه انو اتعب ومااستطيع اعمل أي شي.

احيانا وانا اقرأ بالرقيه او سورة البقرة احس بغضب شديد وضيق نفس مع صداع وتعكر بالمزاج وتستمر هذي الحاله معاي فتره بعدين احس براحه,واكثر المرات يصيبني شرود وانا اقرأ الرقيه او سورة البقره , ومااقدر اركز, او يصيبني نعاس وتثاؤب احيانا


شرود دائم وعدم تركيز, حتى وانا جالس مع الناس او أمشي اواكون لوحدي او ادرس او اقرأ قرأن اكون شارد الذهن وافكر واكثر المرات اكون منفعل مع الافكار ومتفاعل معها سواء افكار ايجابيه او سلبيه,لاازال اعاني منها

تسرع ضربات القلب مع وخزات فوق القلب مباشرتا,لكن خفت بعد الرقيه الشرعيه والدهن بالزيت المقروء عليه

ماأحب الخلطة كثير مع الناس ,يعني احب بس اختلط مع اصحابي المقربين,لمن اكون بمجلس فيه ناس غريبين او حتى قريبين لكن مالي خلطه معاهم,احس بتوتر,طبعا بالبيت مااحب اتكلم كثير يعني مااحب اخذ واعطي ,بس اللي يسألني اجاوبه

كنت عندما تصادفني أي مشكله او حتى لمن اريد انجاز أي عمل او مهمه مهما كانت صغيره احس بثقل كبير وتصير بعيني كبيره ويصعب انجازها,عشان كذا مااحب انجاز أي عمل,لكن هذي الاعراض خفت كثير بعد اتباعي للرقيه الشرعيه


احس كأن شي يتحكم فيني ويشدني تجاه المعصيه ومجالس السوء,لكن خفت بعد اتباعي بالرقيه الشرعيه


ومن الاعراض اللي كنت اعاني منها ولازلت اعاني منها لكن خفت شوي بعد اتباعي للرقيه هي:عندما ابدأ بأي نشاط مااكمله فمثلا عندما اقرر انو اقرأ كتاب سواء للمطالعه او للدراسه اوكتاب اسلامي اقرأ منه اشوي ثم اتركه وكذلك لمن ابدأ بأي عمل.....يعني امل بسرعه واحب اغير ومااحب اتبع أي روتين او أي نظام,عشان كذا مااحب القراءه والمطالعه ,حتى اني مااقدر اعمل مراجعة لمعلوماتي الجامعيه(احس كأنو ماعندي أي معلومه),وهذا الشي يسببلي خوف وعدم ثقي بالنفس,ولمن احاول اجبر نفسي على القراءه اتعب بسرعه ومااقدر اركز واحس بضيق بالصدر شديد وتعكر بالمزاج وتعب,عشان كذا مااقدر استمر بأي نشاط ابدأ فيه

اللي يضايقني اكثر شي ياجماعه هو احس دايما بتشويش وعدم تركيز وصداع احس بثقل براسي ياجماعه والله احس في شي براسي يتحكم فيني وحتى لمن اقرا أي معلومه احس انها ماتدخل مخي ولو دخلت بسرعه ماتطير(انسى بسرعه لعدم التركيز) ,ودايما بس ابدأ بأي شغله مااكملها,لو جبرت نفسي وسويتها تلاقيني مو مسويها على وجهها المطلوب, ودايما احس بهيجان وتوتر ومااحب اجلس بمكان واحد لفتره طويله ومااحب اركز, لمن يكلمني شخص بموضوع اتابع بس اول دقيقه وبعدين اشرد,وعصبي جدا بسرعه مااعصب من أي شغله,أي شغله تزعنجني حتى لو كانت صغيره وتافهه,ماعندي طولة بال بالعكس دايما الشغله اللي تبي طولة بال تلاقيني استعجلت فيها والشغله اللي لازم تنجز بسرعه تلاقيني طولة بالي قبل لا أسويها.

طبعا ياجماعه انا كنت خاطب على اساس بس اخلص جامعه اتزوج ,والحمدلله تخرجت, لكن كل مااريد اتزوج , تحصل مشكله تمنع الزواج واحس انو الامور غير ميسره واحس بثقل شديد وشي يمنعني من الزواج,طبعا البنت رفضت وغيرت رايها لانو فترة الخطبه طولت اكثر من اربع سنين ,وحست كأنو انا ماابيها.

بالاضافه انو انا كل مااريد ابدأ بالشغل بأختصاصي واكون نفسي وابدأ اعيش حياتي زي الناس ,احس بثقل وعدم ثقه بالنفس احس كن شي يمنعني ,
انا صارلي فترة وانا استخدم الرقيه الشرعيه , استخدمت الاغتسال بالخلطه الرومي مع ماء مقري عليه الرقيه الشرعيه الشامله لفترة تقريبا 20يوم, طبعا حسيت بتحسن,وبعدين استخدمت الماء المقري عليه مع السدرلفترة اكثر من اسبوعين ,وكذلك استخدمت ماءالسذاب والقسط الهندي المقري عليه (طبعا مع الدهن بالزيت الزيتون المقري عليه) كنت احس بتحسنات قليله وكانت تجيني اعراض ضيقة الصدر واكتئاب.لكن انا الان صارلي اكثر من شهر تقريبا كل يوم اقرأ سورة البقره وكل اثنين وخميس اقرأ الرقيه الشامله طبعا ويوميا ادهن راسي وصدري واسفل الظهر بزيت الزيتون مع زيت السذاب المقري عليه وكذلك الدهن بالمسك الاسود المقري عليه وشمه وماء مقري عليه للشرب وكذلك زيت زيتون مع حبة بركة مطحونه للاكل,لكن احس بضيقة صدر قويه مع اكتئاب ,واصير احس كأن مخي ينتفخ من الداخل وصدري وكتوفي وابطي احسهم ينتفخون واصير اتثائب كثيرا,خصوصا لمن اغتسل العصر وادهن بزيت الزيتون والبس ملابسي احس بضيق الملابس من جهة الاكتاف والصدر واصير اتثائب كثير لدرجة ملفته لانتباه الناس, دايماعندما اريد انجز أي شغله او اصير بأي موقف قدام الناس احس بخوف وخفقان قلب وضيق نفس وتعرق وتصير ايديني ترجف واحيانا رجلي اليسري مع انو الموقف يكون بسيط جدا وهذا الشي يسببلي عدم ثقه بالنفس عشان كذا مااحب العمل والشغل بختصاصي,لكن بالفتره بالاخيره لمن صرت اقرأ سورة البقره كل يوم صار هذا الشي يخف شوي شوي ,لكن لاازال اعاني من ضيق النفس ومزاج متقلب وتعرق من غير سبب وعدم القدره على التركيز,وصعوبه كبيره بالحفظ,او تذكر ماحفظته,واحس كأنو تركيزي مشوش, دايما بالنهار احس بالنعاس والكسل.من لمن بدا معاي هذا المرض صرت حساس من أي شغله وتغيضني أي شغله وأتأثر من أي شغله وسريع الغضب وقليل البصر والبصيره ,لكن من لمن بديت بالرقى الشرعيه وقرأت سورة البقرة صارت تخف عندي الحساسيه وسرعة الغضب, وقوى عندي النظر وبصيرتي ونظرتي للامور صارت اكثر وضوح .

صارلي فترة 10 ايام بديت فيها الدوام على مكان عمل للتدريب في مجال اختصاصي ,لكن موراضي اتأقلم مع جو العمل واحس بعدم الثقه بنفسي ويضيق عندي النفس وتجيني رغبه بالبكاء لكن لحد الان مستمر,لكن خايف انو هذي الاعراض تمنعني من الاستمرار في الدوام.


ابي مساعدتكم بتشخيص حالتي ,وطريقة علاجها والاخذ بالاسباب بشكل صحيح والشفاء من الله وحده.

طبعا انا صارلي على هذي الحاله من سنة1999

وابي اعرف هل كل عين لازم يصحبها جن وهل هذا الجن يكون مسلم لو كافر,وكيف يحدد المكان اللي يتمركز فيه بالجسم.

عندي كم سؤال لو سمحتم:

1- هل الشيطان لمن يتلبس بجسم الانسان يفضل على طول بجسمه ,لو يدخل ويطلع من الجسم على فترات متقطعه,ولو كان يدخل ويطلع على فترات متقطعه,ليش مايحس الانسان براحه خلال فترة خروجه من الجسم.
4- زين الشياطين بشهر رمضان مو تتصفد, الشيطان اللي يكون متلبس الانسان وش يحصل فيه


طبعا اعرف انو طولة عليكم وكثرة الاسئله ربما طريقة كتابة الموضوع غير مرتبه وطويلة اكثر من اللازم,طمعان بمساعدتكم ومعرفتكم وبعلمكم ,ولعل هذي الاطاله والتفصيل تساعدكم بتشخيص حالتي.

انا اعلم ان الشفاء من الله وحده وهذي كلها اخذ بالاسباب,وانو سبب تأخر شفائي هو من عندي, ربما لاني تنقلت من طريقة علاج لطريقه علاج اخرى ومااستمر على طريقة علاج واحده,ولم التزم بأدائها على وجهها المطلوب,وتخبطي وكثرة التفكير والوساوس,وربما لحكمه لا يعلمها الا الله ,لكن اريد ان اخذ بالاسباب على الوجه المطلوب لعل الله يشفيني ويعينني على عبادته ,لان والله ياجماعه المرض اللي فيني له تأثير على عبادتي بشكل كبير وعلى نفسي وجسدي.

وجزاكم الله خير وجزاكم الله خير وجزاكم الله خيرا على هذا الموقع وعلى كل العاملين فيه وجعله اللي في ميزان حسناتكم.


التعديل الأخير تم بواسطة يعقوب81 ; 19-10-2009 الساعة 07:38 PM.
    رد مع اقتباس مشاركة محذوفة